1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
176C/2021 EBAZPENA, irailaren 2koa, Enpresa Politikaren, Nazioarteko Proiekzioaren eta Lanaren zuzendari nagusiak emana, Nafarroako Eraikin eta Lokalen Garbiketa Sektorearen Hitzarmen Kolektiboa erregistratu, gorde eta Nafarroako Aldizkari Ofizialean argitaratzea erabakitzen duena.
Nafarroako Eraikin eta Lokalen Garbiketa Sektorearen Hitzarmen Kolektiboa aztertu da (kode zenbakia: 31004605011982), erregistro honetan sartu zena 2021eko uztailaren 30ean, Asociación de Empresarios de Limpieza de Edificios y Locales de Navarra eta Asociación de Empresas de Servicios de Navarra enpresen ordezkariek eta sindikatuen ordezkari zati batek (CC.OO. eta UGT) sinatua 2021eko uztailaren 27an, bat etorriz Langileen Estatutuari buruzko Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Lan Hitzarmen eta Akordio Kolektiboak erregistratu eta gordailutzeari buruzko maiatzaren 28ko 713/2010 Errege Dekretuan ezarritakoarekin. Horrenbestez,
EBAZTEN DUT:
1. Agintzea inskriba dadila Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan.
2. Xedatzea argitara dadila Nafarroako Aldizkari Ofizialean, orok jakin dezan.
Iruñean, 2021eko irailaren 2an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Nafarroako Eraikin eta Lokalen Garbiketa Sektorearen lan hitzarmen kolektiboa (PDFa).
Iragarkiaren kodea: F2113314
