2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ABERIN
Baso aprobetxamenduaren enkante publikoa
Aberingo Udalak, behar bezala baimendurik, gutun-azal itxien bidezko enkante publikoa eginen du, baso-aprobetxamendu hau adjudikatzeko:
–Lote bakarra: “El cerrado” eta “El monte”, alderdiak. Aberingo herri-lurrak dira, eta 2. poligonoko 410. lurzatian eta 1. poligonoko 101-B lurzatian daude, hurrenez hurren.
ESPEZIEA | ALDERDIA | ESTEREO KOPURUA | BOLUMENA GUZTIRA (m³) | ZURAREN BALIOESPENA (euroak) |
Makal klonak | “El cerrado” | - | 150,54 | 5268,90 euro |
Alepo pinua (Pinus halepensis) | “El monte” | 723 | 457,00 | 4.338 euro |
Makal klonari eman zaion balioa da 35 euro metro kubiko bakoitzeko.
–Mozketa mota: arraseko mozketa.
–Jarduketaren azalera: 0,5 ha.
–Prezio horietan ez da sartu BEZa.
–Behin-behineko fidantza: hasierako prezioaren %2.
Alepo pinuari dagokionez, emaitzaren araberako aprobetxamendua izanen da; prezioa Alepo pinuko estereoko, 6,00 euro.
–Mozketa mota: bakanketa mistoa.
–Jarduketaren azalera: 11,70 ha.
–Prezio horietan ez da sartu BEZa.
–Behin-behineko fidantza: hasierako prezioaren %2.
Proposamenak Aberingo udaletxean aurkeztuko dira, 20 egun naturalean, Nafarroako Aldizkari Ofizialean argitaratu ondotik (15:00ak arte).
Proposamenak irekiko dira aurkezteko epea bukatu ondoko ostiralean, 10:00etan.
Baldintza teknikoak eta administrazio baldintzen agiria Aberingo Udaleko Idazkaritzan daude (Kale Nagusia 36; 31264 Muniain Iguzkitza, Aberin), edo web-orri honetan: www.aberin-muniain.org.
Aberinen, 2021eko otsailaren 16an.–Alkatea, Francisco Javier Fernández Velasco.
Iragarkiaren kodea: L2102749