1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
49E/2021 FORU AGINDUA, ekainaren 21ekoa, Kultura eta Kiroleko kontseilariak emana, aldatzen duena Kultura eta Kiroleko kontseilariaren urriaren 13ko 54E/2020 Foru Agindua, zeinaren bidez onetsi baitziren Nafarroako kirol federazioei 2020ko irailaren 1etik abuztuaren 31ra bitarteko aldirako dirulaguntzak emateko oinarri arautzaileak, zati batean aldatzeko azken justifikazioko baldintzak.
Kultura eta Kiroleko kontseilariaren urriaren 13ko 54E/2020 Foru Aginduaren bidez Nafarroako kirol federazioei dirulaguntzak emateko deialdia onesten da, 2020ko irailaren 1etik 2021eko abuztuaren 31ra bitarteko aldirako, eta dirulaguntza horiek emateko egin beharreko gastua baimentzen da, guztira 2.776.500 eurokoa: 2.693.000 euro “Suspertu Plana: Federazioentzako dirulaguntzak” izeneko A50002 A5120 4819 336100 partidaren kargura; 42.000 euro “Nafarroako kirol selekzioen jantziak” izeneko A50002 A5120 4819 336106 partidaren kargura; 21.500 euro “Kirol federazioen ekipamendua” izeneko A50002 A5120 7819 336100 partidaren kargura; eta 20.000 euro “Euskararen erabilera kirol federazioetan” izeneko B30002 B3200 4819 334102 partidaren kargura (Nafarroako Kirolaren Institutuaren eskura jarri zena Euskarabidea-Euskararen Nafar Institutuko zuzendari kudeatzailearen apirilaren 22ko 23E/2020 ebazpenaren bidez).
Kultura eta Kiroleko kontseilariaren abenduaren 2ko 59E/2020 Foru Aginduaren bidez, Kultura eta Kiroleko kontseilariaren urriaren 13ko 54E/2020 Foru Agindua aldatzen da, zeinaren bidez onetsi baitziren Nafarroako kirol federazioei 2020ko irailaren 1etik 2021eko abuztuaren 31ra bitarteko aldirako dirulaguntzak emateko oinarri arautzaileak.
Otsailaren 10eko 5E/2021 Foru Aginduaren bidez, 1.051,80 euroko askatzen dira “Federazioentzako dirulaguntzak” izeneko partida ekonomikotik, eta 2.691.948,20 euro gelditzen dira erabilgarri partida ekonomiko horretan dirulaguntza deialdi honen ebazpenerako.
Nafarroako Kirolaren Institutuko zuzendari kudeatzailearen martxoaren 22ko 19E/2021 Ebazpenaren bidez, dirulaguntzak ematen zaizkie Nafarroako kirol federazioei 2020ko irailaren 1etik 2021eko abuztuaren 31 bitarteko aldirako, arlo hauetarako: federazioak, Nafarroako kirol selekzioen jantziak, kirol federazioen ekipamendua, eta euskarazko komunikazio zerbitzu orokorrak; dirulaguntzek 2.774.392,18 euro egiten dute osotara.
COVID-19aren pandemia kirol jardueretan oro har, eta bereziki kirol federazioek antolatutakoetan izaten ari den eraginei aurre egiteko, ekainaren 2ko 5/2021 Foru Lege-dekretuaren xedapen gehigarri bakarrak dirulaguntza deialdi honen oinarri arautzaileak aldatzea ahalbidetu du, federazioek emanda dituzten kopuruak osorik jaso ahal izan ditzaten.
Urriaren 13ko 54E/2021 Foru Aginduan egin beharreko aldaketek bi xede dituzte funtsean, txosten teknikoan jaso eta zehazten denaren arabera:
–Diruz lagundutako jarduerak gauzatzeko epea: hasiera batean, 54E/2021 Foru Aginduan, 2021eko abuztuaren 31ra arteko epea aurreikusten zen diruz lagundutako jarduerak gauzatzeko. Pandemiaren bilakaera hobetzeak ekarri du 2021. urte hasierarako aurreikusita zeuden eta hasiera batean bertan behera utzi ziren jarduera batzuk urtean zehar egitea; zenbait kasutan, abuztuaren 31 baino beranduago eginen dira horietako batzuk. Jarduera horiek deialdian sartu ahal izateko ezinbestekoa da diruz lagundutako jarduerak gauzatzeko epea luzatzea (2021eko urriaren 17a izanen da azken eguna), bai eta, kasu horietarako justifikazio agiriak aurkezteko epea luzatzea ere (urriaren 25a izanen da azken eguna). Aldaketa horiek 54E/2021 Foru Aginduaren I. eranskineko 1. eta 17. oinarrien aldaketetan islatu dira, aurrerago txertatzen den testuarekin bat.
