35. ALDIZKARIA - 2021eko otsailaren 15a

1. NAFARROAKO FORU KOMUNITATEA

1.7. BESTELAKOAK

5/2012 EBAZPENA, urtarrilaren 19koa, Industriaren, Energiaren eta S3 Proiektu Estrategikoen zuzendari nagusiak emana, zeinaren bidez aurretiazko administrazio baimena eta eraikitzeko administrazio baimena ematen baitira energia elektrikoa ekoizten duten instalazioetatik energia aterako duen goi-tentsioko linea elektrikoa eraikitzeko, Berbintzanako, Faltzesko, Larragako, Miranda Argako, Erriberriko eta Tafallako udal-mugarteetan.

1.– Aurretiazko administrazio baimena eta eraikitzeko administrazio baimena eskatzea.

Maiatzaren 8ko 56/2019 Foru Dekretuan (zeinaren bidez arautzen baita parke eolikoetarako baimena Nafarroan) ezarritakoaren arabera, Agrowind Navarra 2013 SL enpresak 2020ko maiatzaren 25ean Industriaren, Energiaren eta S3 Proiektu Estrategikoen zuzendari nagusiari eskatu zizkion aurretiazko administrazio baimena eta eraikitzeko administrazio baimena, Jenariz, Linte eta San Marcos II parke eolikoetan ekoizten den energia ateratzeko 132 kV-eko goi-tentsioko linea elektrikoa eraikitzeko.

Horretarako, Agrowind Navarra 2013 SL enpresak San Marcos - Erriberri goi-tentsioko linearen proiektua aurkeztu zuen. Proiektuaren egilea Francisco Javier Gala Lupiani jauna da.

Dokumentazioaren arabera, linea elektrikoak 132 kV-eko tentsio izendatua du. “SET San Marcos” azpiestazioan hasten da, zeina beste proiektu baten xede baita, eta 132/220 kV-eko transformazio-patio batean amaitzen da, “SET Olite” 132/220 kV-eko transformazio-azpiestazioan; azken hori beste proiektu baten xede da, eta gaur egun Red Eléctrica de España SAUk daukan “Olite” azpiestazioari erantsiko zaio.

Linea elektrikoak guztira 31.589,46 metroko luzera du, eta sei tartetan banatuta dago. Honela:

1. tartea: SET San Marcos aireko tartea - T1-V10: 1. euskarritik 15. euskarrira doa. Zirkuitu bakuna eta LA-280 eroalea ditu. Luzera: 4.615,84 m.

2. tartea: Lurpeko tartea: 15. euskarritik 3. tartera doa. Zirkuitu bakuna, 132 kV-eko kablea eta XLPE isolamendua (airekoa) dauzka. Luzera: 3.105,9 m.

3. tartea: Aireko tartea T2-V7/T3-V1 - SET LINTE. 4.429,61 metroko luzera dauka, eta honako bi sektore hauek ditu:

3.a. Lehen sektorea: 16. euskarrian hasten da (T3-V1) eta 21. euskarrian amaitzen (T3-V3). Zirkuitu bakuna dauka, eta San Marcos IItik SET Linte transformazio-azpiestaziora eramaten du energia. Luzera: 1.852,06 m.

3.b. Bigarren sektorea: 21. euskarrian hasten da (T3-V3) eta LINTE azpiestazioan amaitzen da, 29. euskarrian (T3-V4). Zirkuitu bikoitza eta LA-280 eroalea ditu; horrela, San Marcos eta Jenariz (zeinaren linea 4. tartean hasten baita) azpiestazioetako zirkuituak banaka sar daitezke. Luzera: 2.577,72 m.

4. tartea: SET Jenariz aireko tartea - T4-V9 (21. euskarrian). Puntu horretan bat egiten du 3. tarteko T3-V3 puntuarekin. Zirkuitu bakuna eta LA-280 eroalea dauzka, 3. tarteko 21. dorrearekin konektatu arte. Luzera 2.836,10 metrokoa da. Linea hori Linte azpiestazioraino joanen da, 3. tartearen hegoaldeko zirkuituaren bidez.

5. tartea: SET LINTE aireko tartea - T5-V8: L1 euskarritik L9 euskarrira doa. Zirkuitu bakuna eta LA-280 eroalea ditu. Luzera: 2.045,49 m.

