1. NAFARROAKO FORU KOMUNITATEA
1.7. BESTELAKOAK
238/2021 EBAZPENA, ekainaren 8koa, Hezkuntzako zuzendari nagusiak emana, “Eugenia Echarren Kantu Eskola” izeneko musika eskolak Nafarroako Musika eta Dantza Eskolen Berariazko Erregistroan duen inskripzioa aldatzen duena, titularra aldatzeagatik.
Ikusirik Felipe Martínez Arriazu jaunak “Dos Mirlos Blancos” enpresaren ordez (IFZ: B71422976) aurkeztu duen eskaera dela-eta irekitako espedientea, eskatu baitu “Eugenia Echarren Kantu Eskola” izeneko musika eskolak Nafarroako Musika eta Dantza Eskolen Berariazko Erregistroan duen inskripzioa aldatzea, titularra aldatzeagatik.
Ikusirik entitate titular berriak aurkeztu duen dokumentazioa.
Ikusirik Musika eta dantza eskolen sorrerari eta funtzionamenduari buruzko oinarrizko arauak onesten dituen abenduaren 21eko 421/1992 Foru Dekretuaren 29. artikuluan xedatutakoa.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32.1.d) artikuluak ematen dizkidan ahalmenak erabiliz, eta Hezkuntzako Ikuskapen Zerbitzuak proposaturik,
EBAZTEN DUT:
1. Iruñeko “Eugenia Echarren Kantu Eskola” izeneko musika eskolak (ikastetxearen kodea: 3113264) Nafarroako Musika eta Dantza Eskolen Berariazko Erregistroan duen inskripzioa aldatzea, haren entitate titularra aldatu delako; aurrerantzean, titular gisa ez da “Eugenia Echarren SL” merkataritza-konpainia agertuko, baizik eta “Dos Mirlos Blancos SL” sozietate mugatua, zeina Hezkuntza Departamentuarekin zituen eskubide eta betebehar guztietan subrogatuko den. Horrek guztiak 2021eko maiatzaren 6tik aurrera izanen ditu ondorioak, egun hartan sartu baitzen ikastetxeko titularraren eskaera.
2. Adieraztea ezen, titulartasuna aldatu ondoren, ikastetxearen datu hauek agertuko direla Hezkuntza eta Kultura Departamentuko Musika eta Dantza Eskolen Berariazko Erregistroaren inskripzioan:
Izen orokorra: Musika Eskola.
Ikastetxearen kodea: 31013264.
Berariazko izena: “Eugenia Echarren Kantu Eskola”.
Helbidea: San Joan Bosco zeharkalea 3, behea.
Herria: Iruña.
Udalerria: Iruña.
Titularra: Dos Mirlos Blancos SL, IFZ: B 71422976.
Ikastetxeak baimendurik duen edukiera: gela bat irakaskuntza teorikoetarako eta taldekako irakaskuntzetarako, non aldi berean 30 ikasleri arreta emanen zaien gehienez.
Baimendurik dituen irakaskuntzak: Hezkuntza Sistemaren Antolamendu Orokorrerako Lege Organikoaren 39.5 artikuluan ezarritakoak, honako irakasgai hauekin:
1.–Oinarrizko eskaintzari dagozkionak, abenduaren 21eko 421/1992 Foru Dekretuaren 9. artikuluko 1. atalean ezarritako antolamenduari jarraikiz, hiru esparruetan:
a) Instrumentu-praktika, espezialitate hauekin: Kantua, Kantu Modernoa, Pianoa eta Biolina.
b) Instrumentu-praktikaren osagarri den musika prestakuntza: irakasgai hauekin: Harmonia Klasikoa, Harmonia Modernoa, Fonetika eta kantuari aplikatutako hizkuntzak (Italiera, Alemana eta Ingelesa), Historia eta Estetika, Musika Hizkuntza, Ahots Musika eta Piano Osagarria.
c) Instrumentu-jarduerak eta ahots-jarduerak taldean, irakasgai hauekin: Abesbatza, Konboa, Ahots Taldea, Eskolania eta Antzinako Musikaren Lantegia.
2.–Oinarrizko eskaintzan ez dauden beste irakasgai batzuk: Aholkularitza Estilistikoa, Aholkularitza Foniatrikoa, Musika eta Ahots Hastapenak Haurrentzat, Jarrera Hezkuntza, Ahots Hezkuntza eta Eszena Lantegia.
3. Eskolaren konfigurazioan aldaketaren bat egiteko, horren ondorioz ebazpen honen 2. atalean ezarritako erregistro datuak eta/edo eskolaren instalazioak aldatzen badira, departamentu honen baimena beharko da, aipatutako 421/1992 Foru Dekretuaren 29. artikuluan ezarritakoari jarraikiz.
4. Ohartaraztea eskolaren inskripzioa baliorik gabe uzten ahalko dela foru dekretu horren 31. artikuluan aipatutako kasuetan.
5. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
6. Ebazpen hau igortzea Hezkuntzako Ikuskapen Zerbitzuari, Hezkuntzako Azpiegituren Zerbitzuari, Eleaniztasunaren eta Arte Ikasketen Zerbitzuari, Arte Ikasketen Atalari eta Ikastetxeetako Informazioa Kudeatzeko Bulegoari.
7. Ebazpen hau Nafarroako Aldizkari Ofizialean argitaratzea.
Iruñean, 2021eko ekainaren 8an.–Hezkuntzako zuzendari nagusia, Gil Sevillano González.
Iragarkiaren kodea: F2109510
