1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
194C/2021 EBAZPENA, urriaren 26koa, Enpresa Politikaren, Nazioarteko Proiekzioaren eta Lanaren zuzendari nagusiak emana, Plantas de Navarra SA enpresaren Valtierrako lantokirako hitzarmen kolektiboa erregistratu, gordailutu eta Nafarroako Aldizkari Ofizialean argitaratzea erabakitzen duena.
Plantas de Navarra SA enpresaren Valtierrako lantokirako hitzarmen kolektiboaren testua aztertu da (kode zenbakia: 31101791012021), erregistro honetan 2021eko abuztuaren 1ean sartu zena, enpresaren ordezkariek eta sindikatuen ordezkariek 2021eko otsailaren 15ean izenpetu eta 2021eko irailaren 20an zuzenduta, jarraikiz Langileen Estatutuaren Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Laneko hitzarmen eta akordio kolektiboen eta berdintasun planen erregistro eta gordailuari buruzko maiatzaren 28ko 713/2010 Errege Dekretuan ezarritakoari. Horrenbestez,
EBAZTEN DUT:
1. Agintzea inskriba dadila Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2021eko urriaren 26an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Plantas de Navarra SA enpresaren hitzarmen kolektiboa Valtierrako lantokirako (PDFa).
Iragarkiaren kodea: F2115346
