2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ENERITZ
Argiteria publikoaren instalazioa eraberritzeko obrak.
Eskudantziak eskuordetzea
Enerizko Udalak, 2021eko irailaren 23an egindako osoko bilkuran, ondotik ematen den erabakia onetsi zuen. Hona hemen haren xedapen zatia hitzez hitz:
Ikusirik prozeduraren zein unetan dagoen tramitatutako kontratazio espedientea, honako inbertsio honen exekuzioa adjudikatzeko: “Enerizko argiteria publikoaren instalazioa eraberritzeko obra-kontratua”.
Ikusirik egindako txostenak eta espedientean den dokumentazioa.
ERABAKITZEN DA:
1.–Onestea “Enerizko argiteria publikoaren instalazioa eraberritzea” izeneko proiektua, Fernando Zabalza Garayoak prestatua.
2.–Kontratua gauzatzeak dakarren gastua baimentzea, 93.558,65 euro, BEZa kanpo, 2021eko ekitaldiko aurrekontu orokorraren 1.4250.62900 “Energia-efizientzia” aurrekontu-aplikazioaren kargura.
3.–Kontratazio espedientea onestea, bertan jasotzen baitira lizitazioa arautuko duten kontratazioaren plegu arautzaileak, prozedura erraztuaren bidez.
4.–Agintzea has dadila lizitazio-prozedura, baita espedientea bideratzea ere, kontratua adjudikatu arte.
5.–Alkatetzako titularrari eskuordetzea behar diren eskudantziak, honako kontratu hau adjudikatzeko eta exekutatzeko erabakiak hartzeko: “Enerizko argiteria publikoaren instalazioa eraberritzeko obra-kontratua”.
6.–Eskuordetze erabakia Nafarroako Aldizkari Ofizialean argitaratzea; hala ere, erabaki hau hartu eta biharamunetik aurrera izanen du eragina eskuordetzeak. Argitaratzen da, behar diren ondorioak izan ditzan, bat etorriz Toki Erakundeen Antolaketaren, Funtzionamenduaren eta Araubide Juridikoaren gaineko Erregelamenduaren 51.2 artikuluarekin (erregelamendu hori onetsi zen azaroaren 28ko 2568/1986 Errege Dekretuaren bitartez).
Eneritzen, 2021eko irailaren 27an.–Alkatea, Raúl Elizalde Villamayor.
Iragarkiaren kodea: L2114244
