2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ANTSOAIN
Aldaketa 14. ordenantza fiskalean, hezkuntza, kultura, kirol edo gizarte arloetan Udalak eta udal zerbitzuek antolatzen dituzten ikastaro eta jardueretako sarrera, izen emate edo matrikuletako prezio publikoak arautzen dituen horretan. Hasierako onespena
Antsoaingo Udalak, 2021eko martxoaren 31n egin osoko bilkuran, hasiera batean onetsi zuen 14. ordenantza fiskalaren aldaketa. Ordenantza horrek hezkuntza, kultura, kirol edo gizarte arloetan Udalak eta udal zerbitzuek antolatzen dituzten ikastaro eta jardueretako sarrera, izen emate edo matrikuletako prezio publikoak arautzen ditu.
Nafarroako Toki Administrazioari buruzko uztailaren 2ko 6/1990 Foru Legearen 325. artikuluan xedatuari jarraikiz, onetsitako aldaketa ikusgai egonen da hogeita hamar egun baliodunean, iragarki hau Nafarroako Aldizkari Ofizialean argitaratu eta biharamunetik hasita, interesdunek espedientea aztertu eta erreklamazio, kexa edo oharrak aurkez ditzaten.
Jendaurreko epean inork ez badu alegaziorik aurkezten, ordenantzaren aldaketa behin betiko onetsi, eta haren testua osorik emanen da argitara Nafarroako Aldizkari Ofizialean.
Antsoainen, 2021eko apirilaren 12an.–Alkatea, Ander Andoni Oroz Casimiro.
Iragarkiaren kodea: L2105836
