1. NAFARROAKO FORU KOMUNITATEA
1.7. BESTELAKOAK
2073/2021 EBAZPENA, uztailaren 28koa, Hezkuntza Departamentuko Langileen Araubide Juridikoaren Zerbitzuko zuzendariak emana. Horren bidez, batetik, betearazten da uztailaren 13ko 198/2021 Epaia, Nafarroako Justizia Auzitegi Nagusiko Administrazioarekiko Auzien Salak emandakoa, eta, bestetik, aldatzen da abenduaren 26ko 8/2019 Ebazpenaren I. eranskineko 2.1 atala. Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren ebazpen horren bitartez, hautapen prozedurak onetsi ziren Bigarren Hezkuntzako Irakasleen Kidegoan sartu eta bertara igotzeko eta espezialitate berriak eskuratzeko, eta Lanbide Heziketako Irakasle Teknikoen Kidegoan sartu eta espezialitate berriak eskuratzeko, Nafarroako Foru Komunitateko Administrazioaren kudeaketa esparruko lanpostuetarako.
Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariak abenduaren 26an emandako 8/2019 Ebazpenaren bidez, hautapen prozedurak onetsi ziren Bigarren Hezkuntzako Irakasleen Kidegoan sartu eta bertara igotzeko eta espezialitate berriak eskuratzeko, eta Lanbide Heziketako Irakasle Teknikoen Kidegoan sartu eta espezialitate berriak eskuratzeko, Nafarroako Foru Komunitateko Administrazioaren kudeaketa esparruko lanpostuetarako.
Fernando María Ruiz Fernández jaunak gora jotzeko errekurtsoa jarri zuen deialdiaren aurka, eta hura ezetsi egin zen Hezkuntzako kontseilariaren irailaren 15eko 240E/2020 Foru Aginduaren bidez.
Administrazioarekiko auzi-errekurtsoa jarri zen ezespen horren aurka, eta hein batean onetsi zuen Nafarroako Justizia Auzitegi Nagusiko Administrazioarekiko Auzien Salak uztailaren 13an emandako 198/2021 Epaiaren bidez, uste baitzen I. eranskineko 2.1 atala (merezimenduak baloratzeko baremoa) diskriminatzailea dela; izan ere, bi kasu hauek parekatzen dira: batetik, batez besteko nota ageri duen ikasketa-ziurtagiria lortzea badute ere, beren borondatez hura aurkezten ez duten interesdunena, eta bestetik, merezimendua egiaztatzeko ziurtagiria aurkezterik izan ez duten oposiziogileena, ziurtagiri hori emateko eskumena duen entitateak ezin duelako batez besteko nota kalkulatu kasuan kasuko ikasketa-planarekin bat. Hori horrela egitea diskriminatzailea da, puntuaziorik baxuena ematen zaiolako merezimendua egiaztatzerik ez duenari.
Adierazitakoaren ondorioz, bidezkoa da uztailaren 13ko 198/2021 Epaia betearaztea, eta abenduaren 26ko 8/2019 Ebazpenaren I. eranskineko 2.1 atala aldatzea, halako moduz non deialdia egiten duen administrazioak kalkulatuko duen izangaiak aurkeztutako ikasketa-espedientearen batez besteko nota, baldin eta izangai horrek frogatzen badu ikastetxearentzat ezinezkoa dela ikasketa-espediente horren batez besteko nota kalkulatzea, titulazioari dagokion ikasketa-plana dela eta.
Horiek horrela, erabiliz Hezkuntza Departamentuko Hezkuntza Baliabideen zuzendari nagusiaren azaroaren 28ko 208/2019 Ebazpenaren bidez eskuordetutako eskudantziak,
EBAZTEN DUT:
1. Hitzez hitz betearaztea Nafarroako Justizia Auzitegi Nagusiko Administrazioarekiko Auzien Salaren uztailaren 13ko 198/2021 Epaia.
2. Aldatzea abenduaren 26ko 8/2019 Ebazpenaren I. eranskineko 2.1 atala (Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren ebazpen horren bidez, hautapen prozedurak onetsi ziren Bigarren Hezkuntzako Irakasleen Kidegoan sartu eta bertara igotzeko eta espezialitate berriak eskuratzeko, eta Lanbide Heziketako Irakasle Teknikoen Kidegoan sartu eta espezialitate berriak eskuratzeko, Nafarroako Foru Komunitateko Administrazioaren kudeaketa esparruko lanpostuetarako). Aipatu atalaren edukia ebazpen honekin batera doan eranskinean ageri den bezala geratuko da. Aldaketa horren xedea da soil-soilik ikasketa-espedientearen batez besteko nota aurkezterik izan ez zutenek (ikasketak eman zituen ikastetxearentzat ezinezkoa delako batez besteko nota kalkulatzea, titulazioari dagokion ikasketa-plana dela eta) aukera izan dezatela aldaketa horretan jasotako egiaztagiriak aurkezteko.
3. Hamar egun balioduneko epea irekitzea, ebazpen hau Nafarroako Aldizkari Ofizialean argitaratzen denetik hasita, hautapen prozeduran onartutako izangaiek aukera izan dezaten kasuan kasuko egiaztagiriak aurkezteko epe horren barnean (baldin eta ikasketa-espedientearen batez besteko nota aurkezterik izan ez bazuten, ikasketak eman zituen ikastetxearentzat ezinezkoa delako batez besteko nota kalkulatzea, titulazioari dagokion ikasketa-plana dela eta), bat etorriz ebazpen honekin batera doan eranskinean ezarritako frogagiriekin. Goian aipatutako hautapen prozedura Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren abenduaren 26ko 8/2019 Ebazpenaren bidez onetsi zen.
4. Ebazpen hau igortzea, behar diren ondorioak izan ditzan, Hezkuntza Departamentuko Idazkaritza Tekniko Nagusira, Irakasleak Hautatzeko eta Lanpostuak Betetzeko Zerbitzura, Aldi Baterako Langileak Kudeatzeko Zerbitzura eta interesdunari.
5. Ebazpen hau argitaratzea Nafarroako Aldizkari Ofizialean, Hezkuntza Departamentuko iragarki-taulan eta haren web-orrian argitaratutako deialdiaren fitxan (https://www.educacion.navarra.es/eu/web/dpto/inicio), eta adieraztea ebazpen honen kontra epaia betearazteko intzidentzia sustatzen ahal dela, bat etorriz Administrazioarekiko Auzien Jurisdikzioa arautzen duen uztailaren 13ko 29/1998 Legearen 109. artikuluan xedatuarekin.
Iruñean, 2021eko uztailaren 28an.–Laguntza Juridikoaren Ataleko burua (Hezkuntza Baliabideen zuzendari nagusiaren uztailaren 14ko 237/2020 Ebazpena), Juan Antonio Sola Ibarra.
Iragarkiaren kodea: F2111732
