2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TAFALLA
2022ko urtarrilaren 1etik aurrera indarrean egonen diren Zergen Erregulazioa onartzea
Udalbatzak, 2021eko urriaren 26an egindako ohiko bilkuran, honako erabaki hau hartu zuen arauzko quorumarekin:
“Tafallako Udalak, 2022an likidatu beharreko zergei dagokienez, honako gogoeta hauek egiten ditu:
Lurralde-kontribuzioari aplikatu beharreko motari dagokionez, hura aldatzea komeni den ala ez aztertzen ari dira.
Nafarroako Toki Ogasunei buruzko martxoaren 10eko 2/1995 Foru Legearen 140.5 artikuluan jasotako Lurralde Kontribuziorako hobariak arautzeko ahalari dagokionez, halaber, aztertzen ari da eguzki-energia edo beste energia berriztagarri batzuk termikoki edo elektrikoki aprobetxatzeko sistemak instalatu dituzten higiezinentzako hobariak jasoko dituen ordenantza bat onartzea komeni den ala ez.
Jarduera Ekonomikoen gaineko Zergari dagokionez, eta Nafarroako Toki Ogasunei buruzko martxoaren 10eko 2/1995 Foru Legearen 150.g) artikuluan jasotako aldaketa gorabehera, zeinak 1.000.000 eurotik beherako negozio-zifraren zenbateko garbia duten subjektu pasiboen salbuespena jasotzen baitu, karga-tasa mantentzearen komenigarritzat jotzen da.
Nafarroako Toki Ogasunei buruzko martxoaren 10eko 2/1995 Foru Legearen 170 bis artikuluan eraikuntza, instalazio eta obren gaineko zergari buruz jasotako aukerako hobariak arautzeko ahalari dagokionez, instalazio, eraikuntza eta obretan energia berriztagarriak sartzeari eta horien hobariari buruzko ordenantza bat onartzea planteatzen da.
Kontuan hartu da komenigarria dela Hiri-Lurren Balio-Gehikuntzaren gaineko Zergaren karga-tasari eustea 2022ko ekitaldirako.
Etxebizitza hutsen gaineko zergaren karga-tasa aldatzea komeni dela kontuan harturik, haren balio txikiagoak lehen eta bigarren urteko heinaren barruan hartuz, Nafarroako Toki Ogasunei buruzko 2/1995 Foru Legearen 184. artikulutik 191.era artekoekin bat.
Hori guztia ekitaldi horretarako udal gastuei eusteko eta Tafallako Udalaren eta herritarren egungo egoera ekonomikoa kontuan harturik, Nafarroako Toki Ogasunei buruzko 2/95 Foru Legean, Nafarroako Toki Administrazioari buruzko 6/90 Foru Legean eta Nafarroako Toki Araubidea eguneratzeari buruzko 11/04 Foru Legean xedatutakoa aplikatuz.
Kontuan hartu dira Kontuen Batzordearen 2021/10/19ko Irizpena eta 2021/10/13ko Kontu-Hartzailearen txostena.
ERABAKI DA:
Lehenengoa.–Jarduera Ekonomikoen gaineko Zergan ezarritako gutxieneko kuotei aplikatu beharreko indizeen egungo eskala mantentzea 2022rako.
| BALIO-EREMUAK |
03HC-04HC | 06CC-07CC | 01HC-02HC-05CC-08AA- 09AA-10AA-11UU- | 12II-13II-14OO-00DD |
Indizeak | 1´40 | 1´38 | 1´36 | 1´32 |
Bigarrena.–2022rako honako karga-tasa hauei eustea Eraikuntza, Instalazio eta Obren gaineko Zergan:
–Zerga-oinarria = exekuzio materialaren aurrekontua.
–2.500 euro-ko edo gutxiagoko aurrekontuetarako: %3,1.
–2.500 euro-tik gorako aurrekontuetarako: %5.
Hirugarrena.–Eguzki-energiaren edo beste energia berriztagarri batzuen aprobetxamendu termiko edo elektrikorako sistemak instalatu dituzten higiezinen Eraikuntza, Instalazio eta Obren gaineko Zergaren hobariak arautzen dituen 2 bis Ordenantza onartzea.
Laugarrena.–Hiri Lurren Balio Gehikuntzaren gaineko Zergaren ondorioetarako, 2022rako karga-tasa (%15) eta lurraren balioari Nafarroako Toki Ogasunei buruzko 2/1995 Foru Legearen 175.2 artikuluan ezarritako koefiziente berak mantentzea.
Bosgarrena.–Onartzea hutsik dauden etxebizitzen gaineko zerga arautzen duen 2. Ordenantza Fiskala eta 2022rako tarifen eranskina, eta ordezten duen etxebizitza hutsen gaineko zerga arautzen duen Ordenantza Fiskala indargabetzea.
Seigarrena.–Erabakia NAOn eta iragarki-taulan argitaratzea.”
Jakinarazten dut orok jakin dezan eta behar diren ondorioak izan ditzan, eta ohartarazten da erabaki honek administrazio bideari amaiera ematen diola eta bere kontra honako errekurtso hauek aurkez daitezkeela:
Aukerako berraztertzeko errekurtsoa, erabakia hartu duen organoari berari zuzendua, hilabeteko epean, erabaki hau jakinarazi eta biharamunetik hasita.
Gora jotzeko errekurtsoa, Nafarroako Administrazio Auzitegiari zuzendua, hilabeteko epean, erabaki hau jakinarazten denetik.
Administrazioarekiko auzi-errekurtsoa, Administrazioarekiko Auzien Epaitegiari zuzendua, bi hilabeteko epean, jakinarazi eta biharamunetik hasita.
Egokitzat jotzen den beste edozein errekurtso aurkezten ahal da.
Tafallan, 2021eko urriaren 27an.–Alkatea, Jesús Arrizubieta Astiz.
Iragarkiaren kodea: L2115370
