2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TAFALLA
Aldaketa, Hiri Antolamendurako Plan Orokorreko UU-8 unitatean. Hasierako onespena
Tafallako Udalak, 2021eko abuztuaren 10ean egin osoko bilkuran, hasiera batez onetsi zuen aldaketa puntuala determinazio xehatuetan, Tafallako Hiri Antolamendurako Plan Orokorreko UU-8 unitatean (87. artikulua), Sociedad Cooperativa Agropecuaria La Sardak aurkeztua 2021eko uztailaren 23an (sarrera erregistroa: 3135 zenbakia).
Espedientea jendaurrean egonen da hilabetez, iragarki hau Nafarroako Aldizkari Ofizialean argitaratu eta biharamunetik hasita, interesdunek hura azter dezaten eta aurkez ditzaten egokiak iruditzen zaizkien erreklamazio, kexa edo oharrak; hori guztia, bat etorriz uztailaren 26ko 1/2017 Legegintzako Foru Dekretuarekin (legegintzako foru dekretu horren bidez onetsi zen Lurraldearen Antolamenduari eta Hirigintzari buruzko Foru Legearen Testu Bategina).
Tafallan, 2021eko abuztuaren 10ean.–Alkate udalburua, Jesús Arrizubieta Astiz.
Iragarkiaren kodea: L2112437