6. tartea: Lurpeko tartea. 5. tarteko L9 euskarriko airearen eta lurraren arteko trantsizioa egiten du, zirkuitu bakunean, 132 kV-eko kable baten bidez, XLPE isolamenduarekin, “SET Olite” 132/220 kV-eko transformazio-azpiestaziorako 132/220 kV-eko patio jasotzaileraino. Luzera: 14.556,52 m.

2.–Aurrekariak: Ingurumenaren arloko eta lurraldearen antolamenduaren eta hirigintzaren arloko organo eskudunen izapideak.

Ingurumeneko eta Lurraldearen Antolamenduko zuzendari nagusiak ekainaren 14an emandako 400E/2018 Ebazpenaren bidez ingurumen eraginaren adierazpena egin zen Agrowind Navarra 2013 SLk sustatutako “Nafarroako Proiektu Eolikoa” udalez gaindiko proiektu sektorialari buruz. Hona hemen edukia:

–Linte parke eolikoaren aldeko txostena ematen da LI-1 zenbakitik LI-11 zenbakira bitarteko haize-sorgailuentzat, 2018ko ekainaren 1eko dokumentazioaren arabera, betiere LI-05, LI-06 eta LI-07 haize-sorgailuak bateragarriak baldin badira hirigintza aldetik.

–San Marcos I parke eolikoaren aldeko txostena ematen da SM1-01 zenbakitik SM1-8 zenbakira bitarteko haize-sorgailuentzat; eta San Marcos II parke eolikoaren SM2-03 zenbakitik SM2-10 zenbakira bitarteko haize-sorgailuentzat, 2018ko ekainaren 1eko dokumentazioaren arabera; SM1-9 eta SM1-10 eta SM2-01 eta SM2-02 haize-sorgailuentzat kontrako txostena ematen da, azalpen zatian adierazitako arrazoiengatik.

–Corraliza Paulino parke eolikoaren kontrako txostena ematen da, honako arrazoi hauengatik: inguruan abifauna mehatxatua dagoelako, instalazioekin talka egiteko arrisku handia dagoelako, hegazti horiei beren ziklo biologikoaren fase batzuetan eragin ahal zaizkien eragozpenengatik, estepako abifaunaren eta hegazti urtarren joan-etorrietarako izan dezakeen hesi-efektuagatik, energia garraiatu eta banatzeko hurbil dauden beste instalazio eoliko batzuekin batera sor dezakeen eragin metatuagatik, paisaiaren gaineko ukipenengatik eta Monte Plano lekunearen apartekota-sun ekologikoagatik.

–Tres Hermanos parke eolikoaren kontrako txostena ematen da, honako arrazoi hauengatik: estepako abifaunaren kontserbaziorako interesekoak diren guneen artean kokatzen delako, inguruan dagoen abifauna mehatxatuarentzat hesi-efektua sortzen duelako, hegaztiek instala-zioarekin talka egiteko arrisku handia dagoelako, hegazti horiei beren ziklo biologikoaren fase batzuetan eragin ahal zaizkien eragozpenengatik eta paisaiaren gainean ukipen nabarmena eraginen duelako parke eolikoen aprobetxamendu handia dagoen eremu batean.

–Jenariz parke eolikoaren aldeko txostena ematen da, 2018ko ekai-naren 1ean aurkeztutako dokumentazioaren arabera, JE-07 zenbakitik JE-12 zenbakira bitarteko haize-sorgailuei dagokienez, lerrokadura baka-rrean jarriz gero; eta kontrako txostena, berriz, JE-01 zenbakitik JE-06 zenbakira bitarteko haize-sorgailuentzat, faunaren gain eraginen lukeen ukipen kritikoagatik, hesi-efektua sortuko lukeelako estepako abifauna kontserbatzeko garrantzitsuak diren eremuen artean kokatzen den alde batean.

Ebazpen horretan ezartzen da espedienteari atxikitako dokumentazio teknikoan jasotako baldintzei jarraikiz eginen dela jarduera, eta, gainera, zuzenketa neurri zehatz batzuk eta ingurumen jarraipena egitekoak bete beharko direla.

