1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOAREN BIGARREN TRAMITEA: “Joluga” haize-parkea Eslaba, Ezporogi, Zare, Leatxe, Oibar eta Irunberriko udal-mugarteetan (1174-CE).
2021eko otsailaren 11n, eta Nafarroan haize-parkeentzako baimenak arautzen dituen maiatzaren 8ko 56/2019 Foru Dekretuaren 7. artikuluan ezarritako ondorioetarako, Industriaren, Energiaren eta S3 Proiektu Estrategikoen Zuzendaritza Nagusiak jendaurrean jarri zuen Green Capital Power SLk 2020ko azaroaren 6an aurkeztutako eskaera, “Joluga” 34,65 MW-eko haize-parkearen eta bere ebakuazio-azpiegituren espedienteari buruzkoa.
Jendaurreko informazioaren tramitea bukatuta sustatzaileak 2021eko otsailean bidalitako informazio osagarria jaso delarik, proiektuaren jendaurreko informazioaren tramitea hasten da bigarrenez.
–Eskatzailea: Green Capital Power SL.
–Xedea: Jendaurrean jartzea aurreproiektua eta ingurumen inpaktuaren azterketa, honako helburu hauekin: ingurumen inpaktuaren ebaluazio arrunta tramitatzeko prozedura abiaraztea eta aurretiazko administrazio baimena lortzea.
–Instalazioen deskribapena: 34,65 MW-eko “Joluga” haize-parkea eta bere ebakuazio-azpiegiturak.
–Proiektua baimentzeko eskumena duen organoa: Industriaren, Energiaren eta S3 Proiektu Estrategikoen Zuzendaritza Nagusia.
Informazioa ikusgai egonen da Industriaren, Energiaren eta S3 Proiektu Estrategikoen Zuzendaritza Nagusiko Industria Antolamenduaren, Azpiegitura Energetikoen eta Meatzeen Zerbitzuan, baita Nafarroako Gobernu Irekiaren webgunean ere, https://gobiernoabierto.navarra.es/eu/partaidetza/prozesuak/joluga-parke-eolikoa-aldatua-espediente-1174-ce, interesdunek azter dezaten eta, nahi izanez gero, bidezkotzat jotzen dituzten alegazioak, iradokizunak eta oharrak egin ditzaten.
Alegazioak, iradokizunak edo oharrak idatziz aurkeztu beharko dira Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, 31005 Iruña), 30 egun balioduneko epean, iragarki hau Nafarroako Aldizkari Ofizialean argitaratu eta biharamunetik hasita.
Iruñean, 2021eko irailaren 17an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
Iragarkiaren kodea: F2114174