–Jardueren arteko doikuntzak: federazioek deialdi honetan emandako eta 2021eko Nafarroako Aurrekontuetan aurreikusitako dirulaguntzak osorik jaso ahal izan ditzaten, beharrezkoa da doikuntzak egitea haren zenbait ataletan, hasierako arauetan aurreikusitako baldintzatzaileak aintzat hartu gabe portzentajeen mugei eta zenbait jardueraren arteko doikuntzei dagokienez. Aldaketa horiek 54E/2019 Foru Aginduaren I. eranskineko 16. eta 18. oinarriei eragiten diete, eta II. eranskineko “Sarrera” izeneko oinarriari.
Espedienteko txosten tekniko eta juridikoek adierazten dute, hurrenez hurren, dirulaguntza hauek egokiak eta interes publikokoak direla, eta deialdia eta oinarri arautzaileak legezkoak direla, baita proposatutako aldaketa ere.
Horrenbestez, Gobernuari eta Lehendakariari buruzko abenduaren 3ko 14/2004 Foru Legearen bidez eta Kultura eta Kirol Departamentuaren egitura organikoa aldatzen duen urriaren 30eko 273/2019 Foru Dekretuaren bidez esleitu dizkidaten eskudantziak erabiliz,
AGINTZEN DUT:
1. Onestea foru agindu bat, aldatzeko Kultura eta Kiroleko kontseilariaren urriaren 13ko 54E/2020 Foru Agindua, zeinaren bidez onesten baita “Nafarroako kirol federazioei dirulaguntzak emateko deialdia” 2020ko irailaren 1etik 2021eko abuztuaren 31ra bitarteko aldirako. Horrela, aldatu eginen da foru agindu horren I. eranskineko 1., 16., 17. eta 18. oinarrien eta II. eranskineko “Sarrera” izeneko oinarriaren edukia, jarraian txertatzen diren testuekin bat.
2. Urriaren 13ko 54E/2020 Foru Aginduaren I. eranskineko 1. oinarria aldatzea, 4 apartatua gehitzeko, testu honekin:
“4. 2021eko urriaren 17ra arte luzatzen da diruz lagundutako jarduerak gauzatzeko epea, baldin eta jarduera horiek atzeratu edo aldi baterako eten badira, COVID-19ak eragindako osasun krisia dela-eta jarduera horien plangintzan egindako aldaketen ondorioz”.
3. Urriaren 13ko 54E/2020 Foru Aginduaren I. eranskineko 16. oinarria aldatzea, testu hau izan dezan:
“16. oinarria. Jardueren arteko doikuntzak.
1. Deialdiaren 1. ataletik 6.era bitarte adierazitakoari dagokionez, aurrekontua betetzean egiten diren aldaketetarako ez da mugarik izanen jarduera bakoitzerako hasieran aurkeztutako aurrekontuaren aldean. Horrenbestez, justifikatutako gastuak aurreikusitakoak baino txikiagoak izan badira, ataletako batzuetan erabili gabe geratzen den kreditu hori beste atal batean erabiltzen ahalko da, bai eta diruz lagundutako jardueren izaera bereko edo antzeko izaerako beste jarduera berri batzuetan ere (13. oinarrian ezarritako prozeduraren arabera aurretik eskatu eta baimenduetakoak badira)”.
4. Urriaren 13ko 54E/2020 Foru Aginduaren I. eranskineko 17. oinarria aldatzea, testu hau izan dezan:
“17. oinarria. Justifikazioak.
1. Justifikazio-kontuen bidez eginen dira justifikazioak, salbu eta txapelketa nazionaletan parte hartzeko laguntzen atalekoak, horietarako moduluen prozedura erabiliko baita. Justifikazio-kontuan sartuko dira, orobat, txapelketa nazionaletan parte hartzeagatiko inskripzio gastuak. Kirol jantzien, material inbentariagarriaren ekipamenduaren eta Euskarazko Komunikazio Zerbitzu Orokorrak ataletan, justifikazioa honela eginen da: eskatutako eta onartutako kontzeptuak eskuratu eta ordaindu direla justifikatzeko agiriak (fakturak) aurkeztuz. Agiri horiek gastuen azken justifikazio gisa hartuko dira, eta horiek ere justifikazio-kontuan sartu beharko dira.
2. Justifikazio-kontu horretan dirulaguntza eskaeran adierazitako jardueren eta kontzeptuen egiaztagiriak sartuko dira, bakar-bakarrik.
