2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BETELU
2021. urteko karga tasak
Beteluko Udalak 2020ko azaroaren 19an egindako bilkuran, 2021eko karga tasak onartu zituen hasiera batez.
2021eko abenduaren 14ko Nafarroako Aldizkari Ofizialaren 287. alean eta udaleko iragarki oholean iragarri ondoren, emandako epea iragan da inork erreklamaziorik aurkeztu gabe.
Hona hemen testua osorik:
1. 2021. urteko karga tasak.
1.1. Lur-ondasunen gaineko kontribuzioa: karga tasa: %0,30.
1.2. Eraikuntza, instalazio eta obren gaineko zerga: karga tasa: %3,5.
1.3. Jarduera ekonomikoen gaineko zerga: udalaren gutxieneko indizea:
–Hiriguneko jarduerak: udalaren gutxieneko indizea: 1,26.
–Hirigunetik kanpoko jarduerak: udalaren gutxieneko indizea: 1,20.
1.4. Hiri-lurren balio-gehikuntzaren gaineko zerga.
a) Zerga oinarria ezartzeko koefizienteak:
–Nafarroako Toki Ogasunei buruzko martxoaren 10eko 2/1995 Foru Legearen 175.2 artikuluan ezarritako gehienezko koefizienteak.
b) Kuota likidatzeko zerga-tasa.
–Balio-gehikuntza sortzen den aldi guztietan karga-tasa bakarra ezartzea: %18.
1.5. Haurtzaindegi zerbitzuko tasa, haur bakoitzeko hilabetean. (Aplikatuko dira Nafarroako Gobernuak haur hezkuntzako ikastetxeetarako onetsitako tarifak).
2. Erabaki honek 2021. urteko urtarrilaren batean hartuko du indarra.
Hau guztia jakinarazten dizut jakin dezazun, eta behar diren ondorioetarako, ohartaraziz erabaki horren kontra ondoko errekurtsoak jartzen ahal direla, hautara:
a) Berraztertzeko errekurtsoa, egintzaren organo egileari berari zuzendua, hilabeteko epean, iragarki hau Nafarroako Aldizkari Ofizialean argitaratu eta biharamunetik aitzina.
b) Administrazioarekiko auzi-errekurtsoa, Nafarroako Auzitegi Nagusiko Administrazioarekiko Auzien Sailari zuzendua, bi hilabeteko epean, iragarki hau Nafarroako Aldizkari Ofizialean argitaratu eta biharamunetik aitzina, edo,
c) Gora jotzeko errekurtsoa, Nafarroako Administrazio Auzitegiari zuzendua, iragarki hau Nafarroako Aldizkari Ofizialean argitaratu eta hilabeteko epean.
Betelun, 2021eko otsailaren 24an.–Alkatea, Miguel Javier Recalde Goldaraz.
Iragarkiaren kodea: L2103221
