4. PROZEDURA JUDIZIALAK
NAFARROAKO JUSTIZIA AUZITEGI NAGUSIA
Oinarrizko Eskubideen gaineko 483/2021 Prozedura
Aditzera ematen dut: sala honetan bideratu den oinarrizko eskubideen gaineko 483/2021 prozeduran, 164/2021 Autoa eman da 2021eko azaroaren 25ean, eta irmo geratu da. Hona hemen haren aurrekariak eta xedapen zatia, hitzez hitz:
164/2021 Autoa.
Lehendakaria: Francisco Javier Pueyo Calleja.–Magistratuak: María Jesús Azcona Labiano, Ana Irurita Díez de Ulzurrun.
Iruñean, 2021eko azaroaren hogeita bostean.
Aurrekariak:
Lehena.–Nafarroako Foru Komunitateko aholkulari juridikoak eta letraduak eskatu du, 2021eko azaroaren 24ko 14:05ean erregistratutako idazki baten bidez, judizialki baimentzea Osasuneko kontseilariaren azaroaren 24ko 60/2021 Foru Aginduaren bidez hartutako neurriak. Foru agindu horren bidez berariazko prebentzio neurri apartekoak hartu ziren Nafarroako Foru Komunitaterako, COVID-19ak eragindako egoera epidemiologikoak izandako bilakaeraren ondorioz.
Bigarrena.–Sala honek berehala igorri zion Fiskaltzari, txostena egin zezan. Txosten hori 2021eko azaroaren 24an bertan egin zuen, aipatutako foru aginduan erabakitako neurri guztiak baimentzea eskatuz.
Emaitza horrekin, prozesua ebazpenaren zain gelditu zen.
Sala honen iritzia azalduko duen txostengilea Francisco Javier Pueyo Calleja jauna da, salako lehendakaria, administrazioarekiko auzietan magistratu espezialista baita.
Xedapen zatia.
Salak erabakitzen du:
1. Baimentzea Osasuneko kontseilariaren azaroaren 24ko 60/2021 Foru Aginduan jasotako osasun neurriak. Foru agindu horren bidez berariazko prebentzio neurri apartekoak hartu ziren Nafarroako Foru Komunitaterako, COVID-19ak eragindako egoera epidemiologikoak izan duen bilakaeraren ondorioz.
2. Administrazioak Administrazioarekiko Auzien Sala honi jakinarazi beharko dio berretsitako neurrien betearazpenean eragina duen edozein gorabehera, edo, kasua bada, neurri horiek kentzea eragiten duen beste edozein. Halaber, neurrien luzapena berresteko eskaera egin beharko du, osasun arloko administrazioak halakorik erabakitzen badu.
3. Administrazioak txosten bat igorri beharko dio auzitegi honi, zazpi egun naturaleko epean, bilakaera epidemiologikoari eta hartutako neurrien eraginkortasunari buruzkoa.
4. Eragindako prozesuko kostuak ez zaizkio inori ezartzen berariaz.
Jakinaraz bekie ebazpen hau alderdiei, aditzera emanez ez dela irmoa eta haren aurka kasazio errekurtsoa aurkezten ahal dela, Auzitegi Gorenari zuzendua, hiru egun balioduneko epean, bat etorriz Administrazioarekiko Auzien Jurisdikzioaren Legearen 87. eta 87 ter artikuluarekin (8/2021 Errege Lege Dekretuaren bidez ezarria; 2021eko maiatzaren 5eko Estatuko Aldizkari Ofiziala) eta bertan berariaz aurreikusten diren izapideekin. Horretarako, ez da nahitaezko baldintza aurretik berraztertzeko errekurtsoa aurkeztea.
Hori erabaki, agindu eta sinatzen dute idazpuruan adierazitako magistratuek.
Eta Nafarroako Aldizkari Ofizialean argitara dadin, honako hau egin eta sinatzen dut.
Iruñean, 2021eko abenduaren 13an.–Salako Justizia Administrazioaren letradua, Fabiola Llorente Llorente.
Iragarkiaren kodea: J2117373