3. Deialdiaren atal bakoitzerako aurrekontuaren (hasierakoaren edo egokituaren) %100 bete izanaren justifikazioa egin beharko da, hartarako dirulaguntzarik onetsi bada. Justifikatutako gastua aurrekontua baino gutxiago baldin bada, zenbatekoa proportzioan egokituko da ixteko ebazpenean.
4. Dirulaguntza hauen onuradun diren kirol federazio guztiek azken justifikazio hori telematikoki aurkeztu beharko dute, tramiteen katalogoko laguntzen fitxaren bidez, kirol federazioko presidenteak sinatuta. Dokumentazio hori izenpe digitalarekin aurkeztu beharko da pdf formatuan, baita Excel formatuan ere, formatu horretako inprimakien kasuan:
a) Egindako jardueraren memoria bat, kirol arlokoa, eta, horrekin batera, kirol federazioak egindako eta aurreko epeetan justifikatu gabe gelditu diren kirol jarduera guztiei dagozkien frogagiriak.
b) Jarduera mota bakoitzerako inprimakiak (ohiko funtzionamendua, Nafarroako txapelketak antolatzea, Espainiako txapelketetan parte hartzea, Espainiako txapelketak antolatzea, sustapena eta prestakuntza), benetako exekuzioari dagokion zatia beteta (inprimaki-ereduetan jasotako atal teknikoetan bakarrik).
c) Dirulaguntzaren xede izan eta bete diren jardueren justifikazio-kontua VII. eranskinean agertzen den ereduaren arabera prestatuko da, eta bertan jarduera bakoitzaren gastu eta diru-sarreren zerrenda sailkatu bat agertuko da, honako hauek adierazita: agiri zenbakia, jarduera, jaulkipen data, kontzeptua, zenbatekoa eta ordainketaren data. Inprimaki-eredu hori aldatu eta beste aurkezpen formal bat egin daiteke, goian adierazitako informazio guztia baldin badu. Azkeneko justifikazio-kontu hori bakarra izanen da dirulaguntzaren xedeko jarduera guztietarako, eta kirol federazioek urtean zehar aurkeztutako tarteko justifikazio-kontu guztiak hartuko ditu bere baitan. Justifikazio-kontu horretan sartuko da federazioko lehendakariak izenpetutako erantzukizunpeko adierazpen bat, zeinean adieraziko baita justifikazio-kontuan sartu direla diruz lagundutako jarduerak finantzatu dituzten diru-sarrera edo/eta dirulaguntza guztiak, zenbatekoak izan diren eta nork eman dituen ere esanez. Justifikazio-kontuan sartzen diren jardueren izenak eta eskabide-inprimakietan sartutako jardueren izenak berdinak izanen dira.
d) Hornitzaileak hautatzeko inprimakia, baldin eta hornitu diren ekipamendu-ondasunak edo aholkularitza edo laguntza-enpresek emandako zerbitzuak 12.000 eurotik gorakoak badira, Dirulaguntzei buruzko azaroaren 9ko 11/2005 Foru Legearen 28.3 artikuluari jarraikiz; hornitzaile horiek egon badira, diruz lagun daitekeen gastuaren deskribapena adierazi beharko da, eskatutako eskaintzen zerrenda eta hautatutako eskaintza aukeratzeko arrazoia, hori guztia hornitzaileen hautaketa justifikatzeko inprimaki-ereduaren arabera (VIII. eranskina).
e) Diruz lagundutako jardueren azpikontratazio-inprimakia: inprimaki hau aurkeztu beharko da, jarduerak azpikontratatzeari dagokionez diruz lagundutako federazioaren egoera egiaztatzeko, IX. eranskineko inprimaki-ereduaren arabera. Diruz lagundutako jardueren exekuzio osoa edo partziala hirugarrenekin azpikontratatu den adierazi beharko da; azpikontratazio hori egin bada, azpikontratatutako jarduerak zeintzuk diren adierazi beharko da inprimaki honetan, azpikontratistak eta fakturatutako zenbatekoak adierazita, baita egindako gastuak ere, xehakatuak. Halaber, inprimaki honetan federazioaren lehendakariaren erantzukizunpeko adierazpen bat sartuko da, adieraziko duena bete dela azaroaren 9ko 11/2005 Dirulaguntzei buruzko Foru Legearen 26. artikuluaren 4. eta 7. atalek ezartzen dutena.
f) Azken justifikazio-kontuan, gastu orokorren atalean, COVID-19a detektatzeko probak egiteko gastuak sartu badira (PCR testak, proba serologikoak, etab.), jarduera horiek egiteko probak egitea derrigorrezkoa zela egiaztatzen duen txostena aurkeztu beharko da.
