2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑERRIKO MANKOMUNITATEA
Deialdi publikoa, desgaitasuna duten pertsonei taxi-zerbitzua hobetzeko dirulaguntzak emateko. Laburpena
Iruñerriko Mankomunitateko lehendakariaren 429/2021 Ebazpena, irailaren 23koa.
DDBN (Identif.): 586189.
Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan eta Iruñerriko Mankomunitatearen taxiaren arloko dirulaguntzen ordenantzaren 15.9 artikuluan (188. zenbakiko Nafarroako Aldizkari Ofiziala, 2017ko irailaren 28koa) jasota dagoenaren arabera, deialdiaren laburpena argitara eman da.
Testu osoa Dirulaguntzen Datu Base Nazionalean kontsultatu daiteke (https://www.infosubvenciones.es/bdnstrans/GE/eu/convocatoria/586189); egoitza elektronikoan (https://sedeelectronica.mcp.es/) eta bai Iruñerriko Mankomunitatearen gardentasun webgunean ere (http://transparencia.mcp.es).
1.–Xedea.
2. ildo estrategikoa.–Zerbitzua hobetzea desgaitasuna duten pertsonei.
Aulki gurpildunean ibiltzen diren erabiltzaileentzat kalitate handiko taxi-zerbitzua ematea.
2.–Pertsona onuradun izateko betekizunak.
Onuradunak izango dira betekizun hauek betetzen dituztenak. Hain zuzen, dirulaguntza justifikatu arte eutsi beharko zaie betekizun hauei:
Iruñerrian taxi-zerbitzua batera emateko lurralde-eremuan aritzeko taxi-lizentzia baten titularra izatea.
Aulki gurpildunean ibiltzen diren erabiltzaileak garraiatzeko egokituta dagoen ibilgailu batekin ematea taxi-zerbitzua.
Dirulaguntzei buruzko Lege Orokorraren 13. artikuluan eta Dirulaguntzen Ordenantzaren 10. artikuluan jasota dauden betekizunak betetzea.
Dirulaguntzei buruzko Lege Orokorraren 14. artikuluan eta Dirulaguntzen Ordenantzaren 11. artikuluan jasota dauden betebehar guztiak eta bakoitza betetzea.
3.–Eskabideak aurkezteko tokia eta epea.
3.1. Eskabideak aurkezteko tokia.
Deialdian parte hartu ahal izateko eskabideak Iruñerriko Mankomunitatearen Erregistro Orokorrean aurkeztuko dira (Chinchilla Jeneralaren kalearen 7.ean, Iruñean). Edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan ezarritako moduetako batean aurkeztu ahal izango dira.
3.2. Eskabideak aurkezteko epea.
Eskabideak aurkezteko epea oinarrien laburpena Nafarroako Aldizkari Ofizialean kaleratzen denetik aurrera hasiko da, eta 2021eko urriaren 31n amaituko da.
Iruñean, 2021eko irailaren 30ean.–Lehendakaria, David Campión Ventura.
Iragarkiaren kodea: L2114407
