1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
125/2021 EBAZPENA, martxoaren 9koa, Nafarroako Kirolaren Institutuko zuzendari kudeatzaileak emana, zeinaren bidez izendatzen baitira Nafarroako XXXIV. Kirol Jokoetako Antolaketa Batzordeko kideak.
Kirolaren Zuzendariordetzaren txostena ikusirik, non proposatzen baita Nafarroako XXXIV. Kirol Jokoetako Antolaketa Batzordeko kide izanen diren pertsonak izendatzea.
Horrenbestez, Nafarroako Kirolaren Institutuaren estatutuak onesten dituen azaroaren 15eko 326/2019 Foru Dekretuak eskuordetu dizkidan ahalmenekin bat,
EBAZTEN DUT:
1. Ondoko pertsona hauek izendatzea Nafarroako XXXIV. Kirol Jokoetako Antolaketa Batzordeko kide:
–Begoña Echeverria Beroiz, Kirola Sustatzeko Ataleko buru den aldetik.
–Andoni Irujo Pérez de Eulate, Nafarroako Kirol Jokoen Bulegoko buru den aldetik.
–Ana Onaindia Salaberria, Kirola Sustatzeko Bulegoko buru den aldetik.
–David Malo Otermin, Nafarroako Kirolaren Institutuko kirol teknikari den aldetik.
–Fco. Javier Martínez Irujo, banakako kirolen federazioen ordezkari den aldetik.
–Jesús M.ª Ros Azpíroz, taldekako kirolen federazioen ordezkari den aldetik.
–Pablo Bolea Goñi, Nafarroako toki entitateak ordezkatuz.
–Raquel Astudillo Marrodán, Nafarroako toki entitateak ordezkatuz.
2. –Baimena ematea, baldin Antolaketa Batzordeko kideetako batek uzten badu batzordeko kide izendatzea ekarri zuen kargua, postu hori betetzen duen pertsonak ordezka dezan.
3. Ebazpen hau Nafarroako Aldizkari Ofizialean argitaratzea.
4. Ebazpen honek ez du administrazio bidea amaitzen, eta haren kontra gora jotzeko errekurtsoa jartzen ahal da, Kultura eta Kiroleko kontseilariari zuzendua, argitaratu eta biharamunetik hasita hilabeteko epean.
5. Ebazpen hau igortzea Administrazio eta Kudeaketa Atalera, Kirolaren Zuzendariordetzara eta interesdunei, behar diren ondorioetarako.
Iruñean, 2021eko martxoaren 9an.–Nafarroako Kirolaren Institutuko zuzendari kudeatzailea, Miguel Ángel Pozueta Uribe-Echeverría.
Iragarkiaren kodea: F2104175
