2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ARTAXOA
2021eko 18., 19. eta 20. aurrekontu-aldaketak. Hasierako onespena
Artaxoako Udalak, 2021eko abenduaren 9an egin osoko bilkuran, hasiera batez onetsi zuen 18., 19. eta 20. aurrekontu-aldaketak egitea Udalak 2021eko ekitaldirako onetsitako aurrekontuan.
Espedientea Udalaren Idazkaritzan egonen da ikusgai hamabost egun baliodunean, iragarkia argitara eman ondoren Nafarroako Aldizkari Ofizialean eta Udal honen ediktuen taulan, bizilagunek nahiz interesdunek espedientea azter dezaten eta bidezko iruditzen zaizkien erreklamazioak aurkez ditzaten; hori guztia, bat etorriz uztailaren 2ko 6/1990 Foru Legearen 272. artikuluarekin (Nafarroako Toki Administrazioari buruzko Foru Legea) eta martxoaren 10eko 2/1995 Foru Legearen 202. artikuluarekin (Nafarroako Toki Ogasunei buruzko Foru Legea).
Erreklamaziorik aurkeztuz gero, osoko bilkuran erabakiko da haien gainean eta aurrekontuaren behin betiko onespenaren gainean.
Inork erreklamaziorik aurkeztu ezean, aurrekontu-aldaketak behin betiko onetsitzat joko dira, arestian aipatu jendaurreko epea bukatutakoan.
Argitara ematen da, interesdun orok jakin dezan.
Artaxoan, 2021eko abenduaren 10ean.–Jarduneko alkatea, César Valencia Guembe.
Iragarkiaren kodea: L2117344
