280. ALDIZKARIA - 2021eko abenduaren 15a

1. NAFARROAKO FORU KOMUNITATEA

1.7. BESTELAKOAK

GORA JOTZEKO ERREKURTSOA. Epatze deia, honako ebazpen honen aurka jarritako gora jotzeko errekurtsoetan interesa duten pertsonei: 411/2021 Ebazpena, irailaren 30ekoa, Hezkuntzako zuzendari nagusiak emana, Nafarroako Foru Komunitateko Haur eta Lehen Hezkuntzako ikastetxeetan eta Hezkuntza Berezikoetan, hala publikoetan nola pribatu itunduetan, eskolaldi jarraitua eta eskolaldi malgua modu esperimentalean ezartzeko prozedura arautuko duten jarraibideak onesten dituena 2021-2022 ikasturterako (2022ko urtarriletik aurrera) eta 2022-2023 ikasturterako.

Iragarki honen bidez aditzera ematen da ondoren azaltzen diren pertsonek gora jotzeko errekurtsoak jarri dituztela Hezkuntzako zuzendari nagusiaren irailaren 30eko 411/2021 Ebazpenaren aurka. Ebazpen horren bidez, Nafarroako Foru Komunitateko Haur eta Lehen Hezkuntzako ikastetxeetan eta Hezkuntza Berezikoetan, hala publikoetan nola pribatu itunduetan, eskolaldi jarraitua eta eskolaldi malgua modu esperimentalean ezartzeko prozedura arautuko duten jarraibideak onetsi ziren 2021-2022 ikasturterako (2022ko urtarriletik aurrera) eta 2022-2023 ikasturterako.

–Alberto Azanza Ilzarbe.

–Jose Javier Pérez Remondegui.

–Leyre Iriarte Oyaga.

–Herrikoa - Nafarroako Ikasleen Guraso Elkarteen Federazioa.

Hori horrela, eta bat etorriz Administrazio Publikoen Administrazio Prozedura Erkideari buruzko urriaren 1eko 39/2015 Legearen 45. eta 118. artikuluetan xedatutakoarekin, interesdun diren guztiak epatzen dira alegazioak egin ahal izan ditzaten, iragarki hau Nafarroako Aldizkari Ofizialean argitaratu eta biharamunetik hamar egun balioduneko gehieneko epean. Alegazioak Hezkuntza Departamentuaren Erregistroan aurkezten ahalko dira (Iruñeko San Domingo aldapa z.g.), edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legean ezarritako bideetatik edozein erabiliz.

Aurkeztutako errekurtsoen kopiak interesdunen eskura daude Hezkuntza Departamentuko Idazkaritza Tekniko Nagusiko Araubide Juridikoaren Atalean (Iruñeko San Domingo aldapa z.g.).

Iruñean, 2021eko abenduaren 1ean.–Hezkuntza Departamentuko idazkari tekniko nagusia, Beatriz Ayerra Gamboa.

Iragarkiaren kodea: F2117038