2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
LODOSA
Xehetasun-azterketa, 2. poligonoko 324. lurzatiaren ipar muturreko U.C.-16 unitatearena. Behin betiko onespena
Lodosako Udalak, 2021eko otsailaren 4an egin osoko bilkuran, behar den aktan onetsiko dena ukatu gabe, xedapen zatian honela dioen erabakia hartu zuen:
1. Behin betiko onestea xehetasun-azterketa, eraikinaren barne lerrokadura aldatzeko, Lodosako udal-mugarteko 2. poligonoko 324. lurzatiaren ipar muturrean. Azterketa nekazaritzako ingeniari José Esteban Llop Ruizek idatzi du, Ingeniería Feydo SLren zerbitzura, eta 2020ko urriaren 1ekoa da; ez du elkargoaren ikus-onespenik (Lodosako Udalean 1969 sarrera zenbakia eman zaio 2020ko urriaren 1ean). Conservas Baigorri de Luis SLk sustatu du (B31852791), Calderín 3, 31580 Lodosa (Nafarroa). Azterketaren helburua da lerrokadura aldatzea, transformazio zentro partikular batek eta goi tentsioko linea elektriko batek galarazten baitute baimendutako gehieneko aprobetxamendua gauzatzea, bat etorriz uztailaren 26ko 1/2017 Legegintzako Foru Dekretuaren 74. artikuluarekin, 72. artikuluari dagokionez (foru dekretu horren bidez onetsi zen Lurraldearen Antolamenduari eta Hirigintzari buruzko Foru Legearen testu bategina).
2. Behin betiko onespena argitaratzea Nafarroako Aldizkari Ofizialean eta horren berri ematea Nafarroako Gobernuaren Lurralde Antolamenduko, Etxebizitzako, Paisaiako eta Proiektu Estrategikoetako Departamentuari, Lurraldearen Antolamenduko Zuzendaritza Nagusiari, Lurralde eta Paisaia Zerbitzuari eta sustatzaileari.
3. Erabaki hau irmoa da bide administratiboan eta, haren kontra, errekurtso hauetakoren bat paratzen ahalko da, hautara:
1.–Hilabeteko epean, jakinarazi eta biharamunetik hasita, berraztertzeko errekurtsoa, egintzaren udal organo egileari zuzendua (urriaren 1eko 39/2015 Legea).
Berraztertzeko errekurtsoa aurkeztuz gero, hura ebatzi edo ustez ezetsi arte ezin izanen da aurkeztu ez gora jotzeko errekurtsorik, ez administrazioarekiko auzi-errekurtsorik.
Berraztertzeko errekurtsoaren ebazpenaren kontra ezin izanen da berriz aurkeztu errekurtso-mota hori bera.
2.–Hilabeteko epean, jakinarazpenetik hasita, gora jotzeko errekurtsoa, Nafarroako Administrazio Auzitegiari zuzendua (uztailaren 2ko 6/1990 Foru Legea).
Gora jotzeko errekurtsoa aurkeztuz gero, hori ebatzi edo ustez ezetsi arte ezin izanen da aurkeztu administrazioarekiko auzi-errekurtsorik.
3.–Administrazioarekiko auzi-errekurtsoa, jurisdikzio horretako organo eskudunari zuzendua, bi hilabeteko epean, jakinarazi eta biharamunetik hasita (uztailaren 13ko 29/1998 Legea).
Hirigintza araudia ez da aldatzen, barne patioko lerrokadura soilik aldatzen da, 01 kokapena, 02 egungo egoera eta 03 aldatutako egoera planoetan azaltzen den moduan.
Agiria Foru Komunitateko administraziora igorri da Nafarroako hirigintzari buruzko Informazio Sisteman sar dezaten (NHIS).
Lodosan, 2021eko otsailaren 5ean.–Alkate udalburua, Pablo Azcona Molinet.
ERANSKINA
Xehetasun-azterketa (PDFa).
Iragarkiaren kodea: L2102116