2018ko abuztuaren 24an, Agrowind Navarra 2013 SLk proiektuaren testu bategina aurkeztu zuen, zeinean, beste puntu batzuen artean, ingurumen eraginaren adierazpenean ezarritako baldintza bat argitzea eskatzen baitzuen, abifaunaren jarraipenari buruzkoa, zehatz esateko. Ingurumeneko eta Lurraldearen Antolamenduko zuzendari nagusiaren irailaren 11ko 698E/2018 Ebazpenaren bidez, ekainaren 14ko 400E/2018 Ebazpenaren zati bat aldatu zen.

Bestalde, Nafarroako Gobernuaren 2018ko urriaren 3ko Erabakiaren bidez, “Nafarroako Proiektu Eolikoa” udalez gaindiko proiektu sektoriala onetsi zen, honako erabaki hauek hartu eta gero:

a) Linte parke eolikoko LI07, LI06 eta LI05 haize-sorgailuak ukatzea, otsailaren 26ko 125/1996 Foru Dekretuaren 2. artikuluan adierazitakoa oinarri hartuta eta artikulu horren ondorioetarako.

b) Espedienteari erantsitako dokumentazio teknikoko baldintzen arabera eta San Marcos I, San Marcos II, Linte, Jenariz, Tres Hermanos eta Corraliza Paulino parke eolikoen ingurumen eraginaren adierazpena egiteko Ingurumeneko eta Lurraldearen Antolamenduko zuzendari nagusiak ekainaren 14an emandako 400E/2018 Ebazpenean ezarritakoen arabera garatuko dira San Marcos I, San Marcos II, Linte eta Jenariz parkeak eta horiei lotutako instalazioak.

c) Mugaketa grafikoak UPSaren araudira egokitu beharko du, bereziki “UPSaren eremua” izeneko 1. artikulura. Linte parke eolikoko LI05 haize-sorgailuaren inguruan mugatutako eremuak ez du kontuan hartu behar haizeak neurtzeko proposatzen den estazioa.

3.–Ingurumenaren arloko eta lurraldearen antolamenduaren eta hirigintzaren arloko organo eskudunei dokumentazioa bidaltzea.

Maiatzaren 8ko 56/2019 Foru Dekretuaren 15. artikuluan (zeinaren bidez arautzen baita parke eolikoetarako baimena Nafarroan) ezarritakoaren arabera, Industria Antolamenduaren, Azpiegitura Energetikoen eta Meatzeen Zerbitzutik Agrowind Navarra 2013 SLk aurkeztutako dokumentazioaren kopia bidali zieten ingurumenaren arloko eta lurraldearen antolamenduaren eta hirigintzaren arloko organo eskudunei, proiektuan ingurumenaren arloko eta hirigintza-baimenari buruzko izapideak bete direla ziurta zezaten.

2020ko uztailaren 29an, Ingurumen Eraginaren Atalak 0003-0215-2020-000171, 0003-0215-2020-000172 eta 0003-0215-2020-000173 txostenak igorri zituen, eta “Linte”, “San Marcos” eta “Jenariz” parke eolikoetan eta energia ateratzeko instalazioetan betetzeko ziren baldintza batzuk ezarri zituzten, eta aipatutako instalazioetako bat administrazio baimen horren xedea den linea elektrikoa zen.

Industria Antolamenduaren, Azpiegitura Energetikoen eta Meatzeen Zerbitzutik Agrowind Navarra 2013 SLri bidali zizkioten txostenak, eta enpresak 2020ko irailaren 17an erantzun zuen.

Enpresaren erantzuna eta espedienteko dokumentazio guztia kontuan hartu eta gero, Ingurumen Eraginaren Atalak 2021eko urtarrilaren 19ko 0002-0106-2020-000085 txostena igorri zuen, zehatz-mehatz, energia ateratzeko azpiegiturei buruzkoa.

Bestalde, Lurraldearen Antolamenduaren Atalak 2021eko urtarrilaren 19an azalpen-txosten bat igorri zuen energia ateratzeko 132 kV-eko linea elektrikoari (SAT11109 espedientea) eta 132/220 kV-eko azpiestazioari (SAT11110) buruzkoa, non azaltzen baita lurraldearen ikuspegitik ez dela funtsezko aldaketarik egin, proiektu baimenduarekin erkatuta. Azkenean ondorioztatu zen proiektuko instalazioek lurzoru urbanizaezinean baimendu daitekeen jarduerarako baimena dutela.

