1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
149C/2021 EBAZPENA, uztailaren 5ekoa, Enpresa Politikaren, Nazioarteko Proiekzioaren eta Lanaren zuzendari nagusiak emana, zeinaren bidez erabakitzen baita Altsasuko Guaixe Fundazioa erakundearen hitzarmen kolektiboa erregistratzea, gordailutzea eta Nafarroako Aldizkari Ofizialean argitaratzea.
Aztertu da Altsasuko Guaixe Fundazioa erakundearen hitzarmen kolektiboaren testua (kode zenbakia: 31100062012011), erregistro honetan 2021eko otsailaren 23an sartu zena, enpresaren ordezkariek eta sindikatuen ordezkariek 2021eko urtarrilaren 15ean izenpetua eta 2021eko maiatzaren 20an zuzendua, jarraikiz Langileen Estatutuaren Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan xedatutakoari eta Hitzarmen kolektiboak, akordio kolektiboak eta berdintasun planak erregistratzeari eta gordailutzeari buruzko maiatzaren 28ko 713/2010 Errege Dekretuan ezarritakoari. Horrenbestez,
EBAZTEN DUT:
1. Nafarroako Hitzarmen Kolektiboen, Akordio Kolektiboen eta Berdintasun Planen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2021eko uztailaren 5ean. Enpresa Politikaren, Nazioarteko Proiekzioaren eta Lanaren zuzendari nagusia. Izaskun Goñi Razquin.
Altsasuko Guaixe Fundazioa erakundearen hitzarmen kolektiboa (PDFa).
Iragarkiaren kodea: F2110886
