1. NAFARROAKO FORU KOMUNITATEA
1.1. XEDAPEN OROKORRAK
1.1.2. Foru Dekretuak
50/2021 FORU DEKRETUA, ekainaren 23koa, Nafarroako Foru Komunitateko Administrazioaren eta haren erakunde autonomoen plantilla organikoa aldatzen duena.
Nafarroako Foru Komunitateko Administrazioko zenbait departamentuk eta erakunde autonomok aditzera eman dute beren plantilla organikoak aldatu behar direla benetan dituzten beharretara moldatzeko.
Ekonomia eta Ogasun Departamentuko Aurrekontuen, Ondarearen eta Politika Ekonomikoaren Zuzendaritza Nagusiak horren aldeko txostena egin du.
Horrenbestez, Lehendakaritzako, Berdintasuneko, Funtzio Publikoko eta Barneko kontseilariak proposaturik, eta Nafarroako Gobernuak bi mila eta hogeita bateko ekainaren hogeita hiruan egindako bilkuran harturiko Erabakiarekin bat,
DEKRETATZEN DUT:
Artikulu bakarra.–Plantilla organikoan lanpostu batzuk amortizatzea eta beste batzuk sortzea.
Nafarroako Foru Komunitateko Administrazioaren eta haren erakunde autonomoen plantilla organikoa honela aldatzen da:
Bat. Ondotik adierazten diren lanpostuak amortizatzen dira. Behar den zuzkidura ekonomikoa dute indarreko gastu-aurrekontuaren I. kapituluko partidetan:
HEZKUNTZA DEPARTAMENTUA
Hezkuntza Baliabideen Zuzendaritza Nagusia
–Administrariak: bi lanpostu huts, lanaldi partzialeko lan araubidekoak, C mailakoak, destinoa Erriberriko “Príncipe de Viana” ikastetxe publikoan dutenak, eta plantilla organikoan 37467 eta 39365 zenbakiak dituztenak.
ESKUBIDE SOZIALETAKO DEPARTAMENTUA
Pertsonen Autonomiarako eta Garapenerako Nafarroako Agentzia
–Lan Harremanetako diplomadunak: lanpostu huts bat, funtzionarioen araubidekoa, B mailakoa, plantilla organikoan 3685 zenbakia duena.
–Zerbitzu anitzetako arduradunak: lanpostu huts bat, funtzionarioen araubidekoa, C mailakoa, destinoa Lizarrako Santo Domingo zahar etxean duena, eta plantilla organikoan 2895 zenbakia.
–Zerbitzu orokorretako langileak: lanpostu huts bat, lanaldi partzialeko lan araubidekoa, D mailakoa, destinoa Lizarrako Santo Domingo zahar etxean duena, eta plantilla organikoan 2829 zenbakia.
KULTURA ETA KIROL DEPARTAMENTUA
Vianako Printzea Erakundea-Kultura Zuzendaritza Nagusia
–Zerbitzu orokorretako langileak: lanpostu huts bat, funtzionarioen araubidekoa, D mailakoa, destinoa Cordovillan duena, eta plantilla organikoan 34910 zenbakia.
Bi. Ondotik adierazten diren lanpostuak sortzen dira. Behar den zuzkidura ekonomikoa dute indarreko gastu-aurrekontuaren I. kapituluko partidetan:
HEZKUNTZA DEPARTAMENTUA
Hezkuntza Baliabideen Zuzendaritza Nagusia
–Administrariak: lanpostu huts bat, funtzionarioen araubidekoa, C mailakoa, destinoa Erriberriko “Príncipe de Viana” ikastetxe publikoan duena, eta plantilla organikoan 39458 zenbakia.
ESKUBIDE SOZIALETAKO DEPARTAMENTUA
Pertsonen Autonomiarako eta Garapenerako Nafarroako Agentzia
–Terapeuta okupazionalak: lanpostu huts bat, funtzionarioen araubidekoa, B mailakoa, destinoa Lizarrako Santo Domingo zahar etxean duena, eta plantilla organikoan 11225 zenbakia.
–Administrariak: lanpostu huts bat, funtzionarioen araubidekoa, C mailakoa, plantilla organikoan 11226 zenbakia duena.
–Begirale gerontologikoak: lanpostu huts bat, lanaldi partzialeko lan araubidekoa, D mailakoa, destinoa Lizarrako Santo Domingo zahar etxean duena, eta plantilla organikoan 11227 zenbakia.
KULTURA ETA KIROL DEPARTAMENTUA
Vianako Printzea Erakundea-Kultura Zuzendaritza Nagusia
–Artxiboko arduradunak: lanpostu huts bat, funtzionarioen araubidekoa, C mailakoa, destinoa Cordovillan duena, eta plantilla organikoan 11228 zenbakia.
AZKEN XEDAPENAK
Azken xedapenetako lehena.–Foru dekretu hau garatzeko eta betearazteko gaikuntza.
Lehendakaritzako, Berdintasuneko, Funtzio Publikoko eta Barneko kontseilariari ahalmena ematen zaio foru dekretu hau garatzeko eta betearazteko behar diren xedapenak eman ditzan.
Azken xedapenetako bigarrena.–Indarra hartzea.
Foru dekretu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2021eko ekainaren 23an.–Nafarroako Gobernuko lehendakaria, María Chivite Navascués.–Lehendakaritzako, Berdintasuneko, Funtzio Publikoko eta Barneko kontseilaria, Javier Remírez Apesteguía.
Iragarkiaren kodea: F2110090
