2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
PUIU
2021erako lan-egutegia eta egun baliogabeen deklarazioa
Puiuko Udalak, Alkatetzak 2021eko urtarrilaren 31n emandako 2021-0003 Ebazpenaren bidez, onetsi zituen 2021eko lan-egutegia eta egun baliogabeen deklarazioa. Hona hemen zer ezartzen duen haren xedapen zatiak:
“Lehena.–2021eko lan-egutegia.
2021eko lan-egutegia onestea Puiuko Udalaren zerbitzuko langileentzat. Honako hauek izanen dira jaiegunak, eta egun horietan itxirik egonen dira udal bulegoak:
–Urtarrilaren 1a.
–Urtarrilaren 6a.
–Martxoaren 19a.
–Apirilaren 1a.
–Apirilaren 2a.
–Apirilaren 5a.
–Maiatzaren 1a.
–Uztailaren 26a (herriko festa).
–Urriaren 12a.
–Abenduaren 3a.
–Abenduaren 6a.
–Abenduaren 8a.
–Abenduaren 25a.
Bigarrena.–2021eko egun baliogabeak.
Orobat, baliogabeak izanen dira, 2021ean epeak kontatzeari dagokionez, larunbat eta igande guztiak eta honako ebazpen honen lehenbiziko xedapenean adierazitako jaiegunak.
Hirugarrena.–Jendea hartzeko ordutegia.
Puiuko Udaleko Erregistro Orokorra 11:00etatik 14:30era egonen da irekita, jendea hartzeko, astelehen, asteazken eta ostiraletan.
Laugarrena.–Urteko lanorduen banaketa.
Garinoaingo Udaleko administrazioko langileen lanaldiaren urteko lanordu kopurua 1.592 ordukoa da, abenduaren 26ko 26/2012 Foru Legeari jarraikiz, eta haren banaketa honela eginen da:
–Astelehenetik ostiralera bitarteko eguneroko lanaldia, orokorrean, 7 ordu eta 20 minutukoa izanen da.
–Onetsitako lan-egutegiaren arabera Udaleko langileek 27 opor egun izanen dituzte, bai eta norberaren aferetarako 3 egun ere, langile bakoitzaren lan-kontratuaren arabera dagokion proportzioan.
–2021erako onetsitako lan-egutegian soberako 36,00 ordu gelditzen dira (4 egun, 6 ordu eta 40 minutu). Ordu horiek Udaleko langileek nahierara hartuko dituzte.”
Puiun, 2021eko otsailaren 1ean.–Alkatea, María Rosario Teresa Guillén Guillén.
Iragarkiaren kodea: L2101638
