2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
GARES
Ordenantza fiskala, lur-ondasunen gaineko kontribuzioaren zerga arautzen duena. Hasierako onespena
Garesko Udalak, 2021eko azaroaren 25ean egin osoko bilkuran, hasiera batez onetsi zuen Lur-ondasunen gaineko kontribuzioaren zerga arautzen duen ordenantza fiskala.
Nafarroako Toki Administrazioari buruzko uztailaren 2ko 6/1990 Foru Legearen 325.1. artikuluan xedatuari jarraikiz, onetsitako ordenantza ikusgai egonen da hogeita hamar egun baliodunean, iragarki hau Nafarroako Aldizkari Ofizialean argitaratu eta biharamunetik hasita, interesdunek espedientea aztertu eta erreklamazio, kexa edo oharrak aurkez ditzaten.
Jendaurreko epea inork erreklamaziorik, kexarik edo oharrik egin gabe iragaten bada, behin betiko onetsirik geldituko da Lur-ondasunen gaineko kontribuzioaren zerga arautzen duen ordenantza fiskala, eta haren behin betiko testua emanen da argitara.
Garesen, 2021eko azaroaren 26an.–Alkatea, Oihan Mendo Goñi.
Iragarkiaren kodea: L2116848