5. Ukitutako administrazio publiko, erakunde eta enpresei kontsultak egitea.

Bestalde, maiatzaren 8ko 56/2019 Foru Dekretuaren 15. artikuluan (zeinaren bidez arautzen baita parke eolikoetarako baimena Nafarroan) ezarritakoaren arabera, Industria Antolamenduaren, Azpiegitura Energe-tikoen eta Meatzeen Zerbitzuak proiektuaren separatak bidali zizkien zerbitzu publikoak edo interes ekonomiko orokorrekoak ematen dituzten administrazio publiko, erakunde eta enpresa ukituei, behar ziren baldintza teknikoak ezar zitzaten.

1. Berbintzanako Udala.

2. Faltzesko Udala.

3. Larragako Udala.

4. Miranda Argako Udala.

5. Erriberriko Udala.

6. Tafallako Udala.

7. Nafarroako Gobernuko Herri-lanen eta Azpiegituren Zuzendaritza Nagusia.

8. Nafarroako Gobernuko Basoen eta Ehizaren Zerbitzua (abelbi-deak).

9. Trenbide Plangintzaren Zuzendariordetza Nagusia (Garraio, Mugikortasun eta Hiri Agendako Ministerioa).

10. Ebroko Konfederazio Hidrografikoa.

11. Sociedad Concesionaria Aguas de Navarra SA.

12. Canal de Navarra SA (CANASA).

13. Nedgia Navarra SA.

14. Acciona Energía SA.

15. ADIF.

16. Autopistas de Navarra SA (AUDENASA).

17. Compañía Logística de Hidrocarburos SA (CLH).

18. Enagas Transporte SAU.

19. I-DE Redes Eléctricas Inteligentes SAU.

20. Telefónica de España SAU.

Honako erantzun hauek jaso ziren:

1. Berbintzanako Udala. 2020ko uztailaren 30ean proposamenaren aldeko txostena bidali zuten.

2. Erriberriko Udala. 2020ko uztailaren 28an proposamenaren aldeko txostena bidali zuten, baldintza batzuk ezarrita.

Erantzuna: Agrowind Navarra 2013 SL enpresak idazki bat bidali zion Udalari, ados zegoela eta baldintzak betetzeko konpromisoa onartzen zuela adierazteko.

3. Larragako Udala. Larragako Udalak bidali zituen txostenetan honako instalazio hauek batera jorratu zituen: Linte parke eolikoa, San Marcos II parke eolikoa, SET San Marcos transformazio-azpiestazio elektrikoa eta San Marcos - Erriberri 132 kV-eko linea elektrikoa; instalazio horiek elkarri lotuta daudelako eta enpresa berak sustatu dituelako.

Segidan, txosten horien edukia eta Industria Antolamenduaren, Azpiegitura Energetikoen eta Meatzeen Zerbitzuaren erantzuna laburbilduko ditugu.

3.1. Larragako Udalak 2020ko abuztuaren 10ean txostena bidali zuen.

–Lehenik eta behin, Udalak alegatzen du berak administrazioarekiko auzi-errekurtsoa aurkeztu duela Nafarroako Gobernuaren 2018ko urriaren 3ko Erabakiaren aurka (erabaki horren bidez “Nafarroako Proiektu Eolikoa” UPSa onetsi zen), 463/2018 prozeduran.

Erantzuna: Prozedura hori oraindik ez da amaitu; beraz, ez ditugu aztertuko horri lotutako gaiak.

–Bigarrenik, Udalak alegatzen du lau proiektuetan parke eolikoen ezarpena arautzen duen otsailaren 26ko 125/1996 Foru Dekretua betetzea aipatzen dela, eta dekretu hori maiatzaren 8ko 56/2019 Foru Dekretuak indargabetu zuela.

Erantzuna: Agrowind Navarra 2013 SLri txostena bidali ondoren, enpresak onartu zuen formako akats hutsa izan dela, separatako “Xedea eta Justifikazioa” atalean egina. Formako akatsa dela ziurtatzen da administrazio baimenaren eskaera Nafarroako parke eolikoetarako baimena arautzen duen maiatzaren 8ko 56/2019 Foru Dekretuan ezarritako prozedurari jarraituz egin delako, eta dekretu hori indarrean dago, eta aplikagarria da.

