1. NAFARROAKO FORU KOMUNITATEA
1.7. BESTELAKOAK
393/2021 EBAZPENA, irailaren 15ekoa, Hezkuntzako zuzendari nagusiak emana, zeinaren bidez aldatzen baitira Funesko musika eskolaren inskripzio datuak Nafarroako Gobernuko Musika eta Dantza Eskolen Berariazko Erregistroan, haren titularra eta deitura espezifikoa aldatu direlako; hemendik aurrera “Villa de Funes” Udal Musika Eskola izanen da.
Funesko Udalak eskaera egin du musika eskolaren inskripzio datuak Nafarroako Gobernuko Musika eta Dantza Eskolen Berariazko Erregistroan aldatzeko, haren titularra eta deitura espezifikoa aldatu direlako. Eskaerari buruz ireki den espedientea aztertu da.
Kontuan harturik Nafarroan musika eta dantza eskolen sorrerari eta funtzionamenduari buruzko oinarrizko arauak ezartzen dituen abenduaren 21eko 421/1992 Foru Dekretuaren 29. artikuluak xedatutakoa.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32.1.d) artikuluak ematen dizkidan ahalmenak erabiliz, eta Hezkuntzako Ikuskapen Zerbitzuak proposaturik,
EBAZTEN DUT:
1. Funesko musika eskolaren inskripzio datuak aldatzea Nafarroako Gobernuko Musika eta Dantza Eskolen Berariazko Erregistroan, haren titularra eta deitura espezifikoa aldatu direlako.
2. Adieraztea titular berriak indarreko legediak ikastetxeari ezartzen dizkion eskubide, beharkizun eta karga guztien subrogazioa hartuko duela bere gain.
3. Musika eta Dantza Eskolen Berariazko Erregistroan eskolaren datu hauek inskribatuko dira:
Ikastetxearen kodea: 31014505.
Izen generikoa: Musika Eskola.
Berariazko izena: “Villa de Funes” Udal Musika Eskola.
Helbidea: Auroroen plaza 1.
Herria: Funes.
Udalerria: Funes.
Titularra: “Villa de Funes” Udal Musika Eskola erakunde autonomoa (IFZ: Q7143820D).
Inskribatu diren ikasketak: Hezkuntzari buruzko Lege Organikoaren 48.3 artikuluan ezarritakoak, honako irakasgai hauekin:
a) Oinarrizko eskaintza, abenduaren 21eko 421/1992 Foru Dekretuaren 9. artikuluko 1. apartatuko a), b) eta c) letretan ezarritako antolamenduari jarraikiz:
–Instrumentu-praktika: Akordeoia, Bonbardinoa, Kantua, Klarinetea, Zeharkako Txirula, Gaita eta Gaitako danborra, Gitarra, Gitarra Elektrikoa, Perkusioa, Pianoa, Saxofoia, Tronboia, Tronpeta eta Biolina.
–Instrumentu-praktikaren osagarri den musika prestakuntza: Musika Hizkuntza.
–Ahots eta instrumentu jarduerak taldean: Ahots Taldea, Txikien banda eta Comboak.
b) Oinarrizko eskaintzan ez dauden beste irakasgai batzuk (9.2 artikulua): 8 urtetik beherako ikasleentzako musika-hastapena, eta helduentzako ikastaroak: tresna eta hautazkoak (Musika Hizkuntza, Abesbatza, Comboak).
–Gehieneko edukiera, eskolan aldi berean ikasketa teorikoak eta taldekoak emateko: 30 ikasle.
4. Eskolaren konfigurazioan aldaketaren bat egiteko, horren ondorioz ebazpen honen 2. atalean ezarritako erregistro datuak eta instalazioak aldatzen badira, Hezkuntza Departamentuari horren berri eman beharko zaio, eta departamentu horrek, beharrezkoak diren baldintzak betetzen badira, eguneratu eginen ditu Nafarroako Gobernuko Musika eta Dantza Eskolen Berariazko Erregistroan inskribatutako datuak, aipatutako 421/1992 Foru Dekretuaren 29. artikuluan ezarritakoari jarraikiz.
5. Foru dekretu horren 31. artikuluan aipatutako kasuetan, eskolaren inskripzioa baliorik gabe uzten ahalko da.
6. Ebazpen hau Funesko Udalari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
7. Ebazpen hau Nafarroako Aldizkari Ofizialean argitaratuko da.
8. Ebazpen hau igortzea Hezkuntzako Ikuskapen Zerbitzuari, Arte Ikasketetarako eta Musikaren Hiria Kudeatzeko Atalari, Ikastetxeen Finantzaketaren eta Ikasketetarako Laguntzen Atalari eta Ikastetxeetako Informazioa Kudeatzeko Bulegoari.
Iruñean, 2021eko irailaren 15ean.–Hezkuntzako zuzendari nagusia, Gil Sevillano González.
Iragarkiaren kodea: F2113837
