Iragarkia

43. ALDIZKARIA - 2021eko otsailaren 25a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

AZKOIEN ALDEKO OINARRIZKO GIZARTE ZERBITZUEN MANKOMUNITATEA

Aldaketa, Etxeko laguntza zerbitzua arautzen duen ordenantzan. Behin betiko onespena

Azkoiengo, Martzillako, Faltzesko eta Funesko Oinarrizko Gizarte Zerbitzuen Mankomunitateko Batzarrak, 2020ko urriaren 19an egindako bilkuran, hasiera batez onetsi zuen 2021erako aldaketa ordenantza batean, hain zuzen ere Etxeko laguntza-zerbitzua eta zerbitzu hori emateagatiko tasak arautzen dituen ordenantzan.

Hasierako onespenaren erabakia 2020ko 288. Nafarroako Aldizkari Ofizialean argitaratu zen, abenduaren 15ean, eta jendaurrean egoteko epea inork alegaziorik aurkeztu gabe iraganik, ordenantza hori behin betikoz onetsi eta osorik argitaratzeko agindu da, behar diren ondorioak izan ditzan. Hori guztia, bat etorriz Nafarroako Toki Administrazioari buruzko uztailaren 2ko 6/1990 Foru Legearen 325. artikuluan xedatuarekin, maiatzaren 31ko 15/2002 Foru Legeak aldatu baitzuen.

Azkoienen, 2021eko urtarrilaren 27an.–Mankomunitateko burua, Nuria Autor Resano.

ERANSKINA

11. artikulua.–ELZko erabiltzaileei aplikatu beharreko tarifak.

1.–Etxeko laguntza zerbitzuari ordaindu beharreko tasa kalkulatzeko, irizpide hauek hartuko dira kontuan:

A) Diru-sarrerak.

B) Landa-lurreko jabetza.

C) Bigarren etxebizitzaren jabetza eta bestelako hiri-jabetzak.

D) Banku-kontuak.

2.–Familia-langilearen kostuaren %50 izanen da, gehienez ere, landa-lurreko eta hiri-lurreko jabetzengatik aplikatu beharreko tasa, eta diru-sarrera ekonomikoengatik eta bankuko kontuengatik, kostu beraren %100.

3.–Gutxieneko tasa 6,00 eurokoa izanen da hilabetean, ordaintzetik salbuetsita dauden erabiltzaileentzat izan ezik. Kontzeptu guztietan ordaindu beharreko lehen tartea euro 1 orduko izanen da beti, eta ez da urte berriarekin eguneratuko.

4.–Zerbitzuaren erabiltzaileen eta ezkontideen diru-sarreren eta ondasunen %100 hartuko da kontuan.

5.–Familia-unitateko beste kide batzuk etxean bizi eta ez badira zerbitzuaren erabiltzaileak (eta, beraz, ez badute laguntzarik jasotzen), esaterako, seme-alabak, suhi-errainak, bilobak, aurreko ahaideak..., aintzat hartuko da horien diru-sarreren, ondasunen eta aurrezki kontuen %50.

Etxeko laguntza zerbitzuak artatzen duen norbaiten etxera ahaide bat (seme-alabak, suhi-errainak, bilobak, aurreko ahaideak...) aldi baterako bizitzera joaten denean, epe hori hiru hilabete baino handiagoa bada, etxebizitza horretan erroldatuta egon ala ez, tasa berriro kalkulatuko da pertsona horren diru-sarreren, ondasunen eta aurrezki kontuen %50 aintzat hartuz.

Bizikideen diru-sarrerak ez dira kontuan hartuko, baldin Nafarroako Mendekotasun Agentziaren irizpideei jarraikiz erabiltzaileek mendekotasun larria (I. maila eta II.a) edo handia (I. maila eta II.a) badaukate.

Ez dira aintzat hartuko beste bizikide batzuen diru-sarrerak (ezkontidearena salbu), baldin badira mendekotasun arina, larria eta handia aitortua duten erabiltzaileak, Autonomia pertsonala sustatzeari eta mendetasun-egoeran dauden pertsonak zaintzeari buruzko abenduaren 14ko 39/2006 Legearen arabera.

6.–Ordaintzetik salbuetsita: laguntzako pentsioak, kotizaziorik gabekoak eta gizarte-langileak hala juzgatzen duenean.

7.–Erabiltzaile batek irizpide batengatik baino gehiagogatik ordaindu behar duenean, tarifa aplikatzerakoan horiek guztiak batuko dira. Zerbitzuaren benetako kostura iritsi arte; izan ere, hori ezin da inoiz gainditu.

