1. NAFARROAKO FORU KOMUNITATEA
1.7. BESTELAKOAK
198/2021 EBAZPENA, uztailaren 5ekoa, Vianako Printzea Erakundea-Kulturako zuzendari nagusiak emana, zeinaren bidez interes sozialeko deklaratzen baitira zenbait proiektu, kultur jarduera eta ereduko programa, Nafarroako Foru Komunitatean kultur mezenasgoa eta haren zerga-pizgarriak arautzen dituen maiatzaren 16ko 8/2014 Foru Legean xedatutakoarekin bat etorriz.
2021eko maiatzaren 1etik 31ra arte, besteak beste, honako pertsona eta entitate hauek eskaera aurkeztu zuten proiektuak, kultur jarduerak edo ereduko programak interes sozialeko deklaratzeko:
ESKATZAILEA | PROIEKTUAREN TITULUA |
Navarra Cultural fundazioa | “El Llano, Eje Socioeconómico de Cintruénigo” dokumental historikoa |
“En la Chácena” gazteen elkartea | Antzerkia |
Gaztela eta Leonen Etxea Nafarroan | Gaztela eta Leon-Kultura eta tradizioa |
Nafarroako Ikastolen Elkartea SKoop. | Artea Oinez |
Nafarroako Ikastolen Elkartea SKoop. | Juul: literatur hautaketak |
Mónica Revenga Pinto | Ikasle, artista eta diseinatzaileendako langunea Omapora laborategi irekia |
Iruñeko Artzapezpikutza | BETANIA-Done Jakue zentro kulturala egokitzea |
Espainia iparraldeko elkarte hispaniar-alemaniarra | Espainia iparraldeko elkarte hispaniar-alemaniarraren kultur jarduera 2021-2026 |
“Navarjota” Nafarroako Jotaren Elkartea | San Fermin Aldapako-San Fermin Txiki Nafarroako Jotaren Topagunea |
“Entzunaldi” kultur eta musika elkartea | “Solsticio” Iruñeko Orkestra |
Transforma Estella-Lizarra elkartea | Elkarguneak jaialdia |
Karrikaluze Elkartea | Karrikaluze Elkartea |
“Camino de la Vera Cruz” Udalerrien Nafarroako Elkartea | “Camino de la Vera Cruz”, Nafarroa |
Larraungo erraldoien eta buruhandien konpartsa | Larraungo erraldoien eta buruhandien konpartsa |
1978 Kooperatiba S.C.I.S. | Katakraken kultur jardueren urteko programazioa |
Raquel Idoate Ancín | Nafarroatik Ameriketara Ozeanoaren alde bateko zein besteko familia nafarrak. |
San Joan Ebanjelaria parrokia-Elurretako Ama Birjinaren kofradia | Iratiko oihaneko Elurretako Ama Birjinaren baseliza berritzea |
Fabaren Erregearen Elkartea | Fabaren Errege edo Erreginaren besta |
Nafarroako Unibertsitatea | Nafarroako Unibertsitateko Zientzien Museoa |
Antonio Chuaqui Concha | Pelotarien taupadak: antzerki fisikoaren zirkuitua + euskal pilota |
LABA | Erupzioa! Iruñeko euskaldunak saretzen |
El Trastero Creativo | Zinetika Jaialdia |
Javier Celay González | “Lola, para que no se nos olvide San Fermín” liburua argitaratzea. |
Mikel Artuch Unzue | Rantxeratarako joeraren zergatia Nafarroako Foru Komunitatean |
Isabel Villanueva Sáenz de Pipaón | Clasica Plus jaialdia |
Nafarroako Unibertsitatea | Kultura eta Gizartea institutua |
Kulturako, Turismoko eta Erakunde Harremanetako kontseilariaren irailaren 16ko 77/2014 Foru Aginduaren 12. artikuluan aurreikusitako jarduketak egin ondoren, Mezenasgo Batzordeak eskaera hauek eta dagokien dokumentazioa igorri zizkion Nafarroako Kulturaren eta Arteen Kontseiluari, ebaluazioa egin zezan.
Eskaeren balorazio egin ondoren, Nafarroako Kulturaren eta Arteen Kontseiluak, uztailaren 1ean, proposamen bat igorri dio Vianako Printzea Erakundea-Kulturako zuzendari nagusiari, interes sozialeko deklara ditzan kulturalak diren proiektuak, jarduerak eta ereduko programak, bat etorriz Nafarroako Foru Komunitatean kultur mezenasgoa eta haren zerga-pizgarriak arautzen dituen maiatzaren 16ko 8/2014 Foru Legearen 2.2 artikuluan ezarritakoarekin, hala hartuak izatea merezi dutenez legezko testu horren 6.2 artikuluan aurreikusitako irizpideak aplikatuz.
