Iragarkia

35. ALDIZKARIA - 2021eko otsailaren 15a

1. NAFARROAKO FORU KOMUNITATEA

1.7. BESTELAKOAK

1/2021 EBAZPENA, urtarrilaren 19koa, Industriaren, Energiaren eta S3 Proiektu Estrategikoen zuzendari nagusiak emana, zeinaren bidez aurretiazko administrazio baimena eta eraikitzeko administrazio baimena ematen baitira “SET Olite” 132/220 kV-eko transformazio-azpiestazioa Erriberrin eraikitzeko, energia elektrikoa ekoizten duten instalazioetako energia ateratzeko.

1.– Aurretiazko administrazio baimena eta eraikitzeko administrazio baimena eskatzea.

Maiatzaren 8ko 56/2019 Foru Dekretuan (zeinaren bidez arautzen baita parke eolikoetarako baimena Nafarroan) ezarritakoaren arabera, Agrowind Navarra 2013 SL enpresak 2020ko maiatzaren 25ean Industriaren, Energi-aren eta S3 Proiektu Estrategikoen zuzendari nagusiari eskatu zizkion aurretiazko administrazio baimena eta eraikitzeko administrazio baimena, “SET Olite” 132/220 kV-eko transformazio-azpiestazioa eraikitzeko.

Horretarako, Agrowind Navarra 2013 SL enpresak Erriberrin azpiestazio elektrikoa eraikitzeko proiektua aurkeztu zuen. Proiektuaren egilea Fran-cisco Javier Gala Lupiani industria-ingeniaria da.

“SET Olite” azpiestazioa “Linte”, “San Marcos” eta “Jenariz” parke eoli-koetan ekoizten den energia elektrikoa ateratzeko erabiliko da. Jasotako transmisio-linearen tentsioa 132 kV-etik 220 kV-era igoko da, eta gaur egungo “Olite” azpiestaziorako aurreikusita dagoen handitze bati lotuko zaio (Red Eléctrica de España SAUren jabetzakoa da).

Horren arabera, “SET Olite” azpiestazioan honako elementu hauek egonen dira: linea heltzeko 132 kV-eko badia, 132/220 kV-eko transforma-dore jasotzailea (sustatzaileak zehaztu du ahalmena 130 MW dela) eta, gaur egungo “Olite” azpiestazioa etorkizunean handitzen denean, azpiestazio handiago horri lotzeko 220 kV-eko lotura-badia (Red Eléctrica de España SAUren jabetzakoa da).

Horrez gain, etorkizunean 220 kV-eko barra sorta garatzeko espazioa utzi da, beharrezkoa izanez gero.

“SET Olite” azpiestazioaren azalera 80 x 50 metro ingurukoa da. Lurzoruan ez dago merkataritzako jarduera esanguratsurik, eta izen bereko azpiestazioa ondoan dago; hori ere Red Eléctrica de España SAUren jabetzakoa da.

Honako hauek dira lurzoru erabilgarriko koordenatuak, gutxi gorabe-hera:

Instalazioak honako osagai hauek izanen ditu:

–Aginte-gela, babesa, neurketa eta kontrola, taula osagarriak eta neurketa-kabinetea. Zati bakoitzak banakako ekipamenduak edukiko ditu, jabeak eta izendatutako langileak soilik erabil ditzaten.

–Sarrerako gune komuna.

–Material eta ekipamenduak biltegiratzeko gune komuna, eta lantegia.

–132 kV-eko patioa.

–220 kV-eko patioa.

–Potentzia igotzeko 132/220 kV-eko transformadorea.

–Espazio erabilgarria, etorkizunean 220 kV-eko barra sorta garatzeko.

–Obra ezartzeko eta erabiltzeko obra zibil guztiak.

132 kV-eko sistema: Kanpoko parkeko elementuek osatzen dute. Sistema osatzen duten elementu nagusiak: potentzia-transformadoreak, autobalbulak, intentsitate-transformadoreak, ebakigailuak eta etengailu automatikoak.

a) Lurrez estalitako transmisio-zirkuituaren helduera, 132 kV-ekoa. Hona hemen osagaiak:

–132 kV-eko kopa terminalak.

–Kable isolatuen etorrera hartzeko kutxatila, 132 kV-ekoa.

