2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
UHARTE
Alkatea ordeztea
Alkatetzak 2015eko abenduaren 31n eman Ebazpenaren bidez, ondotik ematen den erabakia hartu zuen. Hona hemen, hitzez hitz, haren xedapen zatia:
“Kontuan harturik arrazoi pertsonalak direla-eta alkate hau udalerritik kanpora izanen dela 2016ko urtarrilaren 3tik 10era.
Ikusirik Toki Araubidearen Oinarriak arautzen dituen apirilaren 2ko 7/1985 Legearen 23.3 artikuluak ezartzen duela alkateordeek ordezkatuko dutela alkatea, betiere haien izendapenaren ordenaren arabera, hura herritik kanpo edo eri dagoenean edo kargua hutsik gelditzen denean.
Kontuan harturik 2015eko ekainaren 30eko osoko bilkuran ezarritako aginduak, Uharteko Udaleko alkateordeak izendatzen dutenak.
Kontuan hartuz Toki Entitateen Antolaketaren, Funtzionamenduaren eta Araubide Juridikoaren gaineko Erregelamendua onesten duen azaroaren 28ko 2568/1986 Errege Dekretuaren 47.1 eta 2 artikuluan ezarritako aginduak.
Aurrekoak hala izanik eta Toki Araubidearen Oinarriei buruzko Legearen 21. artikuluak eta Antolaketaren eta Funtzionamenduaren gaineko Erregelamenduaren 44.1 artikuluak (aplikagarria aipatu legearen 47.2 artikuluaren bidez) Alkatetza honi ematen dizkioten eskumenez baliatuz,
EBATZI DUT:
Lehenbizikoa.–Lehen alkateorde Edorta Beltzunegi López Alkatetzaren ordezko izendatzea 2016ko urtarrilaren 3tik urtarrilaren 10ra arte, biak barne, egun horietan karguari dagozkion eginkizun guztiak nire ordez betetzeko, epe horretan udalerritik kanpora izanen bainaiz.
Bigarrena.–Aurreko azalpen atalaren ondoriozko ordezkotzak aipatu egunetarako baino ez du indarrik izanen; betiere, 2016ko urtarrilaren 11n, kargura itzultzen naizenean, bukatuko da.
Hirugarrena.–Interesdunari jakinaraztea ezen, Errege Dekretu horren 43. artikuluan ezarritakoari jarraikiz, Alkatetza honen ordezkapenak dirauen bitartean ezin izanen dituela baliogabetu Antolamenduaren eta Funtzionamenduaren Erregelamenduaren 48. artikuluan oinarrituz nik egindako ordezkapenak.
Laugarrena.–Azaroaren 28ko 2568/1986 Errege Dekretuaren 44.2 artikuluan oinarriturik, ebazpen hau Nafarroako Aldizkari Ofizialean eta Uharteko Udalaren ediktuen oholean argitaratzea.
Bosgarrena.–Ebazpen hau interesdunari jakinaraztea eta hurrengo osoko bilkuran haren berri ematea, organo horrek egiten duen hurrengo bilkura arruntean.
Argitara ematen da, Toki Entitateen Antolaketari, Funtzionamenduari eta Araubide Juridikoaren Erregelamenduko (azaroaren 28ko 2568/1986 Errege Dekretuko) 46. artikuluan, bigarren paragrafoan, xedatua betez, eta Toki Araubidearen Oinarriak arautzen dituen apirilaren 2ko 7/ 1985 Legearen 21.1.r) artikuluak Alkatetzari emandako eskumena erabiliz.”
Uharten, 2015eko abenduaren 31n.–Alkatea, Alfredo Arruiz Sotes.
Iragarkiaren kodea: L1600058