2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ARELLANO
Egoitza elektronikoa aldatzea
Bete dadin ezarrita dagoena urriaren 1eko 39/2015 Legean (hizpide du Administrazio Publikoen Administrazio Prozedura Erkidea) eta urriaren 1eko 40/2015 Legean (hizpide du Sektore Publikoaren Araubide Juridikoa), eta herritarrek sistema telematiko bat izan dezaten gure erakundearekin komunikatzeko, ebazten dut:
1. Arellanoko Udalaren egoitza elektronikoa aldatzea https://arellano.tecsoluciones.es helbide elektronikoan. Arellanoko Udala da Interneteko domeinuaren jabea, bai eta egoitzaren titularra ere.
2. Egoitza elektronikoak indarra hartuko du ebazpen hau Nafarroako Aldizkari Ofizialean argitaratu eta biharamunetik aurrera.
3. Ebazpen hau Nafarroako Aldizkari Ofizialean argitara dadila agintzea.
4. Ebazpen hau Udaleko alor guztiei jakinaraztea, eta Arellanoko Udalaren web-atarian eta egoitza elektronikoan argitaratzea, Nafarroako Aldizkari Ofizialean argitaratzen den egun beretik aurrera.
5. Arellanoko Udaleko Idazkaritza Orokorrari esleitzea egoitza elektronikoa zuzendu eta koordinatzeko eginkizunak.
Arellanon, 2021eko urriaren 27an.–Alkatea, Iñaki Urriza Arrastia.
Iragarkiaren kodea: L2115379