–Gaintentsioen deskargagailua (3).

–Helduera-ebakigailua (1).

–Potentzial-transformadoreak (3)

b) Transformadore-posizio bat, honako elementu hauek barne har-tuta:

–Hiru poloko etengailu automatiko bat.

–Hiru potentzial-transformadore.

–Transformadorea babesteko autobalbula-tximistorratzak (3).

– Transformadore bat: 132/220 kV, 130 MVA.

220 kV-eko sistema:

a) Etorkizunean gaur egungo “Olite” azpiestazioa (Red Eléctrica de España SAUren jabetzakoa) handitu eginen da; beraz, azpiestazio handiagora joanen den zirkuitua ateratzeko posizio bat, 220 kV-ekoa. Hona hemen osagaiak:

–Gaintentsioen deskargagailua, alboko potentzia-transformadorea babesteko. 132 kV.

–Potentzia-transformadore bat, neurtzeko eta babesteko.

–Intentsitate-transformadore bat, neurtzeko eta babesteko.

–Hiru poloko ebakigailua, aginte motordunarekin, zirkuituaren irteera-rako.

–Potentzia-etengailu automatikoa, 220 kV-ekoa.

b) 220 kV-eko barra sorta: Gaur egungo etapan ezin da garatu 220 kV-eko barra sorta, baina behar besteko espazioa utzi da etorkizunean egin ahal izateko, behar izanez gero.

Dokumentazioaren arabera, exekuzio-aurrekontua 1.432.139,22 euro-koa da.

2.–Aurrekariak: Ingurumenaren arloko eta lurraldearen antolamenduaren eta hirigintzaren arloko organo eskudunen izapideak.

Ingurumeneko eta Lurraldearen Antolamenduko zuzendari nagusiak ekainaren 14an emandako 400E/2018 Ebazpenaren bidez ingurumen eraginaren adierazpena egin zen Agrowind Navarra 2013 SLk sustatutako “Nafarroako Proiektu Eolikoa” udalez gaindiko proiektu sektorialari buruz.

Ebazpen horretan ezartzen da espedienteari atxikitako dokumentazio teknikoan jasotako baldintzei jarraikiz eginen dela jarduera, eta, gainera, zuzenketa neurri zehatz batzuk eta ingurumen jarraipena egitekoak bete beharko direla.

2018ko abuztuaren 24an, Agrowind Navarra 2013 SLk proiektuaren testu bategina aurkeztu zuen, zeinean, beste puntu batzuen artean, ingurumen eraginaren adierazpenean ezarritako baldintza bat argitzea eskatzen baitzuen, abifaunaren jarraipenari buruzkoa, zehatz esateko. Ingurumeneko eta Lurraldearen Antolamenduko zuzendari nagusiaren irailaren 11ko 698E/2018 Ebazpenaren bidez, ekainaren 14ko 400E/2018 Ebazpenaren zati bat aldatu zen.

Bestalde, Nafarroako Gobernuaren 2018ko urriaren 3ko Erabakiaren bidez “Nafarroako Proiektu Eolikoa” udalez gaindiko proiektu sektoriala onetsi zen, eta energia ateratzeko azpiegiturak ere bertan jasota zeu-den.

3.–Ingurumenaren arloko eta lurraldearen antolamenduaren eta hirigin-tzaren arloko organo eskudunei dokumentazioa bidaltzea.

Maiatzaren 8ko 56/2019 Foru Dekretuaren 15. artikuluan (zeinaren bidez arautzen baita parke eolikoetarako baimena Nafarroan) ezarritakoaren arabera, Industria Antolamenduaren, Azpiegitura Energetikoen eta Meatzeen Zerbitzutik Agrowind Navarra 2013 SLk aurkeztutako dokumentazioaren kopia bidali zieten ingurumenaren arloko eta lurraldearen antolamenduaren eta hirigintzaren arloko organo eskudunei, proiektuan ingurumenaren arloko eta hirigintza-baimenari buruzko izapideak bete direla ziurta zezaten.

2020ko uztailaren 29an, Ingurumen Eraginaren Atalak 0003-0215-2020-000171, 0003-0215-2020-000172 eta 0003-0215-2020-000173 txostenak igorri zituen, eta “Linte”, “San Marcos” eta “Jenariz” parke eolikoetan eta energia ateratzeko instalazioetan betetzeko ziren baldintza batzuk ezarri zituzten.

