3. ESTATUKO ADMINISTRAZIOA
GOBERNUAREN ORDEZKARITZA
Argitalpen osagarria, 44 MW-eko “Alto del Fraile” haize-parkearen aurretiazko administrazio baimena eman eta ingurumen-inpaktuaren adierazpena egiteko eskaeraren jendaurreko informazioarena
Sektore Elektrikoari buruzko abenduaren 26ko 24/2013 Legearen 53.1.a) artikuluan, Ingurumen Ebaluazioari buruzko abenduaren 9ko 21/2013 Legearen 36. eta 37. artikuluetan eta Energia elektrikoa garraiatu, banatu, merkaturatu eta horniketa egiteko jarduerak eta instalazioak baimentzeko prozedurak arautzen dituen abenduaren 1eko 1955/2000 Errege Dekretuaren 124. eta 125. artikuluetan ezarritakoarekin bat, jendaurrean jartzen da 44 MW-eko “Alto del Fraile” haize-parkearen proiektuaren aurretiazko baimen administratiboa eman eta ingurumen-inpaktuaren azterketa egiteko eskaera. Hona eskaeraren ezaugarri nagusiak:
–Eskatzailea: Enerfín Renovables II SLU; helbidea: Castellana pasealekua 141, Cuzco IV eraikina, 16. solairua, 28046 Madril.
–Eskaeraren xedea: 44 MW-eko “Alto del Fraile” haize-parkearen proiektuaren aurretiazko baimen administratiboa eman eta ingurumen-inpaktuaren azterketa egiteko eskaera.
–Iragarki osagarriaren xedea: iragarki osagarri honetan jasotzen da ingurumen-inpaktuaren azterketa honen III. eranskina: “Alto del Fraile” haize-parkeak eta goi tentsioko haren aireko lineak, 66 kV-ekoak, abifaunan eta kiropteroengan duen eraginaren azterketa, urteko ziklo batetik gorako aldian egina.
–Organo eskuduna: aurretiazko administrazio baimenaz ebazteko eskumena duen organo substantiboa Trantsizio Ekologikorako eta Erronka Demografikorako Ministerioko Politika Energetikoaren eta Meategien Zuzendaritza Nagusia da. Ingurumen-inpaktuaren adierazpena emateko eskumena duen ingurumen arloko organoa Trantsizio Ekologikorako eta Erronka Demografikorako Ministerioko Ingurumen Kalitatearen eta Ebaluazioaren eta Ingurune Naturalaren Zuzendaritza Nagusia da.
–Tramitazio organoa: Gobernuaren Nafarroako Ordezkaritzako Industria eta Energia Arlo Funtzionala. Alegazioak arlo funtzional horri zuzenduko zaizkio, Gobernuaren Nafarroako Ordezkaritzan, helbide honetan: Merindadeen plaza, z.g., 31071, Iruña.
–Instalazioen deskribapena: Proiektuaren xede den haize-parkea Tarazonako udal mugartean (Zaragoza) eta Cascanteko, Murchanteko eta Tuterako udal mugarteetan (Nafarroa) jarriko da.
Instalazioen ezaugarriak hauek dira:
–“Alto del Fraile” haize-parkea (instalatutako potentzia: 44MWp), Tarazonako udal mugartean (Zaragoza). Guztira, 11 haize-sorgailu ditu, 4 MW-eko potentziakoa bakoitza; 125 metroko altuera dute abatzek eta 164 metroko diametroa palek.
–Honako hauek osatzen dute handik energia ateratzeko azpiegitura:
- Alto del Fraile TAE, 30/66 kV-ekoa, Tarazonan (Zaragoza).
- Energia ateratzeko aireko eta lurrazpiko linea, 66 kV-ekoa, 30/66 kV-eko Alto del Fraile TAEtik 33/66/220 Promotores Tudela TAE kolektorera, Tarazonan (Zaragozan), Cascanten, Murchanten eta Tuteran (Nafarroa). Linea horren zati bat partekatuko da Cascante II haize-parkearen eta haren ebakuazio azpiegituren proiektuarekin, zeina Eólica Cascante SLUk sustatu baitu Cascante, Murchante eta Tuterako udal-mugarteetan (1154-CE espedientea).
- Promotores Tudela TAE kolektorea, 33/66/220 kV-ekoa, Tuteran (Nafarroa).
- Aireko eta lurrazpiko linea, 220 kV-ekoa, 33/66/220 Promotores Tudela TAE kolektoretik Tuterako Neurketa Zentrora (Nafarroa).
- Tuterako Neurketa Zentroa (Nafarroa).
- 220 kV-eko lurrazpiko linea, Neurketa Zentrotik Red Eléctrica de Españaren Tuterako azpiestazioan (220 kV) esleitutako posizioraino, Tuteran (Nafarroa).
–Kontrataren exekuzio aurrekontua gutxi gorabehera:
- Haize-parkea eta ebakuazio azpiegitura, 220 kV-eko “Tudela” TAEraino: 56.183.438,82 euro.
–Xedea: Energia elektrikoa sortzea haize-parke baten bidez, eta hura ateratzea energia elektrikoaren garraio sarera.
–Proiektu honen administrazio baimena onestea Trantsizio Ekologikorako eta Erronka Demografikorako Ministerioaren eskumena da, eta ingurumen-inpaktuaren ebaluazio arruntaren menpe dago. Horrez gain, jendaurreko informazioaren tramitea ere bete behar duenez, batera egiten dira proiektuarena eta ingurumen-inpaktuaren azterketarena, Ingurumen Ebaluazioari buruzko abenduaren 9ko 21/2013 Legearen 36. artikuluarekin bat.
Eta hori guztia aditzera ematen da orok jakin dezan eta aztertu ahal izan daitezen proiektua, ingurumen-inpaktuaren azterketa eta dokumentu guztiak, teknikoak eta ingurumenari buruzkoak, Gobernuak Nafarroan duen Ordezkaritzako Industria eta Energia Arloaren bulegoetan (Merindadeen plaza z.g., 31071, Iruña), aurretik hitzordua eskatuta, edo esteka honetan:
https://www.mptfp.gob.es/portal/delegaciones_gobierno/delegaciones/navarra/proyectos-ci.html
Ukitutako udaletxeetan ere kontsultatzen ahalko da dokumentazio osoa.
Interesdunek bidezkotzat jotzen dituzten alegazioak aurkezten ahal dituzte, arlo honi zuzenduak, iragarki hau argitaratu eta hogeita hamar eguneko epean, bai idatziz, euskarri fisiko batean, Gobernuaren Ordezkaritzaren Erregistro Orokorrean, bai Estatuko Administrazio Orokorraren Erregistro Elektronikoaren bidez (https://rec.redsara.es), bai Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazten diren moduetan.
Iruñean, 2021eko urriaren 5ean.–Industria eta Energia Arloko zuzendaria, Ignacio Irujo Sanz.
Iragarkiaren kodea: E2114734