Ereduko programak interes sozialekotzat deklaratzeko proposamen batzuei dagokienez, zehazki Gaztela Leonen Nafarroako Etxeak, Mónica Revenga Pintok eta Entzunaldi Kultur Elkarteak aurkeztutakoei dagokienez, uste da gehiago zehaztu behar direla eskaeran aipatzen diren hurrengo urteetan garatu beharreko jardueren ereduko programak; beraz, ez da bidezkoa aurkeztutako proiektua ereduko programa deklaratzea, bai ordea interes sozialekoa deklaratzea, betiere 2022ko uztailaren 1eko bukaera datarekin.
Iruñeko Artzapezpikutzak “BETANIA-Done Jakue zentro kulturala egokitzea” izenez aurkeztutako proiektuari dagokionez, bidezkoa da interes sozialekoa deklaratzea eraikina birgaitu eta egokitzeko proiektuaren atala, betiere 2022ko abenduaren 31ko bukaera datarekin. Proiektuaren gainerako zatiari dagokionez, ezin da behar bezala baloratu kultur arloan deskribatutako jardueren garrantzia, interesa eta kultur eragina, ez baita behar besteko zehaztasunik ematen, beraz, eskatzaileari eskatzen zaio hurrengo deialdietan proiektuaren zati horri buruzko azalpen zehatz eta argiagoak emateko, haren garrantzia, interesa eta kultur eragina baloratu ahal izateko.
Karrikaluze Elkarteak ereduko programetarako “Karrikaluze Elkartea” izenez aurkeztutako eskaerari dagokionez, bidezko ikusi da interes sozialeko deklaratzea proiektuaren 3. atala, “Kultura” izenekoa; interes sozialeko adierazpen hori urtebeterako ematen da, 2022ko uztailaren 1era arte. Aldiz, ez da bidezko ikusi interes sozialeko ereduko-programa modura deklaratzea, eskabidean heldu den urteetan egiteko aipatzen diren jarduerak gehiago zehaztu behar baitira. Ez da bidezko ikusi interes sozialeko deklaratzea gainerako jarduerak, proiektuaren “Aisialdia”, “Komunikazioa” eta “Lan poltsa” epigrafeetan sartu direnak. Epigrafe horietan askotariko jarduerak aipatzen dira eta bakarren batek izan dezake kultur izaera. Hala ere, edukia, izaera, xedeak eta erdietsi nahi diren helburuei begiratuz gero, uste da haien izaera nagusia ez datorrela bat 8/2014 Foru Legearen 2.2 artikuluak kultur jardueratzat hartzen dituenekin; izan ere, xedeak beste batzuk dira, hala nola, gazteen aisialdia sustatzea, heziketa, komunikazioa, lana bilatzea, etab.
Horrenbestez, Nafarroako Foru Komunitatean kultur mezenasgoa eta bere zerga-pizgarriak arautzen dituen maiatzaren 16ko 8/2014 Foru Legean eta Kulturako, Turismoko eta Erakunde Harremanetako kontseilariaren irailaren 16ko 77/2014 Foru Aginduan xedatutakoari jarraituz,
EBAZTEN DUT:
1. Ebazpen honen I. eranskinean ageri diren kultur jarduerak eta proiektuak interes sozialeko deklaratzea.
2. Ebazpen honen II. eranskinean azaltzen diren kultur jardueren eta proiektuen ereduko programak interes sozialeko deklaratzea.
3. Ebazpen honen III. eranskinean ageri diren kultur jarduerak eta proiektuak interes sozialeko deklaratzea, 2022ko uztailaren 1eko bukaera datarekin betiere, eta ez ematea ereduko programaren izaera.
4. Proiektuak eta jarduerak gauzatzen diren bitartean bakarrik izanen du indarra interes sozialeko deklarazioak.
5. Interes sozialeko proiektuak eta jarduerak dituzten pertsona edo entitateak Kulturako, Turismoko eta Erakunde Harremanetako kontseilariaren irailaren 16ko 77/2014 Foru Aginduaren 22. artikuluak ezartzen dituen betebeharrei daude loturik, bai proiektuari, kultur jarduerari edo ereduko programari dagokionez, bai zerga administrazioari dagokionez.
6. Proiektua edo kultur jarduera interes sozialeko deklaratuta ere, onuradunek berdin-berdin eskuratu beharko dituzte hura gauzatzeko lizentzia, baimen edo komunikazioak, horiek ematea, zeinek bere eskumenen esparruan, beste erakunde batzuei dagokienean.
7. Interes sozialeko deklaratzen diren proiektuak eta kultur jarduerak Nafarroako Gobernuaren Atarian argitaratuko dira, Kulturako, Turismoko eta Erakunde Harremanetako kontseilariaren irailaren 16ko 77/2014 Foru Aginduaren 25. artikuluan ezarritakoari jarraituz.
