2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ELIZAGORRIKO, LODOSAKO, MENDABIAKO, SARTAGUDAKO ETA SESMAKO GIZARTE ZERBITZUEN MANKOMUNITATEA
1/2021 aurrekontu-aldaketa.
Hasierako onespena
Mankomunitateko Batzar Orokorrak, 2021eko ekainaren 17an egin ohiko bilkuran, aho batez erabaki zuen hasiera batez onestea 2021eko ekitaldirako onetsiriko aurrekontuan 1/2021 aldaketa egiteko espedientea. Aurrekontu-aldaketa aparteko kreditua eta kreditu-gehigarria gaitzeko da, plantilla organikoko administrari-ofizial lanpostuan aldi baterako ordezkapena egiteko, eta haren zenbatekoa, guztira, 20.200 euro da. Mankomunitateko udalen ekarpen gehigarriaren bidez finantzatuko da.
Espedientea Udalaren Idazkaritzan egonen da ikusgai 15 egun baliodunean, iragarki hau Nafarroako Aldizkari Ofizialean argitaratu eta biharamunetik hasita, bizilagunek nahiz interesdunek azter dezaten eta egoki iruditzen zaizkien erreklamazioak aurkez ditzaten; hori guztia, bat etorriz irailaren 21eko 270/1998 Foru Dekretuaren 33. artikuluan xedatutakoarekin (foru dekretu horren bidez garatu zen, aurrekontuen eta gastu publikoaren alorretan, Nafarroako Toki Ogasunei buruzko martxoaren 10eko 2/1995 Foru Legea).
Epe hori iragaten bada alegaziorik jaso gabe, behin betikoa bilakatuko da 1/2021 aurrekontu-aldaketa, eta argitaratu eginen da, behar diren ondorioak izan ditzan.
Mendabian, 2021eko ekainaren 18an.–Mankomunitateko burua, Fabiola Martínez Sancho.
Iragarkiaren kodea: L2110840