Era berean, aurkeztu den dokumentazio osoan eta proiektuen edu-kietan 56/2019 Foru Dekretuan ezarritako eskakizunak eta baldintzak bete dira.

–Hirugarrenik, Udalak alegatzen du bidalitako lau espedienteetan ez dela bete 56/2019 Foru Dekretuaren 14. artikuluan ezarritakoa, ez baita jaso dekretuan eskatzen diren dokumentu teknikoetatik bat ere.

Erantzuna: Foru-dekretu horretako 14. artikuluaren 1.a) paragrafoan ezarritakoaren arabera, bereizita jasoko dira zerbitzu publikoak edo interes ekonomiko orokorrekoak ematen dituzten beste administrazio publiko, erakunde edo enpresa batzuen mendeko ondasun, instalazio, obra edo zerbitzuei, zentroei edo zonei eragiten dieten proiektuaren zatiak. Dokumentazio hori jada dagokien erakunde eta entitateei bidali zaie, besteak beste Larragako Udalari. Exekuzio-proiektuan gainerako dokumentazioa jaso da.

–Udalak alegatzen du proiektuetan ez dela bete jendaurreko informa-zioaren izapidea.

Erantzuna: Horri dagokionez, 56/2019 Foru Dekretuaren lehen xedapen iragankorra azpimarratuko dugu: “Parke eolikoak ezartzeko udalez gaindiko proiektu sektorialen eskaerak, foru dekretu honek indarra hartzean tramitazioan daudenak, besterik gabe aldatu, eta lurzoru urbanizaezineko jarduera baimengarrietarako baimen eskaera bihurtuko dira foru dekretuak indarra hartzen duenetik aurrera, eta lurraldearen antolamenduaren arloko eskumena duen departamentuak ofizioz egokituko ditu foru dekretu honetan dauden aurreikuspenetara. Era berean, dagoeneko eginik dauden tramiteak baliozkotu eginen dira”.

Baliozkotutako izapideetako bat da jendaurreko informazioaren izapidea, UPSaren esparruan egina.

–Linte eta San Marcos II parke eolikoei dagozkien espedienteei buruz alegatzen du ez dela jaso proiektuan azaltzen den haize-sorgailuaren fabrikatzailea, eta proiektuetan honako dokumentu hauek falta direla: eskala handiagoko planoak, koordenatu bidez neurtutako planoak, xehetasunezko katastro-planoak eta afekzioak.

Erantzuna: Espedienteetan behar bezalako informazioa ematen da instalatuko diren makinen ezaugarri teknikoei buruz, eta gainerako informazioa eraikuntza-proiektuan jaso da.

–Udalak hainbat inguruabar alegatzen ditu Oteitzako eta Larragako udal-mugarteen artean azpiestazioa eraikitzeari buruz.

Erantzuna: Industriaren, Energiaren eta S3 Proiektu Estrategikoen Zuzendaritza Nagusian izapideak egiten ari dira, SAT11109 espedientearen bidez. Espedientea “SET Olite” 132/220 kV-eko transformazio-azpiestazioari buruzkoa da.

–Udalak alegazioa egiten du proiektuetan jasotako Af Aries Energía SL enpresari buruz. Udalak adierazi du berak aurkeztu duen administrazioarekiko auzi-errekurtsoaren demandan (463/2018 prozeduran) inguruabar hori ere jaso duela.

Erantzuna: Agrowind Navarra 2013 SLk azaldu du erreferentzia hori proiektuaren idazlearen berezko eta ohiko erreferentzia dela.

Industria Antolamenduaren, Azpiegitura Energetikoen eta Meatzeen Zerbitzuak ez du aztertuko 463/2018 prozeduran ebazteko dauden gaiak.

–Udalak alegatzen du Ingurumen Zuzendaritza Nagusiaren 2014ko urtarrilaren 22ko irismen-txostenean eskatzen zela proiektuak ukitutako faunari buruzko azterlana egitea, bereziki, abifaunari eta kiropteroei buruzkoa.

Erantzuna: Proiektuek jada jaso dute ingurumen eraginaren adieraz-pena: zehazki, Ingurumeneko eta Lurraldearen Antolamenduko zuzendari nagusiak ekainaren 14an emandako 400E/2018 Ebazpenaren bidez eman zuen, eta ebazpen hori irailaren 11ko 698E/2018 Ebazpenak aldatu du.

