1. NAFARROAKO FORU KOMUNITATEA
1.7. BESTELAKOAK
15/2021 EBAZPENA, martxoaren 31koa, Lehendakaritzako eta Gobernu Irekiko zuzendari nagusiak emana, zeinaren bidez xedatzen baita Nafarroako Aldizkari Ofizialean argitaratzea Estatuko Administrazio Orokorraren eta Nafarroako Foru Komunitatearen arteko Lankidetza Batzordearen Erabakia, abenduaren 29ko 22/2020 Foru Legearen gainekoa. Foru lege horren bidez Nafarroako Toki Ogasunei buruzko Foru Legea aldatzen da.
Aintzat hartuz Konstituzio Auzitegiari buruzko urriaren 3ko 2/1979 Lege Organikoaren 33. artikulua, urtarrilaren 7ko 1/2000 Lege Organikoak aldatu zuena,
EBAZTEN DUT:
Estatuko Administrazio Orokorraren eta Nafarroako Foru Komunitatearen arteko Lankidetza Batzordearen Erabakia, ebazpen honi eranskin gisa gehitu zaiona, Nafarroako Aldizkari Ofizialean argitara dadila xedatzea.
Iruñean, 2021eko martxoaren 31n.–Lehendakaritzako eta Gobernu Irekiko zuzendari nagusia, Joseba Asiain Albisu.
ERANSKINA
Estatuko Administrazio Orokorraren eta Nafarroako Foru Komunitatearen arteko Lankidetza Batzordearen Erabakia, Nafarroako Toki Ogasunei buruzko Foru Legea aldatzen duen abenduaren 29ko 22/2020 Foru Legearen gainekoa
Estatuko Administrazio Orokorraren eta Nafarroako Foru Komunitatearen arteko Lankidetza Batzordeak erabaki hau hartu du:
1. Negoziazioak hastea, foru legearen artikulu bakarraren laugarren, bosgarren, seigarren, zazpigarren, bederatzigarren, hamargarren, hogeita hamabosgarren eta hogeita hamaseigarren apartatuei eta bigarren xedapen gehigarriari dagokienez dauden desadostasunak bideratzeko.
2. Lantalde bat izendatzea, Lankidetza Batzordeari bidezko den konponbidea proposatzeko.
3. Erabaki hau Konstituzio Auzitegiari jakinaraztea Konstituzio Auzitegiari buruzko Lege Organikoaren 33.2 artikuluan aipatzen den edozein organoren bidez, manuan berean aipatzen diren ondorioetarako, eta erabaki hau Estatuko Aldizkari Ofizialean eta Nafarroako Aldizkari Ofizialean argitaratzea.
Iragarkiaren kodea: F2105441
