1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA: Uharte Arakilen eta Irañetan goi tentsioko instalazio elektrikoa jartzeko administrazio baimena ematea, exekuzio proiektuaren onestea eta haren onura publikoa zehazki deklaratzea. SAT11351 espedientea.
Sektore Elektrikoari buruzko abenduaren 26ko 24/2013 Legearen 54., 55. eta 56. artikuluetan eta abenduaren 1eko 1955/2000 Errege Dekretuaren 125. eta 144. artikuluetan ezarritako ondorioetarako, jendaurrean jartzen da I-DE Redes Eléctricas Inteligentes SAUren eskaera, goi tentsioko honako instalazio elektriko honi aurretiazko administrazio baimena eman, exekuzio proiektua onetsi, lurzoru urbanizaezinean baimendu daitezkeen jardueren baimena eman eta zehazki haren onura publikoa deklaratzeko:
a) Instalazioaren kokalekua: Uharte Arakilgo eta Irañetako udal-mugarteak.
b) Xedea: Inguruko energia eskaera asetzea eta zerbitzuaren kalitatea hobetzea.
c) Ezaugarri nagusiak: Zirkuitu bakuneko “Altsasu-Urdiain” 30 kV-eko aireko linea berritzea, 1.322. eta 1.339. euskarrien artean. Honako jarduera hauek gauzatuko dira:
–Hormigoi bibratuzko euskarri hauek kendu eginen dira: 1.104., 1.325., 1.326., 1.327., 1.328., 1.329., 1.330., 1.331., 1.332., 1.333., 1.334., 1.335., 1.336., 1.337., eta 1.338. Haien ordez, saretazko 9 euskarri berri jarriko dira.
–1.322. eta 1.339. eta 1.103. eta 1.104. euskarrien artean dagoen aireko linea (LA-56 eroalea duena) desmuntatuko da. Luzera: 1.132 metro.
Erdi-tentsioko aireko linea berria instalatuko da, eroale baten zirkuitu batek (47-AL1/8ST1A) osatutakoa faseko, 1.048 metroko luzerarekin, 1.322. eta 1.339. euskarrien artean.
Erdi-tentsioko aireko linea berria instalatuko da, eroale baten zirkuitu batek (47-AL1/8ST1A) osatutakoa faseko, 84 metroko luzerarekin, 1.103. eta 1.105. euskarrien artean.
d) Aurrekontu orokorra, guztira: 113.886,41 euro.
Onura publikoaren deklarazioak berekin du ondasunak okupatu beharra edo ukitutako eskubideak eskuratu beharra, eta presako okupaziora behartuko du, ondorioak izan ditzan Desjabetzeari buruzko Legearen 52. artikuluak. Enpresa eskatzailea onuradun bihurtuko da desjabetze espedientean, Nahitaezko Desjabetzeari buruzko Legearen 2.2 artikuluan ezarritakoari jarraikiz.
Espedientea jendaurrean jarriko da Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, Iruña), eta hura kontsultatu ahal izanen da, aldez aurretik hitzordua eskatuta helbide honetan: energia@navarra.es.
Era berean, informazioa esteka honetan eskuratzen ahal da:
https://gobiernoabierto.navarra.es/eu/partaidetza/prozesuak/espediente-sat11351
Alegazioak, iradokizunak edo oharrak 30 egun balioduneko epean aurkeztu behar dira, idatziz, iragarki hau Nafarroako Aldizkari Ofizialean argitaratu eta biharamunetik hasita.
Alegazioak edozein erregistro bulegotan aurkeztu beharko dira Nafarroako Gobernuaren Erregistro Orokor Elektronikoaren bidez, edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan ezarritako moduetako edozeinetan. Garapen Ekonomiko eta Enpresarialeko Departamentuko Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalera zuzendu behar dira, espediente zenbakia zein den esanda.
Iruñean, 2022ko maiatzaren 17an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
ZIRKUITU BAKUNEKO “ALTSASU-URDIAIN” 30 KV-EKO AIREKO LINEA BERRITZEKO PROIEKTUA, 1.322. ETA 1.339. EUSKARRIEN ARTEAN, UHARTE ARAKILGO ETA IRAÑETAKO (NAFARROA) UDAL-MUGARTEETAN Ukitutako ondasun eta eskubideen zerrenda |
FINKA P/A | TITULARRAK | UKIPENAK | KATASTROKO DATUAK |
Jar. | Linearen luzera | Euskarriak | Pol. | Lurz. | Lur mota |
m.l. | Zabal. | m² | un. | Kopurua | m² |
UHARTE ARAKILGO UM |
1 | FELIX GOICOECHEA GORRITI | LE | | | | 1 | 1325 | 2,56 | 2 | 113 | |
2 | CANDIDO ESCUDERO ABURUZA | LE | | | | 1 | 1327 | 2,56 | 2 | 123 | |
3 | MENDI TURI SAT N367 NA | LE | | | | 2 | 1329 1331 | 2,56 | 2 | 124 | |
4 | MIGUEL JOSE ARMENDARIZ HUARTE | LE | | | | 1 | 1333 | 2,56 | 2 | 134 | |
5 | MARIA ESTHER HUARTE FERNANDINO | LE | | | | 1 | 1104 | 1,32 | 2 | 309 | |
IRAÑETAKO UM |
6 | BASILIA IRIGARAY ZUBIRIA | LE | | | | 1 | 1335 | 2,56 | 1 | 8A | |
7 | PEDRO JOSE LAZCOZ HUARTE | LE | | | | 1 | 1337 | 2,89 | 1 | 9A | |
8 | MIGUEL ANGEL GORRITI IRIGARAY MARIA BEGOÑA GORRITI IRIGARAY | LE | | | | 1 | 1338 | 2,56 | 1 | 223B | |
Iragarkiaren kodea: F2207325