Ingurumen Eraginaren Atala organo eskuduna da ingurumenaren arloan, eta espedientean jaso dira atal horrek egin dituen 0003-0215-2020-000171 eta 0002-0106-2020-000083 txostenak.

–Azkenik, Udalak alegatzen du Erriberriko 220 MW azpiestazioari lotutako auzi bat auzitegietara eraman dela, eta Red Eléctrica de España SAUk esku hartzen duela. Horren arabera, badirudi, Agrowind Navarra 2013 SLk 63 MW baino ez dituela esleiturik.

Erantzuna: 2020ko azaroaren 10ean Red Eléctrica de España SAUk dokumentu hau igorri zuen: “Erantzutea eta IVCTC izeneko txostena bidaltzea OLITE 220 kV azpiestazioa Garraio Sareari lotzeko”. Dokumentu horren bidez baimena ematen da Linte, Jenariz eta San Marcos II parke eolikoak sareari lotzeko. Parkeek aurretiazko baimena ere jasoa zuten.

Horrenbestez, sustatzaileak aurretiazko administrazio baimena eta eraikitzeko administrazio baimena eskatzen ditu, egun arte sareari lotzeko eman zaion baimenaren irismena betez, eskatutako administrazio baimena lortzeko baldintzetako bat baita.

3.2. Larragako Udalak 2020ko urriaren 1ean txostena bidali zuen.

–Udalak berriro aipatu ditu 463/2018 prozedurako administrazioarekiko auzi-errekurtsoan jaso dituzten alegazioak.

Erantzuna: Prozedura hori oraindik ez da amaitu, beraz, ez ditugu aztertuko horri lotutako gaiak.

–Udalak alegazioa egin du Agrowind Navarra 2013 SLk 2020ko irailaren 10ean aurkeztu duen idazkiaren egilearen sinadurari buruz, eta zalantzan jarri du idazleak sinatu ahal duen ala ez, administratzaile mankomunatua baita, eta ez baita jaso beste administrari baten sinadura.

Erantzuna: Administrazio Publikoen Administrazio Prozedura Erkideari buruzko urriaren 1eko 39/2015 Legearen 5. artikuluan xedatutakoarekin bat, hauxe xedatzen da: “Beste pertsona baten izenean eskaerak egiteko, erantzukizuneko adierazpenak edo komunikazioak aurkezteko, errekurtsoak jartzeko, akzioetan atzera egiteko eta eskubideei uko egiteko, ordezkaritza egiaztatu beharko da. Izapide huts diren egintza eta kudeaketak, berriz, inolako egiaztapenik gabe egin ditzake ordezkariak”. Horren ondorioz, dokumentu horri dagokionez, egiaztapenik gabe egin daitekeela jo da.

3.3. 2020ko azaroaren 27ko 2020/1085369 eta 2020/1085417 es-kabideetan Larragako Udalak adierazi du Agrowind Navarra 2013 SLk Larragako Udalaren 2020ko urriaren 1eko txostenari erantzuteko formulatu zituen alegazioak epez kanpo egin zituela. Era berean, Garraio Sareari lotzeko sortu den auziari buruzko ebazpena gehitu du. Ebazpena Merkatuen eta Lehiaren Batzorde Nazionalak eman du.

Erantzuna: Horren harira adierazi behar da Agrowind Navarra 2013 SLk epe-luzapena eskatu zuela 2020ko urriaren 28an, eta Industria Antolamenduaren, Azpiegitura Energetikoen eta Meatzeen Zerbitzuak ofizioz onartu zuela 2020ko urriaren 30ean, eta egun berean jakinarazi zuela.

Beste alde batetik, Merkatuen eta Lehiaren Batzorde Nazionalaren Ebazpena erantsi zaio espedienteari. Komeni da azaltzea, ebazpen horretan oinarrituta, Red Eléctrica de España SAUk 2020ko urtarrilaren 21ean dokumentu hau igorri zuela: “OLITE 220 kV azpiestazioan garraio-sareari era koordinatuan lotzearen gainean emandako erantzuna eguneratzea”.

4. Herri Lanen eta Azpiegituren Zuzendaritza Nagusiaren Zainketa Zerbitzua. 2019ko ekainaren 29an txostena igorri zuen, eta bertan azaldu zuen sustatzaileak Zainketa Zerbitzuaren aurretiazko baimena jaso behar duela proiektuko lanei ekin baino lehen.

