2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
LEDEA
2022rako lan publikoaren eskaintza
Alkatetzaren maiatzaren 17ko 2022-0056 Ebazpenaren bidez, 2022rako lan publikoaren eskaintza onetsi da, honela:
Lehena.–Onestea Ledeako Udalaren 2022rako lan publikoaren eskaintza, honako lanpostu hauek barne hartuta, eta kontuan hartuta abenduaren 28ko 20/2021 Legeak xedatutakoa (Enplegu publikoan behin-behinekotasuna murrizteko premiazko neurriei buruzko Legea), eta Estatuko Aurrekontu Orokorrei buruzko 22/2021 Legearen 20. artikuluak ordezte-tasari buruz ezarritakoa:
1.–Izaera: lan-kontratudun finkoa. Lanpostu kopurua: bat (1). Lanpostua: zerbitzu anitzetako enplegatua. D maila. Mailako osagarria: %12. Lanpostuko osagarria: %6,99. Sarbidea: oposizioa. 2022rako Estatuaren Aurrekontu Orokorrei buruzko 22/2021 Legearen 20. artikuluan ezarritako ordezte tasa. Betetzeko aurreikuspena: 2023-2024-2025. Txanda irekia.
2.–Izaera: lan-kontratudun finkoa. Lanpostu kopurua: bat (1). Lanpostua: gizarte eta kultura etxeko arduraduna. D maila. Mailako osagarria: %12. Lanpostuko osagarria: %14,35. Sarbidea: merezimendu-lehiaketa, behin bakarrik eta salbuespenez (20/2021 Legearen 6. xedapen gehigarria). Betetzeko aurreikuspena: 2023-2024. Txanda irekia.
Bigarrena.–Lan publikoaren eskaintza argitaratzea udal honen egoitza elektronikoan, iragarki-taulan eta Nafarroako Aldizkari Ofizialean, orok jakin dezan eta interesdunek egokitzat jotzen dituzten errekurtsoak jar ditzaten, kasua bada.
Hirugarrena.–Erabaki honen berri ematea lan publikoaren eskaintzako lanpostuetan egun diharduten aldi baterako lan-kontratudunei, behar diren ondorioetarako.
Ebazpen honen aurka, hautara, errekurtso hauetako bat aurkez daiteke:
a) Berraztertzeko errekurtsoa, egintzaren organo egileari zuzendua, hilabeteko epean, erabaki hau Nafarroako Aldizkari Ofizialean argitaratu eta biharamunetik hasita.
b) Administrazioarekiko auzi-errekurtsoa, Iruñeko Administrazioarekiko Auzien Epaitegiari zuzendua, bi hilabeteko epean, iragarki hau Nafarroako Aldizkari Ofizialean argitaratu eta biharamunetik hasita.
c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, iragarki hau Nafarroako Aldizkari Ofizialean argitaratu eta biharamunetik hasita.
Ledean, 2022ko maiatzaren 17an.–Alkatea, Ricardo Murillo Delfa.
Iragarkiaren kodea: L2207161