Industria Antolamenduaren, Azpiegitura Energetikoen eta Meatzeen Zerbitzutik Agrowind Navarra 2013 SLri bidali zizkioten txostenak, eta enpresak 2020ko irailaren 17an erantzun zuen.

Enpresaren erantzuna eta espedienteko dokumentazio guztia kontuan hartu eta gero, Ingurumen Eraginaren Atalak 2021eko urtarrilaren 19ko 0002-0106-2020-000085 txostena igorri zuen, zehatz-mehatz, energia atera-tzeko azpiegiturei buruzkoa. Txostenean ez zen ezarri “SET Olite” 132/220 kV-eko transformazio-azpiestazioan betetzeko baldintza zehatzik.

Bestalde, Lurraldearen Antolamenduaren Atalak 2021eko urtarrilaren 19an azalpen-txosten bat igorri zuen energia ateratzeko 132 kV-eko linea elektrikoari (SAT11109 espedientea) eta 132/220 kV-eko azpiestazioari (SAT11110) buruzkoa, non azaltzen baita lurraldearen ikuspegitik ez dela funtsezko aldaketarik egin, proiektu baimenduarekin erkatuta. Azkenean ondorioztatzen da proiektuko instalazioek lurzoru urbanizaezinean baimendu daitekeen jarduerarako baimena dutela.

4.–Ukitutako administrazio publiko, erakunde eta enpresei kontsultak egitea.

Bestalde, maiatzaren 8ko 56/2019 Foru Dekretuaren 15. artikuluan (zeinaren bidez arautzen baita parke eolikoetarako baimena Nafarroan) ezarritakoaren arabera, Industria Antolamenduaren, Azpiegitura Energeti-koen eta Meatzeen Zerbitzuak proiektuaren separatak bidali zizkien zerbitzu publikoak edo interes ekonomiko orokorrekoak ematen dituzten administrazio publiko, erakunde eta enpresa ukituei, behar ziren baldintza teknikoak ezar zitzaten.

Zehatz-mehatz, Erriberriko Udalari separata bidali zitzaion. Udalak 2020ko uztailaren 28an kontrako txostena eman zuen, proiektua ebalua-tzeko behar zuen dokumentazioa falta zelako.

Txosten hori sustatzaileari bidali eta gero, Agrowind Navarra 2013 SLk hauxe adierazi zuen 2020ko abuztuaren 31n: “Aurretiazko administrazio baimena eta eraikitzeko administrazio baimena lortzeko izapideak egiten ari dira Nafarroako Gobernuko Garapen Ekonomiko eta Enpresarialeko Departamentuan, baina, behin eskuratuta, Agrowindek behin betiko eraikun-tza proiektua bidaliko du, Erriberriko Plan Orokorreko Udal Hirigintza Araudiaren araberakoa”.

Erriberriko Udalari erantzun hori helarazi eta gero, 2020ko irailaren 9an, Udalak kontrako beste txosten bat eman zuen, proiektua ebaluatzeko behar zuen dokumentazioa berriro falta zelako.

2020ko urriaren 14an Agrowind Navarra 2013 SLk Industria Antolamen-duaren, Azpiegitura Energetikoen eta Meatzeen Zerbitzuari eskatu zion Erriberriko Udalari “SET Olite” exekuzio-proiektu osoa bidaltzeko, eta administrazio-izapideek aurrera egin zuten.

2020ko urriaren 16an, Industria Antolamenduaren, Azpiegitura Energeti-koen eta Meatzeen Zerbitzuak proiektu osoaren kopia bidali zion Erriberriko Udalari, baina ez da jaso horri buruzko erantzunik.

5.–Aurretiazko administrazio baimena eta eraikitzeko administrazio baimena emateko proposamena.

Interesdunek aurkeztu duten dokumentazioa aztertu da, eta Nafarroako parke eolikoetarako baimena arautzen duen maiatzaren 8ko 56/2019 Foru Dekretuan ezarritakoaren arabera, Industria Antolamenduaren, Azpiegitura Energetikoen eta Meatzeen Zerbitzuak proposatu du Agrowind Navarra 2013 SLk eskatutakoa onartzea, kontuan hartuta ingurumenaren arloko eta lurraldearen antolamenduaren eta hirigintzaren arloko organo eskudunek ezarri dituzten baldintzak.