8. Pertsona eta entitate onuradunek “Mecna zigilua” anagrama erabiltzen ahalko dute beren komunikazio, aurkezpen, argitalpen eta dokumentuetan, baldin eta zerikusia badute interes sozialeko deklaraturik dauden proiektuekin, kultur jarduerekin edo ereduko programekin.
9. Ebazpen hau Idazkaritza Tekniko Nagusira, Nafarroako Zerga Ogasunera eta Kultur Mezenasgoaren Batzordera igortzea, behar diren ondorioak izan ditzan.
10. Ebazpen hau Nafarroako Aldizkari Ofizialean argitaratzea.
Iruñean, 2021eko uztailaren 5ean.–Vianako Printzea Erakundea-Kulturako zuzendari nagusia, Ignacio Apezteguía Morentin.
I. ERANSKINA Kultur jarduerak eta proiektuak |
ESKATZAILEA | PROIEKTUAREN TITULUA | BUKAERA EGUNA |
Navarra Cultural fundazioa | “El Llano, Eje Socioeconómico de Cintruénigo” dokumental historikoa | 2021-12-31 |
Larraungo erraldoien eta buruhandien konpartsa | Larraungo erraldoien eta buruhandien konpartsa | 2022-07-01 |
Raquel Idoate Ancín | Nafarroatik Ameriketara Ozeanoaren alde bateko zein besteko familia nafarrak | 2022-02-01 |
San Joan Ebanjelaria parrokia-Elurretako Ama Birjinaren kofradia | Iratiko oihaneko Elurretako Ama Birjinaren baseliza berritzea | 2022-08-01 |
Antonio Chuaqui Concha | Pelotarien taupadak: antzerki fisikoaren zirkuitua + euskal pilota | 2021-10-31 |
Javier Celay González | “Lola, para que no se nos olvide San Fermín” liburua argitaratzea. | 2021-08-31 |
Mikel Artuch Unzue | Rantxeratarako joeraren zergatia Nafarroako Foru Komunitatean | 2021-12-31 |
Isabel Villanueva Sáenz de Pipaón | Clasica Plus jaialdia | 2021-08-01 |
Nafarroako Unibertsitatea | Kultura eta Gizartea institutua | 2022-08-31 |
Iruñeko Artzapezpikutza | “BETANIA-Done Jakue zentro kulturala egokitzea”* | 2022-12-31 |
* Interes sozialeko adierazpena eraikina birgaitu eta egokitzeko proiektuaren atalerako da. |
II. ERANSKINA Kultur jardueren eta proiektuen ereduko programak |
ESKATZAILEA | PROIEKTUAREN TITULUA | BUKAERA EGUNA |
“En la Chácena” gazteen elkartea | Antzerkia | 2026-07-01 |
Nafarroako Ikastolen Elkartea SKoop | Artea Oinez | 2026-07-01 |
Nafarroako Ikastolen Elkartea SKoop | Juul: literatur hautaketak | 2026-07-01 |
Espainia iparraldeko elkarte hispaniar-alemaniarra | Espainia iparraldeko elkarte hispaniar-alemaniarraren kultur jarduera 2021-2026 | 2026-07-01 |
“Navarjota” Nafarroako Jotaren Elkartea | San Fermin Aldapako-San Fermin Txiki Nafarroako Jotaren Topagunea | 2026-07-01 |
Transforma Estella-Lizarra elkartea | Elkarguneak jaialdia | 2026-07-01 |
“Camino de la Vera Cruz” Udalerrien Nafarroako Elkartea | “Camino de la Vera Cruz”, Nafarroa | 2026-07-01 |
1978 Kooperatiba S.C.I.S. | Katakraken kultur jardueren urteko programazioa | 2026-07-01 |
Fabaren Erregearen Elkartea | Fabaren Errege edo Erreginaren besta | 2026-07-01 |
Nafarroako Unibertsitatea | Nafarroako Unibertsitateko Zientzien Museoa | 2026-07-01 |
LABA | Erupzioa! Iruñeko euskaldunak saretzen | 2026-07-01 |
El Trastero Creativo | Zinetika Jaialdia | 2026-07-01 |
III. ERANSKINA Kultur jarduerak eta proiektuak |
ESKATZAILEA | PROIEKTUAREN TITULUA | BUKAERA EGUNA |
Gaztela eta Leonen Etxea Nafarroan | Gaztela eta Leon-Kultura eta tradizioa | 2022-07-01 |
Mónica Revenga Pinto | Ikasle, artista eta diseinatzaileendako langunea Omapora laborategi irekia | 2022-07-01 |
“Entzunaldi” kultur eta musika elkartea | “Solsticio” Iruñeko Orkestra | 2022-07-01 |
Karrikaluze Elkartea | “Karrikaluze Elkartea”* | 2022-07-01 |
* Interes sozialeko adierazpena proiektuaren 3. atalerako da, “Kultura” izenekorako. |
Iragarkiaren kodea: F2111051