5. Trenbide Plangintzarako Zuzendariordetza. 2020ko uztailaren 22an igorritako txostenean adierazi zuen sustatzaileak ADIFen aurretiazko baimena jaso beharko duela.

6. Ebroko Konfederazio Hidrografikoa. Ebroko Konfederazio Hidrografikoak 2020ko azaroaren 13an eman zuen baimena (erreferentzia: 2020-L-85) espedientean jaso da.

7. Autopistas de Navarra SA (AUDENASA). 2020ko ekainaren 26an txostena igorri zuen, eta bertan adierazi zuen ez duela eragozpenik planteatutako gaiaren gainean, baldin eta txostenarekin batera ezarri diren exekuzio-baldintzak baimenean jasotzen badira.

8. Enagas Transporte SAU enpresak 2020ko uztailaren 13ko txostena igorri zuen. Horren bidez, informazio osagarria eskatu zuen, bai eta informazioa Gobernuaren Nafarroako Ordezkaritzako Industria eta Energia Atalaren bidez bidaltzea ere.

Eskakizun hori betetze aldera, espedientean jaso da Agrowind Navarra 2013 SLk informazioa jakinarazi eta bidali ziola Gobernuaren Nafarroako Ordezkaritzako Industria eta Energia Atalari, zehazki, 2020ko abuztuaren 4an.

9. I-DE Redes Eléctricas Inteligentes SAUk kontrako txostena igorri zuen uztailaren 27an gurutzagune batzuetarako proposatua zuten irtenbide tekniko bati buruz.

2020ko abuztuaren 30ean Agrowind Navarra 2013 SLk erantzun-txostena bidali zuen. Txosten hori I-DE Redes Eléctricas Inteligentes SAUri bidali zitzaion, eta hark beste txosten bat bidali zuen irailaren 14an, jakinarazitako lanak baimentzeko.

10. Telefónica de España SAk, 2020ko uztailaren 30ean, adierazi zuen ez duela inolako eragozpenik aipatutako proiektua egiteko, baldin eta indarreko araudia betetzen bada.

6. Aurretiazko administrazio baimena eta eraikitzeko administrazio baimena emateko proposamena.

Maiatzaren 8ko 56/2019 Foru Dekretuaren 5. artikuluarekin bat etorrita, Agrowind Navarra 2013 SLren gaitasun teknikoa, ekonomikoa eta juridikoa espedientean ziurtatu da

Era berean, gizarte-erantzukizun korporatiboko jarduketei buruzko dokumentua ere jaso da, maiatzaren 8ko Foru Dekretuaren 14. artikuluan ezarritakoaren arabera.

Interesdunek aurkeztu duten dokumentazioa aztertu da, eta Nafarroako parke eolikoetarako baimena arautzen duen maiatzaren 8ko 56/2019 Foru Dekretuan ezarritakoaren arabera, Industria Antolamenduaren, Azpiegitura Energetikoen eta Meatzeen Zerbitzuak proposatzen du Agrowind Navarra 2013 SLk eskatutakoa onartzea, kontuan hartuta ingurumenaren arloko eta lurraldearen antolamenduaren eta hirigintzaren arloko organo eskudunek ezarri dituzten baldintzak, bai eta espedientean jaso diren gainerako txostenetan ezarritako gogoetak ere.

Adierazitakoarekin bat, eta Nafarroako Foru Komunitateko Administra-zioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz,

EBAZTEN DUT:

1. Agrowind Navarra 2013 SLri aurretiazko administrazio baimena ematea San Marcos - Erriberri 132 kV-eko goi-tentsioko linea elektri-korako.

2. Agrowind Navarra 2013 SLri eraikitzeko administrazio baimena ematea, Francisco Javier Gala Lupiani jaunak sinatu duen proiektuarekin bat etorrita, eta honako baldintza hauek ere kontuan hartuta:

–400E/2018 Ebazpena, ekainaren 14koa, Ingurumeneko eta Lurralde-aren Antolamenduko zuzendari nagusiak emana.

–698E/2018 EBAZPENA, irailaren 11koa, Ingurumeneko eta Lurralde-aren Antolamenduko zuzendari nagusiak emana.

