Iragarkia

140. ALDIZKARIA - 2021eko ekainaren 17a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

TUTERA

Tutera-Fontellasko bizikleta-bidea luzatzeko obrak exekutatzeko proiektua eta horrekin lotutako desjabetze-espedientea. Hasierako onespena

Tuterako Udalak, 2021eko maiatzaren 31n egindako osoko bilkuran, hasiera batez onetsi zuen Tutera-Fontellasko bizikleta-bidea luzatzeko obrak exekutatzeko proiektua, eta erabaki zuen desjabetze-espedienteari hasiera ematea, hura gauzatzeko, eta jendaurrean jartzea, ukitutako ondasun eta eskubideen zerrendarekin batera.

Hartutako erabakiaren xedapen zatiak hauxe dio:

1.–Hasiera batez onestea Tutera-Fontellasko bizikleta-bidea luzatzeko obrak exekutatzeko proiektua, Cintec SLk sinatua eta aurkeztua, 327.538,32 euroko aurrekontua duena, BEZa kanpo [396.321,37 euro, BEZa barne], eta bi fasetan eginen dena, eta desjabetze-espedienteari hasiera ematea;

I. fasea: 165.289,07 euro, BEZa kanpo [199.999,78 euro, BEZa barne],

II. fasea: 162.249,25 euro, BEZa kanpo [196.321,59 euro, BEZa barne].

2.–Onestea Cintec, SLk emandako 28. faktura, 2021eko maiatzaren 24koa, 7.865 eurokoa, Tutera-Fontellasko bizikleta-bidearen proiektua idazteko lanengatik. Orobat, ordainketa onestea.

3.–Behin-behinekoz deklaratzea proiektuaren gauzatzeak ukitutako ondasun eta eskubideen zerrendaren onura publikoa eta okupazioaren beharra, desjabetzearen ondorioetarako, erabaki honen 1. eranskinean jaso bezala.

4.–Jendaurrean jartzea erabaki hau, proiektua eta ukitutako ondasun eta eskubideen zerrenda, hamabost eguneko epean, Nafarroako Aldizkari Ofizialean argitaratzen denetik hasita, eta ohartaraztea udal bulegoetan daudela interesdunen eskura proiektua eta espediente osoa, egoki juzgatzen diren alegazioak aurkeztu ahal izateko.

5.–Nafarroako Gobernuari eskatzea deklara dezala presakoa dela okupatzea proiektuak ukitutako ondasun eta eskubideak, Nahitaezko Desjabetzeari buruzko Legearen 52. artikuluaren ondorioetarako; izan ere, ezinbestekoa da obrak azkar egitea, bete daitezen Nafarroako Gobernuarekin izenpetutako hitzarmenean adostutako exekuzio-epeak.

6.–Nafarroako Aldizkari Ofizialera bidaltzea erabaki hau eta bere eranskina, argitara daitezen, eta iragarkia paratzea Udalaren iragarki-taulan eta Nafarroan gehien saltzen den egunkarietako batean. Orobat, ukitutakoei banan-banan jakinaraziko zaie, alegazioak aurkez ditzaten beraien eskubideen alde.

Argitara ematen da, orok jakin dezan.

Tuteran, 2021eko ekainaren 2an.–Alkate udalburua, Alejandro Toquero Gil.

Iragarkiaren kodea: L2109183