Adierazitakoarekin bat, eta Nafarroako Foru Komunitateko Administra-zioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz,

EBAZTEN DUT:

1. Agrowind Navarra 2013 SLri aurretiazko administrazio baimena ematea “SET Olite” 132/220 kV-eko transformazio-azpiestaziorako.

2. Agrowind Navarra 2013 SLri eraikitzeko administrazio baimena ematea, Francisco Javier Gala Lupiani jaunak sinatu duen proiektuarekin bat etorrita, eta honako baldintza hauek ere kontuan hartuta:

–400E/2018 Ebazpena, ekainaren 14koa, Ingurumeneko eta Lurraldea-ren Antolamenduko zuzendari nagusiak emana.

–698E/2018 EBAZPENA, irailaren 11koa, Ingurumeneko eta Lurraldea-ren Antolamenduko zuzendari nagusiak emana.

–0003-0215-2020-000171, 0003-0215-2020-000172, 0003-0215-2020-000173 eta 0002-0106-2020-000085 txostenak, Ingurumen Eraginaren Atalak emanak.

–Nafarroako Gobernuaren Erabakia, 2018ko urriaren 3koa.

–2021eko urtarrilaren 19ko txostena, Lurraldearen Antolamenduaren Atalak emana.

3. Hogeita lau hilabeteko epea ematen da obrak egiteko.

4. Instalazioak aurkeztu den proiektuari jarraikiz egin beharko dira, eta bat etorri beharko dute Goi tentsioko instalazio elektrikoetako baldintza teknikoei eta segurtasun bermeei buruzko erregelamendua eta haien jarraibide tekniko osagarriak (ITC-RAT 01-23) onesten dituen maiatzaren 9ko 337/2014 Errege Dekretuan eta Goi tentsioko linea elektrikoen baldintza teknikoei eta segurtasun bermeei buruzko erregelamendua onesten duen otsailaren 15eko 223/2008 Errege Dekretuan xedatuarekin.

5. Behin proiektua gauzaturik, eskatzaileak zerbitzuan jartzearen akta eskatu beharko du. Eskaera horri erantsi beharko zaizkio aipatutako araudian ezarritako agiriak eta obra bukaeraren ziurtagiria, teknikari eskudun batek sinatua.

6. Aurretiazko administrazio baimena eta eraikitzeko administrazio baimena emanda ere, instalazioaren eskatzaileak lortu beharko ditu instalazioa gauzatzeko beharrezkoak diren emakida, lizentzia eta baimen guztiak, publikoak nahiz pribatuak, aplikatzekoak diren beste xedapen batzuekin bat.

7. Ebazpen hau bidaltzea, behar diren ondorioak izan ditzan, Industria Antolamenduaren, Azpiegitura Energetikoen eta Meatzeen Zerbitzuari, Ingurumen Eraginaren Atalari eta Lurraldearen Antolamendurako Atalari.

8. Ebazpen hau Nafarroako Aldizkari Ofizialean argitaratzea, orok jakin dezan.

9. Ebazpen hau Agrowind Navarra 2013 SLri jakinaraztea, eta ohartaraztea ebazpenak ez duela administrazio bidea amaitzen eta haren aurka gora jotzeko errekurtsoa jarri ahal dela, Garapen Ekonomiko eta Enpresarialeko kontseilariari zuzendua, jakinarazi eta biharamunetik hasita hilabeteko epean. Hartan espediente zenbakia adierazi beharko da.

10. Ebazpen hau Erriberriko Udalari jakinaraztea, eta ohartaraztea honen kontra administrazioarekiko auzi-errekurtsoa jarri ahal dela, eskumena duen jurisdikzioari zuzendua, bi hilabeteko epean, ebazpena argitaratu eta hurrengo egunetik hasita, alde batera utzi gabe Nafarroako Gobernuari aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2021eko urtarrilaren 19an.–Industriaren, Energiaren eta S3 Proiektu Estrategikoen zuzendari nagusia, Yolanda Blanco Rodríguez.

Iragarkiaren kodea: F2101358