Iragarkia

140. ALDIZKARIA - 2021eko ekainaren 17a

1. NAFARROAKO FORU KOMUNITATEA

1.7. BESTELAKOAK

36/2021 FORU AGINDUA, ekainaren 3koa, Lurralde Kohesiorako kontseilariak emana, alde batetik, “N-121-A errepidea 2+1 motako bide bihurtzea, 40+900 KPtik 52+430 KPra arte (Arrigazteluko tunelaren hegoaldeko ahoa)” izeneko proiektuaren jendaurreko aldia ebazten duena, ukitutako ondasun eta eskubideen ondorioetarako, eta bestetik, proiektua behin betiko onesten duena.

Lurralde Kohesiorako kontseilariaren urtarrilaren 4ko 1/2021 Foru Aginduaren bidez behin-behinekoz onetsi zen proiektu hau: “N-121-A errepidea 2+1 motako bide bihurtzea, 40+900 KPtik 52+430 KPra arte (Arrigazteluko tunelaren hegoaldeko ahoa)”. Horrekin batera, jendaurrean jarri zen, bai proiektuaren eduki teknikoari dagokionez, bai lurrak okupatu beharrari dagokionez desjabetzearen ondorioetarako.

Jendaurreko aldia bukaturik, alegazio batzuk jaso dira. Hona hemen haien edukia eta emandako erantzuna:

1.–2021/104565 alegazioa, María Victoria Gaztelumendi Galzagorri andreak aurkeztua.

Eskatzen du proiektuan aurreikus dadila Sunbillako 2. poligonoko 430. lurzatian sartzeko bidea leheneratzea, obrek ukituko baitute.

Erantzuna:

Eskaera baiesten da. Eraikuntza proiektuan aurrekontu-partida bat jaso da lurzati horretako hesia eta sarrera leheneratzeko.

2.–2021/117352 alegazioa, Gorka Arrechea Oyarzabal jaunak aurkeztua.

Eskatzen du soinu-afekzioa gutxitzeko pantaila akustikoak jartzea Sunbillako 2. poligonoko 546. lurzatian.

Erantzuna:

Eskatutakoa onartzen da. Egin den azterketa akustikoan, identifikatu da eremu horretan legez ezarritako zarata-mailak gainditzen direla. Horregatik, proiektuan aurreikusi da errepidearen ezkerreko bazterrean pantaila akustikoak jartzea 49+648 KPtik 49+727 KPra eta 49+841 KPtik 49+964 KPra.

3.–2021/144098 alegazioa, José Luis Arrechea Arrechea jaunak aurkeztua.

Eskatzen du aterabide bat Doneztebeko 1. poligonoko 204 A lurzatitik Sunbillako biribilgunean sartzeko erreira.

Erantzuna:

Eskatutakoa ez da onartzen. Mugakide diren jabetzak dezelerazio errei batekin konektatzea salbuespen kasuetan baizik ez da onartzen. Kasu honetan, konexio bat aurreikusita dago etorkizunean eginen den dezelerazio erreiarekin, 49+120 KPan, inguru hartan dauden jabetzei zerbitzu emateko, besteak beste, Doneztebeko 1. poligonoko 204 A lurzatiari.

4.–2021/154375 alegazioa, Bertizaranako Udalak aurkeztua, Lourdes Argain Vergara andrea ordezkatuz.

1. Eskatzen da, obra bukatu ondoren, Bertizaranako 1. poligonoko 319. lurzatiko belardia erein dadila, jarduketaren aurretik zituen produkzio baldintza beretan geldi dadin.

2. Eskatzen da ezen, obretan Bertizaranako 1. poligonoko 319., 282. eta 331. lurzatietako itxiturak ukituz gero, ordeztuak izan daitezela, gaur egun dauden baldintza beretan uzteko.

3. Eskatzen da “Ibarrondoa” landetxean, 44+850 KPan, soinu-kutsadura gutxitzeko pantaila akustikoak jar daitezela.

Erantzuna:

1. Alegatutakoa onartzen da. Proiektuaren aurrekontuan partida bat jaso da obrek ukitzen dituzten lurzati guztiak hasierako egoera berean uzteko.

2. Alegatutakoa onartzen da. Ez dago aurreikusia alegazioan aipatzen diren lurzatien hesia ukitzea. Dena dela, proiektuaren aurrekontuan zenbait partida jaso dira obrek ukitzen dituzten lurzati guztiak hasierako egoera berean uzteko.

