1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
37C/2021 EBAZPENA, otsailaren 3koa, Enpresa Politikaren, Nazioarteko Proiekzioaren eta Lanaren zuzendari nagusiak emana, erabakitzen duena Altsasuko Felipe Lecea-Josefina Arregui Klinika Fundazioaren hitzarmen kolektiboaren indarraldia luzatu eta soldatak berrikusteari buruzko akordioa, 2020koa, erregistratzea, gordailutzea eta Nafarroako Aldizkari Ofizialean argitaratzea.
Altsasuko Felipe Lecea-Josefina Arregui Klinika Fundazioaren hitzarmen kolektiboaren indarraldia luzatu eta eta soldatak berrikusteari buruzko akordioaren testua aztertu da (kode zenbakia: 31008862012010), 2020ko abenduaren 17an erregistro honetan sartu zena, eta enpresaren eta sindikatuen ordezkariek 2020ko azaroaren 25ean sinatu eta 2021eko urtarrilaren 15ean zuzendu zena, Langileen Estatutuari buruzko Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Lan Hitzarmen eta Akordio Kolektiboak Erregistratu eta Gordailutzeari buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBAZTEN DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2021eko otsailaren 3an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Altsasuko Felipe Lecea-Josefina Arregui Klinika Fundazioaren hitzarmen kolektiboaren indarraldia luzatu eta soldatak berrikusteari buruzko akordioa, 2020rako (PDFa).
Iragarkiaren kodea: F2101934