–0003-0215-2020-000171, 0003-0215-2020-000172, 0003-0215-2020-000173 eta 0002-0106-2020-000085 txostenak, Ingurumen Eraginaren Atalak emanak.

–Nafarroako Gobernuaren Erabakia, 2018ko urriaren 3koa.

–2021eko urtarrilaren 19ko txostena, Lurraldearen Antolamenduaren Atalak emana.

–2020/373759 txostena, Herri-lanen eta Azpiegituren Zuzendaritza Nagusiak emana.

–Trenbide Plangintzarako Zuzendariordetzaren txostena (GEN-FIR-2020-00538107).

–Ebroko Konfederazio Hidrografikoaren 2020-L85 baimena.

3. Hogeita lau hilabeteko epea ematen da obrak egiteko.

4. Instalazioak gauzatu beharko dira aurkeztutako proiektuari jarraikiz, eta bat etorri beharko dute Goi tentsioko instalazio elektrikoen baldintza teknikoei eta segurtasun bermeei buruzko erregelamendua onesten duen maiatzaren 9ko 337/2014 Errege Dekretuan xedatutakoarekin eta Goi tentsioko linea elektrikoen baldintza teknikoei eta segurtasun bermeei buruzko erregelamendua onesten duen otsailaren 15eko 223/2008 Errege Dekretuan xedatutakoarekin.

5. Behin proiektua gauzaturik, eskatzaileak zerbitzuan jartzearen akta eskatu beharko du. Eskaera horri erantsi beharko zaizkio aipatutako araudian ezarritako agiriak eta obra bukaeraren ziurtagiria, teknikari eskudun batek sinatua.

6. Aurretiazko administrazio baimena eta eraikitzeko administrazio baimena emanda ere, instalazioaren eskatzaileak lortu beharko ditu insta-lazioa gauzatzeko beharrezkoak diren emakida, lizentzia eta baimen guztiak, publikoak nahiz pribatuak, aplikatzekoak diren beste xedapen batzuekin bat.

7. Ebazpen hau igortzea, behar diren ondorioak izan ditzan, Industria Antolamenduaren, Azpiegitura Energetikoen eta Meatzeen Zerbitzuari, Ingurumen Eraginaren Atalari, Lurraldearen Antolamenduaren Atalari, Herri-lanen eta Azpiegituren Zuzendaritza Nagusiari eta Basoen eta Ehizaren Zerbitzuari.

8. Ebazpen hau Nafarroako Aldizkari Ofizialean argitaratzea, orok jakin dezan.

9. Ebazpen hau jakinaraztea Agrowind Navarra 2013 SLri, Ebroko Konfederazio Hidrografikoari, Trenbide Plangintzarako Zuzendariordetza Nagusiari, Sociedad Concesionaria Aguas de Navarra SA sozietateari, Canal de Navarra SA (CANASA) sozietateari, Nedgia Navarra SAri, Acciona Energia SA sozietateari, ADIFi, Autopistas de Navarra SA (AUDENASA) sozietateari, Compañía Logística de Hidrocarburos SA (CLH) sozietateari, Enagas Transporte SAU sozietateari, I-DE Redes Eléctricas Inteligentes SAUri eta Telefónica de España SAUri; eta ohartaraztea ebazpenak ez duela administrazio-bidea amaitzen eta haren aurka gora jotzeko errekurtsoa jarri ahal dela, Garapen Ekonomiko eta Enpresarialeko kontseilariari zuzendua, jakinarazi eta hurrengo egunetik hasiko den hilabeteko epean. Hartan espediente zenbakia adierazi beharko da.

10. Ebazpen hau jakinaraztea Berbintzanako Udalari, Faltzesko Udalari, Larragako Udalari, Miranda Argako Udalari, Erriberriko Udalari eta Tafallako Udalari, eta ohartaraztea honen kontra administrazioarekiko auzi-errekurtsoa jarri ahal dela, eskumena duen jurisdikzioari zuzendua, ebazpena argitaratu eta biharamunetik hasita bi hilabeteko epean, alde batera utzi gabe Nafarroako Gobernuari aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2021eko urtarrilaren 19an.–Industriaren, Energiaren eta S3 Proiektu Estrategikoen zuzendari nagusia, Yolanda Blanco Rodríguez.

Iragarkiaren kodea: F2101372