Iragarkia

273. ALDIZKARIA - 2021eko abenduaren 1a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

491/2021 EBAZPENA, azaroaren 16koa, Hezkuntzako zuzendari nagusiak emana, PROA+ programako deialdia ebazten duena. Deialdi horren xedea da hezkuntza bideratu, bilakatu eta aberasteko lurralde lankidetzako programa hori garatzea 2021-2022 ikasturtean Haur Hezkuntzako bigarren zikloa, oinarrizko hezkuntza (Lehen Hezkuntza, Derrigorrezko Bigarren Hezkuntza eta Oinarrizko mailako heziketa zikloak) eta Batxilergoko ikasketak ematen dituzten diru publikoz finantzatutako ikastetxeetan.

Hezkuntza eta Lanbide Heziketaren Ministerioak zein Suspertze, Eraldatze eta Erresilientziarako Mekanismoak finantzatzen dute programa, eta Europar Batasunak ere bai, mekanismo horren baitakoa den heinean.

Ikusirik deialdi horretara aurkezturiko eskaerak eta, orobat, Inklusio, Berdintasun eta Bizikidetza Zerbitzuko zuzendariak horien gainean egin duen proposamen-txostena, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32.1.d) artikuluak emandako ahalmenak erabiliz,

EBAZTEN DUT:

1. Hezkuntzako zuzendari nagusiaren irailaren 3ko 370/2021 Ebazpenean jasotako proposamena, instrukzio organoak egin duena, oinarri harturik, onestea honako ikastetxe hauek parte hartzea PROA+ programan:

2. Ebazpen hau igortzea Inklusio, Berdintasun eta Bizikidetza Zerbitzuari, Hezkuntzako Ikuskapen Zerbitzuari, Inklusio Proiektuetarako Bulegoari eta Kudeaketa Ekonomikoaren Bulegoari.

3. Ebazpen hau Nafarroako Aldizkari Ofizialean argitaratzea.

4. Ebazpen honen aurka gora jotzeko errekurtsoa jar daiteke, Hezkuntzako kontseilariari zuzendua, argitaratu eta biharamunetik hilabeteko epean.

Iruñean, 2021eko azaroaren 16an.–Hezkuntzako zuzendari nagusia, Gil Sevillano González.

Iragarkiaren kodea: F2116361