2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ARBONTZE
Herri-lurretako aprobetxamenduaren zuzeneko adjudikazioa herritarren artean
Arbontzeko Kontzejuak 2021eko irailaren 15ean egindako kontzeju irekian, onetsi zen hasiera ematea Kontzejuko belarren adjudikazioaren espedienteari, 8 urterako adjudikatu ere.
Horrenbestez, iragartzen da hogeita hamar egun naturaleko epea irekitzen dela, iragarkia Nafarroako Aldizkari Ofizialean argitaratzen denetik hasita, interesdunek eskabidea aurkez dezaten, adjudika dakien Arbontzeko Kontzejuko herri-larreen aprobetxamendua, “aprobetxamenduaren zuzeneko adjudikazioa herritarrentzat” modalitatean, baldin bizilagunak badira eta betetzen badituzte ordenantza honetan ezarritako betebeharrak eta baldintzak, betiere jarraikiz Arbontzeko Kontzejuko herri-larreen aprobetxamendua arautzen duen ordenantzako baldintzei (2011ko 151. Nafarroako Aldizkari Ofiziala, abuztuaren 11koa) eta saio berean onetsitako baldintza-agiriari (Kontzejuko Idazkaritzan dago).
Eskabide eredua, aurkeztu beharreko agirien zerrendarekin batera, interesdunen eskura daude Kontzejuko Idazkaritzan.
Eta honen bidez argitaratzen da, orok jakin dezan, jarraikiz Nafarroako Toki-erakundeen Ondasunen gaineko Erregelamenduaren 199. artikuluari (erregelamendu hori onetsi zen urriaren 18ko 280/1990 Foru Dekretuaren bidez).
Arbontzen, 2021eko urriaren 4an.–Kontzejuko burua, Rafael Alday Agirretxe.
Iragarkiaren kodea: L2114547
