Iragarkia

199. ALDIZKARIA - 2021eko abuztuaren 25a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

78/2021 EBAZPENA, uztailaren 19koa, Lanbide Heziketaren zuzendari nagusiak emana, zeinaren bidez Nafarroako Foru Komunitatean 2019-2020 ikasturteari dagozkion sari bereziak esleitzen baitira, hezkuntza sistemako Lanbide Heziketako irakaskuntzetan (oinarrizko, erdi- eta goi-mailako Lanbide Heziketa) eta Arte Plastikoak eta Diseinua lanbide irakaskuntzetan.

Lanbide Heziketaren Plangintza eta Integraziorako Zerbitzuak txosten bat aurkeztu du, eta bertan proposatu du Nafarroako Foru Komunitatean 2019-2020 ikasturteari dagozkion Lanbide Heziketako irakaskuntzetako eta Arte Plastikoak eta Diseinua lanbide irakaskuntzetako sari bereziak eman dakizkiela beren ikasketa ibilbide bikainagatik merezi izan dituzten ikasleei. Sari horiek hezkuntza sistemako oinarrizko, erdi- eta goi-mailako Lanbide Heziketako irakaskuntzetarako eta Arte Plastikoak eta Diseinua lanbide irakaskuntzetarako dira, eta horien deialdia Lanbide Heziketaren zuzendari nagusiak abenduaren 15ean emandako 132/2020 Ebazpenaren bitartez egin zen.

Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak emandako ahalmenak erabiliz,

EBAZTEN DUT:

1. Ebazpen honen eranskinean ageri diren ikasleei esleitzea hezkuntza sistemako Lanbide Heziketako irakaskuntzetako (oinarrizko, erdi- eta goi-mailako Lanbide Heziketa) eta Arte Plastikoak eta Diseinua lanbide irakaskuntzetako Nafarroako Foru Komunitateko 2019-2020 ikasturteko sari bereziak.

2. Ikasle horiek aipatu saria aitortzen dien diploma jaso dezatela xedatzea.

3. Agintzea 300na euro ordain dakizkien Lanbide Heziketako goi-mailan saritutako hamasei ikasleei, 250na euro Lanbide Heziketako erdi-mailan saritutako hamahiru ikasleei, eta 200na euro oinarrizko Lanbide Heziketan saritutako 3 ikasleei, abenduaren 15eko 132/2020 Ebazpenaren bidez onetsitako deialdiaren 8. oinarrian ezarritakoari jarraikiz. Diru hori 2021eko gastu aurrekontuko “Sariak eta lehiaketak” izeneko 422001 43100 2268 322E00 partidaren kargura ordainduko da.

4. Konpromisotik askatzea exekutatu gabe gelditu den gastua, 4.850 eurokoa, diru hori 2021eko gastu aurrekontuko “Sariak eta lehiaketak” izeneko 422001 43100 2268 322E00 partidara itzultze aldera.

5. Goi-mailako ikasle sarituak aurkeztu ahal izanen dira, aldez aurretik izena emanda, eta dagokienaren arabera, 2019-2020 ikasturteko sari nazional hauetara: goi-mailako Lanbide Heziketakoetara eta arte irakaskuntza profesionaletakoetara, musika, dantza eta arte plastikoak eta diseinuaren arloetan, ikasleei beren errendimendu akademikoa aitortzeko ematen diren horietan.

6. Agintzea ikasle sarituen ikasketa-espedientean ager dadila kasuan kasuko eginbidea, egiaztatzen duena ikasleak lortu duela Nafarroako Foru Komunitatean Lanbide Heziketako edo Arte Plastikoak eta Diseinua lanbide ikasketen sari berezia, 2019-2020 ikasturteari dagokiona.

7. Ebazpen honen aurka gora jotzeko errekurtsoa jar daiteke, Hezkuntzako kontseilariari zuzendua, argitaratu eta biharamunetik hilabeteko epean.

8. Ebazpen hau eta eranskina Nafarroako Aldizkari Ofizialean argitara daitezela agintzea.

9. Ebazpen hau eta eranskina igortzea, behar diren ondorioak izan ditzaten, Ogasuneko eta Finantza Politikako Departamentuak Hezkuntza Departamentuan duen kontu-hartzailetza delegatura, Aurrekontu eta Kudeaketa Ekonomikoaren Atalera, Lanbide Heziketaren Plangintza eta Integraziorako Zerbitzura, Lanbide Heziketako Proiektuen eta Kualifikazioen Zerbitzura, Hezkuntzako Ikuskapen Zerbitzura, saritutako ikasleek ikasketak egin dituzten ikastetxeetara eta ikasle sarituei.

Iruñean, 2021eko uztailaren 19an.–Lanbide Heziketaren zuzendari nagusia, Tomás Rodríguez Garraza.

Iragarkiaren kodea: F2111990