5. Dokumentazio hori aurkezteko azken eguna hau da:
a) Oro har, 2021eko urriaren 10a.
b) Salbuespen gisa, federazioek 2021eko abuztuaren 31tik urriaren 17ra bitarte egiten badute COVID-19ak eragindako egoera epidemiologikoaren ondorioz atzeratutako jardueretako bat, 2021eko urriaren 25a. Epe horretan aurkeztu beharko dira diruz lagundutako jarduera guztiak justifikatzen dituzten agiriak, eta ez bakarrik atzeratu eta urriaren 17ra bitarte egindakoak.
6. NKIk justifikazio-kontu horien gaineko berrikuspen txostenak eginen ditu, Kontu-auditoreen Erregistro Ofizialean inskribatua dagoen jarduneko kontu-auditore baten bidez. Txosten horiek honako hauek betez eginen dira:
I.–Txosten horien kontratazioa NKIk eginen du.
II.–Txostena maiatzaren 17ko EHA/1413/2007 Aginduan ezarritakoarekin bat eginen da. Agindu horren bidez, kontu-auditoreek dirulaguntzen justifikazio-kontuak berrikusteko lanetan bete beharreko jarduketa-araua onetsi zen.
7. Aukera moduan, zilegi da Nafarroako Gobernuko langileek egitea justifikazio-kontu horien berrikuspena”.
5. Urriaren 13ko 54E/2020 Foru Aginduaren I. eranskineko 18.2 eta 18.3 oinarriak aldatzea, testu hau izan dezaten:
“2. II. eranskineko “Sarrera.1” izeneko oinarrian ezarritako 1., 2., 4., 5. eta 6. blokeetako bakoitzari dagokion dirulaguntzaren likidazioa kalkulatzeko, baliozkotzat hartuko dira diruz lagundutako blokeetako bakoitzean benetan eta zuzen justifikatutako zenbateko guztiak, kontuan hartu gabe dirulaguntzak emateko ebazpenean aplikatutako dirulaguntzaren portzentajea eta/edo hainbanaketa. Likidazioaren zenbatekoa mugatzeko kontzeptu gisa kontuan hartuko dira, soilik, jarduera horietako bakoitzean dagoen defizita (sarreren eta gastuen arteko korrelazioa), baldin badago, eta federazio bakoitzari 2021erako Nafarroako Aurrekontu Orokorretako “Suspertu plana: federazioentzako dirulaguntzak ” izeneko partidaren kargura emandako zenbateko osoa”.
3. Zenbatekoa moduluen prozeduraren bidez finkatzen den apartatuan (“Txapelketa ofizial nazionaletan parte hartzea”), dagokion balorazioa kalkulatzeko, parte-hartzearen datu errealak hartuko dira kontuan (zenbat parte-hartzaile izan diren, txapelketa non egin den eta zenbat egun iraun duen). Apartatu honi dagokion likidazioa kalkulatzeko, aintzat hartuko da txapelketa bakoitzari dagokion modulu osoa, alde batera utzita dirulaguntzak emateko ebazpenean aplikatutako dirulaguntzaren portzentajea eta/edo hainbanaketa”.
6. Aldatzea urriaren 13ko 54E/2020 Foru Aginduaren II. eranskineko “Sarrera. 4” izeneko oinarria, eta honela idatzita geldituko da:
“4. Benetan gauzatu diren jardueren azken dokumentazioa aztertzen denean, aurrekontua betetzean egiten diren aldaketek ez dute mugarik izanen jarduera bakoitzerako hasieran aurkeztutako aurrekontuaren aldean, I. eranskineko 16. oinarrian jaso den bezala. Horrenbestez, justifikatutako gastuak txikiagoak izateagatik ataletako batean erabili gabe geratzen den kreditu hori beste atal batean erabiltzen ahalko da, horretan justifikatutako gastuak handiagoak izan badira.”
7. Foru agindu hau Nafarroako Aldizkari Ofizialean argitaratzea eta jakinaraztea, behar diren ondorioak izan ditzan, Kirol Zuzendariordetzari, Administrazio eta Kudeaketa Atalari eta Gai Ekonomiko-Administratiboak eta Prozedurak Kudeatzeko Bulegoari. Aditzera ematen da ezen foru agindu honen kontra gora jotzeko errekurtsoa jartzen ahalko dela, Nafarroako Gobernuari zuzendua, jakinarazi eta biharamunetik hilabeteko epean, Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluekin bat.
Iruñean, 2021eko ekainaren 21ean.–Kultura eta Kiroleko kontseilaria, Rebeca Esnaola Bermejo.
Iragarkiaren kodea: F2110001