8.–Mankomunitateak onuradunen egoera ekonomikoa berrikusiko du, eta hura baloratzeko behar den dokumentazioa aurkezteko eskatuko du. Adierazten den epean aurkeztu beharko du onuradunak dokumentazio hori. Betebehar hori bete ezean, ezarrita dagoen tarifarik handiena aplikatuko da edo ez da zerbitzua emanen.

9.–Zerbitzuan alta ezartzen den egunetik aurrera kobratuko dira tasak; handik aurrera hilero eginen da hori, zerbitzuak zein hilabetetan eman, hurrengo hilabeteko lehenengo 10 egunetan.

10.–Ordenantza honetan ezarritako tasak urtero eguneratuko dira, erakunde eskudun ofizialak Nafarroarako onetsitako kontsumoko prezioen igoerarekin bat.

A) Diru-sarrera ekonomikoak:

Aplikatzeko, kontuan izanen da, alde batetik, Nafarroako 2020ko KPIaren urteko igoera (Estatistikako Institutu Nazionalaren datuak –2019ko azaroa– 2020ko azaroa), ondoko taulan adierazten den bezala, eta, bestetik, Gizarte Zerbitzuetako 2020ko familia-langilearen kostuaren %100.

Familiako kideen eta lortutako diru-sarreren arabera kalkulatuko da tasa, honako taula honi jarraikiz.

Honako kontzeptu hauek hartuko dira gastu kengarritzat:

–Etxebizitzaren alokairua edo erosketa.

–Familia-unitateko kideen mendekotasunaren ondoriozko laguntza: eguneko zentroa, garraioa, etxeko lanak egitea, bestelakoak...

B) Landa-lurreko jabetza:

Baremoak aplikatzerakoan kontuan hartu beharreko irizpideetako bat da.

Lurraren balioa kalkulatzeko, udalerri bakoitzaren katastroko balioa hartuko da kontuan. Nafarroako Gobernuak eginen du hori balorazio taula batzuen arabera. Haietan, lurraren kategoriaz gainera, kontuan hartuko dira kokapena, lurzatien gorabeherak eta haien ezaugarriak ere. Udal bakoitzari igortzen zaio, jabe bakoitzaren katastroko orrian kalkulatuta.

Ondoan, lurraren katastroko balioaren arabera bakoitzari aplikatu beharreko tarifa azaltzen da:

–6.010,12 eta 7.515,65 euro bitarte, (1,00 euro/h).

–7.512,66 eta 9.015,18 euro bitarte, %10 (2,18 euro/h).

–9.015,19 eta 10.517,71 euro bitarte, %15 (3,26 euro/h).

–10.517,72 eta 12.020,24 euro bitarte, %20 (4,35 euro/h).

–12.020,25 eta 13.522,77 euro bitarte, %25 (5,44 euro/h).

–13.522,78 eta 15.025,30 euro bitarte, %30 (6,53 euro/h).

–15.025,31 eta 16.527,83 euro bitarte, %40 (8,70 euro/h).

–16.527,83 eurotik gora, %50 (10,88 euro/h).

C) Bigarren etxebizitzaren jabetza eta hiri-lurreko beste jabetza batzuk:

Erabiltzailearen bizilekua ez da kontuan hartuko, baina bai bigarren etxebizitza eta bestelako hiri-jabetzak.

Zerga-oinarriaz baliatuta eginen da kalkulua, eta honako tarifa hau aplikatuko:

–12.020,24 eta 15.025,30 euro bitarte, (1,00 euro/h).

–15.025,31 eta 18.030,36 euro bitarte, %10 (2,18 euro/h).

–18.030,37 eta 21.035,42 euro bitarte, %15 (3,26 euro/h).

–21.035,43 eta 24.040,48 euro bitarte, %20 (4,35 euro/h).

–24.040,49 eta 27.045,54 euro bitarte, %25 (5,44 euro/h).

–27.045,55 eta 30.050,61 euro bitarte, %30 (6,53 euro/h).

–30.050,62 eta 33.055,67 euro bitarte, %40 (8,70 euro/h).

–33.055,67 eurotik gora, %50 (10,88 euro/h).

D) Banku-kontuak:

Pertsona horren aurrezkiak hartuko dira kontuan, bai kontu korrontekoak bai epe finkorakoak, eta 2020ko KPIren urteko igoera aplikatuko zaie (Estatistikako Institutu Nazionalaren datuak –2019ko azaroa– 2020ko azaroa), honako taula honetan jaso bezala.

Irizpide hori aplikatzeko, diru-sarrerei eta aurrezkiei buruzko bankuen ziurtagiriak eskatuko zaizkie erabiltzaile guztiei.

Iragarkiaren kodea: L2102130