Iragarkia

150. ALDIZKARIA - 2021eko ekainaren 29a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

OLTZA ZENDEA

Aldaketa, Udalaren kirol instalazioetan zerbitzuak emateko tasak arautzen dituen ordenantzan. Behin betiko onespena

Oltza Zendeako Udalak, 2021eko martxoaren 25ean egin osoko bilkuran, hasiera batez onetsi zuen aldaketa Oltza Zendeako Udalaren kirol instalazioetan zerbitzuak emateko tasak arautzen dituen ordenantzaren 3. eta 5. artikuluena; erabakia 2021eko 81. Nafarroako Aldizkari Ofizialean argitaratu zen, apirilaren 13an.

Jendaurreko epea iraganik inork alegaziorik aurkeztu gabe, ordenantzaren aldaketa hori behin betiko onesten da, eta testu osoa argitaratzeko agintzen, behar diren ondorioak izan ditzan; hori guztia, bat etorriz Nafarroako Toki Administrazioari buruzko uztailaren 2ko 6/1990 Foru Legearen 325. artikuluan xedatutakoarekin (maiatzaren 31ko 15/2002 Foru Legeak aldatua). Ohartarazten da behin betiko onespen honen aurka egin daitekeela honako bide hauetako baten bidez:

–Administrazioarekiko auzi-errekurtsoa, zuzenean Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, iragarki hau Nafarroako Aldizkari Ofizialean argitaratu eta biharamunetik hasita.

–Gora jotzeko errekurtsoa, Nafarroako Administrazio Auzitegiari zuzendua, hilabeteko epean, erabaki hau Nafarroako Aldizkari Ofizialean argitaratzen denetik hasita.

Oltza zendean, 2021eko maiatzaren 27an.–Alkatea, Moisés Garjón Villanueva.

ALDAKETA, OLTZA ZENDEAKO UDALAREN
KIROL INSTALAZIOETAN ZERBITZUAK EMATEKO
TASAK ARAUTZEN DITUEN ORDENANTZAN

Tasak

“3. artikulua. Honela ordainduko da tasa: (Idazketa berria).

Periodikoki erabiltzen ez den kasuetan, tasa aurretik ordaindu beharko da, erabiltzaileak instalazioaren erreserba egiten duenean, Oltza Zendeako Udalak eta/edo Oltzaleku SLk horretarako ezartzen duen tokian, ikastaro edo jardueraren baldintzen arabera kasu bakoitzean ezartzen den moduan eta tokian.

Udalaren kirol instalazioetan urteko, neguko edo hiruhileko abonamendu modalitateetan abonatu nahi duten pertsonek, udako kanpainako abonamenduak eta hileroko abonamenduak izan ezik, honako dokumentazio hau aurkeztu beharko dute:

–NANa.

–SEPA helbideratzeko agindua, sinatuta.

Kuotaren lehen ordainketa eginen da aurrez aurre edo www.oltzaleku.com webgunearen bidez, txartelarekin edo banku-transferentziarekin ordainduta.

Hurrengo ordainketak soilik eginen dira bankuko igorpen bidez, abonatutako pertsonak emandako kontu-zenbakira bidaliz.

Kuotak ordaintzen ez badira, bi aldiz eginen da ordaintzeko errekerimendua, eta haietako bakoitzari dagokion hilabeteko epean ez badago abonatuaren erantzunik, baja emanen zaio eta abonatuen eskubideak galduko ditu.

Aurreko paragrafoa aplikaturik abonatuari baja eman ondoren, berriz ere alta hartu nahi badu kuoten ordainketa eguneratu beharko du.

Nolanahi ere, kultura eta kirol jarduera sortu berrietarako, tasa ezartzeko irizpide orokorra honako hau izanen da:

–Erroldatuak: jardueraren kostuaren %60ra bitarte, gehienez.

–Erroldatu gabeak: jardueraren kostuaren %100era bitarte.

5.2. Hobariak:

5.2.1. Familia ugarietako eta guraso bakarreko familietako kide guztiek %15eko hobaria jasoko dute abonamendu eta kirol eta kultur jardueretan izena emateko modalitate guztietan ezarritako tasa eta prezio publikoen zenbatekoan.

5.2.2. Langabezian 6 hilabete baino gehiago daramaten 24 eta 30 urte bitarteko pertsonek (biak barne) %10eko hobaria jasoko dute abonamendu eta kirol eta kultur jardueretan izena emateko modalitate guztietan ezarritako tasa eta prezio publikoen zenbatekoan.