3. Alegatutakoa onartzen da. Egin den azterketa akustikoan, identifikatu da eremu horretan legez ezarritako zarata-mailak gainditzen direla. Horregatik, proiektuan aurreikusi da errepidearen ezkerreko bazterrean pantaila akustiko bat jartzea 44+660 KPtik 44+982 KPra.

5.–2021/155041 alegazioa, Sunbillako Udalak aurkeztua.

1. Eskatzen da zehaztea zein tokitan jarriko diren pantaila akustikoak. Eskatzen da, orobat, horrelako pantailak instalatzea herrigunea babesteko, bai eta Sunbillako tunelaren iparraldeko ahoaren ondoan dauden baserriak eta sakabanaturik dauden beste baserri batzuk babesteko.

2. Eskatzen da debekatzea txirrindulariek N-121-A errepidetik zirkulatzea, Sunbillako udal mugarte osoan.

3. Eskatzen da proiektuan sar dezatela oinezkoentzako pasabide bat Sunbillako lotunean, NA-1210 errepidea eta errepidearekin paralelo doan bidea konektatzeko.

4. Eskatzen da proiektuan sar dezatela Sunbillako lotunea eraikitzeko obrek ukitutako zerbitzu guztiak leheneratzea.

Erantzuna:

1. Eskatutakoa hein batean onartzen da. Tarte horren azterketa akustikoan, legez ezarritako zarata-mailak gainditzen diren eremuak identifikatu dira. Proiektuan, eremu horietarako zuzenketa neurriak aurreikusi dira.

Hala, Sunbillako udal mugarteari dagokionez, pantaila akustikoak jarriko dira tarte hauetan:

–49+613 KParen eta 49+699 KParen artean, eskuineko bazterrean.

–49+648 KParen eta 49+727 KParen artean, ezkerreko bazterrean.

–49+841 KParen eta 49+964 KParen artean, ezkerreko bazterrean.

2. Eskatutakoa onartzen da. Debekatzen da txirrindulariek N-121-A errepidetik zirkulatzea, Sunbillako udal mugarte osoan. NA-1210 errepidetik eta Bidasoko bide berdetik zirkulatuko dute.

3. Eskatutakoa onartzen da. Proiektuan, oinezkoentzako pasabide bat sartu da Sunbillako lotunean.

4. Eskatutakoa onartzen da. Proiektuan, obrek ukitutako zerbitzu guztiak leheneratzea jaso da.

6.–2021/155411 alegazioa, Bidasoa eta Berroaran Mendietako Biltzarrak aurkeztua.

Eskatzen da Arrizuriaga juntetxera sartzeko bidea alda dezatela, 47 KPan dagoena, ikusita zein zaila den gaur egun juntetxetik N-121-A errepidera jaistea.

Erantzuna:

Ez da alegatutakoa onartzen. Dena dela, inguru horretan, bazterbideko lerro zuria errepidearen barreneko aldera mugitu da. Horrela, toki gehiago egonen da ateratzeko maniobra egiteko.

7.–2021/158694 alegazioa, Atlas Asesores SLk aurkeztua, Modesto Garro Iparraguirre ordezkatuz.

Eskatzen du tokiz alda dezatela 48+700 KPan aurreikusi den biribilgunea.

Erantzuna:

Eskatutakoa onartzen da. Biribilgune hori hegoalderantz eraman da, 48+300 KPra.

8.–2020/159750 alegazioa, Amparo Garro Iparraguirre andreak aurkeztua.

Eskatzen du tokiz alda dezatela 48+700 KPan aurreikusi den biribilgunea.

Erantzuna:

Eskatutakoa onartzen da. Biribilgune hori hegoalderantz eraman da, 48+300 KPra.

9.–2021/160881 alegazioa, Rodrigo Radovan Díaz jaunak aurkeztua, TÜV Rheinland Navarra SA ordezkatuz.

Eskatzen du tokiz alda dezatela 48+700 KPan aurreikusi den biribilgunea.

Erantzuna:

Eskatutakoa onartzen da. Biribilgune hori hegoalderantz eraman da, 48+300 KPra.

10.–2021/160909 alegazioa, CEDIPSA-Compañía Española Distribuidora de Petróleos SAk aurkeztua.

Eskatzen du tokiz alda dezatela 48+700 KPan aurreikusi den biribilgunea.

Erantzuna:

Eskatutakoa onartzen da. Biribilgune hori hegoalderantz eraman da, 48+300 KPra.

