3. ESTATUKO ADMINISTRAZIOA
EBROKO KONFEDERAZIO HIDROGRAFIKOA
Iragarki oharra. Erreferentzia: 2019-A-88
Amaia Senosiain Artozkik honako datu eta ezaugarri hauek dituen ur publikoen aprobetxamendua eskatu du:
Ezaugarriak:
–Eskatzailea: Amaia Senosiain Artozki.
–Ibilgua: izenik gabeko erreka, Ultzama ibaiaren arroan.
–Hargunearen tokia: Etxezar Bordaldea.
–Hargunearen udalerria: Olague-Anue ibarra (Nafarroa).
–Hargunearen koordenatuak: UTMX: 614568, UTMY: 4759402 (ETRS89, UTM-30).
–Aldiuneko gehieneko emaria hargunean: 0,3 l/s.
–Gehieneko bolumena urtean: 63,51 m³.
–Batez besteko emari baliokidea kontsumo handieneko hilean: 0,002 l/s.
–Erabilera: aziendari emateko.
Aprobetxamenduan, urtero 63,51 m³-ko ur bolumena hartuko da, eta 0,002 l/s-koa izanen da, kontsumo handieneko hilean, batez besteko emari baliokidea, Eltzarrain ibaiaren adar den izenik gabeko erreka batetik hartua (Ultzama ibaiaren arroa); horretarako, ibilguaren ohean kokatutako hartze kutxatila bat erabiliko da, eta hortik, grabitate bidez, 32 mm-ko diametro duen polietilenozko hodi batetik, zeina 80-100 mm-ko diametroa duen hormigoizko hodi baten barnean baitago, ura eramanen da 1 m³-ko edukiera duten bi biltontzitaraino, 600 oilo hornitzeko Olaguen, Anueko udal-mugarteko poligonoko 578. lurzatian (Nafarroa).
Aditzera ematen da orok jakin dezan eta eskaera honek kalte egiten diela uste dutenek beren erreklamazioak Ebroko Konfederazio Hidrografikoari idatziz aurkezteko aukera izan dezaten, hogeita bost egun balioduneko epean, iragarki hau Nafarroako Aldizkari Ofizialean argitaratzen denetik hasita. Eta, horretarako, espedientea ikusgai egonen da Ebroko Konfederazio Hidrografikoan (Sagasta pasealekua 26-28, Zaragoza). Eta espedientearen fotokopiak eta dokumentazio teknikoa Iruñeko bulegoan egonen dira ikusgai (Serafín Olave 7), bulego orduetan.
Zaragozan, 2020ko urriaren 22an.–Komisario albokoa, Javier San Román Saldaña.
Iragarkiaren kodea: E2104025
