2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
MAÑERU
Bake epaile ordezkoaren kargua hutsik
Bidezko da Udal honek Mañeruko bake epaile ordezkoa hautatzea, bat etorriz Botere Judizialari buruzko uztailaren 1eko 6/1985 Lege Organikoaren 101. eta 102. artikuluekin (uztailaren 2ko Estatuko Aldizkari Ofiziala) eta Bake Epaileen gaineko ekainaren 7ko 3/1995 Erregelamenduaren 5. eta 6. artikuluekin (uztailaren 13ko Estatuko Aldizkari Ofiziala).
Bake epaile, titular nahiz ordezko, izendatua izateko baldintzak dira Botere Judizialari buruzko Lege Organikoaren 302. artikuluak karrera judizialean sartzeko ezartzen dituen berberak, nahiz eta ez den beharrezkoa Zuzenbideko lizentziadun izatea.
Era berean, aipatu 3/1995 Erregelamenduaren 13. artikuluan eta hurrengoetan gaitasunari eta bateragarritasunari buruz ezarritako baldintzak bete beharko dituzte.
Interesdunek udal honetako Erregistro Orokorrean aurkeztu behar dituzte eskabideak, iragarki hau Nafarroako Aldizkari Ofizialean argitaratu eta ondoko hamabost egun balioduneko epean.
Argitara ematen da, orok jakin dezan.
Mañerun, 2021eko abuztuaren 3an.–Jarduneko alkatea, Patricia Echarren Salvatierra.
Iragarkiaren kodea: L2112029