Nafarroako Gobernuak, 2021eko maiatzaren 26an hartutako Erabakiaren bidez, deklaratu du presakoa dela “N-121-A errepidea 2+1 motako bide bihurtzea, 40+900 KPtik 52+430 KPra arte (Arrigazteluko tunelaren hegoaldeko ahoa)” izeneko eraikuntza proiektuak ukitutako ondasun eta eskubideak okupatzea.

Bat etorriz Nafarroako Errepideei buruzko martxoaren 23ko 5/2007 Foru Legearen 20. artikuluko 4. eta 6. zenbakietan ezarritakoarekin, bidezkoa da proiektuari behin betiko onespena ematea, zeinak berekin ekartzen baitu onura publikoaren deklarazioa eta ondasunak okupatu eta eskubideak erosi beharra.

Horrenbestez, Azterlan eta Proiektuen Zerbitzuak informatu eta proposatu duenarekin bat, eta Lurralde Kohesiorako Departamentuaren egitura organikoa ezartzen duen urriaren 30eko 263/2019 Foru Dekretuak xedatzen duenarekin bat,

AGINTZEN DUT:

1. Azalpen zatian adierazi bezala ebaztea ondotik aipatzen den proiektuaren jendaurreko aldia, ukitutako ondasun eta eskubideen ondorioetarako: “N-121-A errepidea 2+1 motako bide bihurtzea, 40+900 KPtik 52+430 KPra arte (Arrigazteluko tunelaren hegoaldeko ahoa)” .

2. Behin betiko onestea “N-121-A errepidea 2+1 motako bide bihurtzea, 40+900 KPtik 52+430 KPra arte (Arrigazteluko tunelaren hegoaldeko ahoa)” izeneko proiektua. Aurrekontua 21.656.499,16 eurokoa da, BEZa gabe.

3. Behin betiko onestea ukitutako ondasun eta eskubideen zerrenda. Eranskinean ageri da.

4. “N-121-A errepidea 2+1 motako bide bihurtzea, 40+900 KPtik 52+430 KPra arte (Arrigazteluko tunelaren hegoaldeko ahoa)” izeneko proiektuak ukitutako ondasun eta eskubideen titularrei dei egitea, 2021eko irailaren 6, 7, 8, 9 eta 10ean ager daitezen Baztango, Bertizaranako, Doneztebeko eta Sunbillako herriko etxeetan, okupatu aurreko aktak eta, beharko balitz, okupaziokoak egiteko.

5. Ebazpen hau ukitutako titularrei jakinaraztea, banakako zitazio zedularen bidez.

6. Ekitaldi horretara titularrek beraiek joan beharko dute, edo haien izenean aritzeko behar bezala baimendutako pertsona bat bidali, titulartasuna frogatzen duten agiriak aldean dituztela (eskritura publikoa, jabetza erregistroko ziurtagiria, etab.); egoki baderitzote, perituak eta/edo notarioa eraman ditzakete, baina, betiere, norberak ordainduta.

7. Foru agindu hau Nafarroako Aldizkari Ofizialean eta departamentuaren web orrian argitaratzea, eta dagokion iragarkia bidaltzea Foru Komunitatean hedapen handiena duten egunkarietako bitara.

8. Foru agindu hau jakinaraztea Azterlan eta Proiektuen Zerbitzuari, Azpiegitura Berrien Zerbitzura eta Desjabetze Atalari, baita Baztango, Bertizaranako, Doneztebeko eta Sunbillako udalei ere, eta azken horiek premiatzea beren herriko etxeetako iragarki-tauletan argitara dezaten.

9. Adieraztea foru agindu honek ez duela administrazio bidea amaitzen, eta bere aurka gora jotzeko errekurtsoa jartzen ahal dela, Nafarroako Gobernuari zuzendua, jakinarazi eta biharamunetik hilabeteko epean.

Aurreko paragrafoan xedatutakoa ezertan galarazi gabe, foru agindu honek amaitzen du administrazio publikoentzako administrazio bidea. Dena dela, administrazio publikoek administrazioarekiko auzi-errekurtsoa jar dezakete, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, hau jakinarazi edo Nafarroako Aldizkari Ofizialean argitaratu eta biharamunetik aitzina. Horrek ez du galarazten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2021eko ekainaren 3an.–Lurralde Kohesiorako kontseilaria, Bernardo Ciriza Pérez.

Iragarkiaren kodea: F2109167