5.2.3. Arau orokor gisa, 5.2.1 eta 5.2.2 apartatuetan araututako tarifen hobarien ehunekoak ezin izanen dira metatu, eta bakarrik aplikatuko da onuragarriena dena eskatzailearentzat.

5.2.4. Agiriak:

–Familia ugariak.

• Administrazio eskudunak emandako familia ugariaren titulua/txartel ofiziala.

–Familia gurasobakarrak.

• Administrazio eskudunak emandako familia gurasobakarraren titulua.

–Langabetuak.

• NL-NEZaren enplegu-eskariaren txostena, eskaeraren antzinatasun-aldia jasotzen duena.

5.2.5. 4 urtetik beherako haurrek %100eko hobaria izanen dute udako igerilekuetako sarrera edo abonamenduaren prezioetan, baldin eta abonaturik dagoen edo sarrera ordaindu duen pertsona arduradun batekin badoaz.

5.2.6. Mostazulo Pilotalekuko (Asiain) eta Abajitabidea Pilotalekuko (Ororbia) instalazioetan doako ordu-erreserba (argiaren kosturik gabe) egiten ahalko dute herritarrek urte horretan. Egutegia, ordutegia, erabilerak eta baldintzak Udalak eta Oltzaleku SL tokiko merkataritza sozietateak ezarriko dituzte une bakoitzean.

5.2.7. Kortesiazko sarrerak: Aratzuriko Berokizelaia igerilekuetan, udako denboraldian, erroldaturik dauden 16 urtetik gorako abonatuek (udako edo urteko abonamendua) eskubidea izanen dute kortesiazko 2 sarrera hartzeko urtean. Kortesiazko sarrerek izanen dute erroldatuentzat ezarritako gutxieneko prezioa, adin-tartearen arabera.

Prozedura: 16 urtetik gorako abonatuak berak jaso beharko du kortesiazko sarrera. Sarrera horiek izendunak eta data zehatz batean erabiltzeko izanen dira. Hau da, sarreran jarriko du nor den sarreraren onuradun eta zer egunetan joanen den. “Kortesiazko sarrera” ematen duenak eguna eta onuradunaren izena idatziko du abonatuaren fitxan. Eskubide hori erabiltzen duten abonatuek onuradunarekin batera egon beharko dute eta lagunaren erantzule izanen dira une oro.

5.2.8. Iraupen luzeko kirol-instalazioen alokairuek ezarritako tasaren %30eko hobariak lor ditzakete gehienez, ordu-bolumenaren eta alokairuaren iraupenaren arabera:

5.2.9. Familia harreraren araubidean daudenei, errefuxiatutzat hartutakoei edo gisa horietakoei, halaber, eskaera egin eta norberaren egoera agiriz frogatu ondoren, erroldatuta daudenentzat ezarritako tarifen eta prezio publikoen tarifak aplikatuko zaizkie.

5.2.10. Erroldatuta dauden pertsonendako, gizarte egoera zailean egoteagatik eta/edo adingabeak babestu behar izateagatik, Gizarte Zerbitzuen Zinegotzigoak proposatzen ahalko du gizarte zerbitzuen erabiltzaileendako Udalaren kirol jardueretan izen ematea merkeagoa edo dohainik izatea. Proposamenarekin batean, txosten bat aurkeztu beharko da, Udalaren Gizarte Zerbitzuen Alorreko gizarte langileek sinatua, proposamenaren justifikazioa jasoko duena.

5.2.11. Udalari eta/edo Olatzaleku SLri ahalmena ematen zaio Oltza Zendeako Udalaren jarduera ekonomikoen gaineko zergan “landa turismoko establezimendu” gisa agertzen diren establezimenduetako bezeroei kirol instalazioetako prezio publikoen eta tasen abonamenduaz baliatzeko aukera emateko, erroldatutako pertsonendako ezarritako sarrera eta abonamenduen prezio berean. Abantaila ekonomiko horietaz baliatzeko, ostatuak idatziz ziurtatu beharko du pertsona horiek zein diren eta zein egunetan ostatu hartzen duten.

5.2.12. Baimena ematen zaio Udalari eta/edo Oltzaleku SLri %5, %10, %15, %20, %25 eta %50eko hobariak aplikatzeko, abonatu berriak erakartzeko sustapen-kanpainak egiteko, Udalak ezarritako baldintzetan.

Iragarkiaren kodea: L2109198