2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
OLTZA ZENDEA
Aldaketa, Dirulaguntzak arautzen dituen ordenantzan. Behin betiko onespena
Oltza Zendeako Udalak, 2021eko otsailaren 25ean egin osoko bilkuran, hasiera batean onetsi zuen aldaketa egitea Dirulaguntzak arautzen dituen ordenantzan, zeina 2021eko 67. Nafarroako Aldizkari Ofizialean eman baitzen argitara, 2021eko martxoaren 25ean.
Nafarroako Toki Administrazioari buruzko uztailaren 2ko 6/1990 Foru Legearen 325. artikuluan xedatuari jarraikiz, zeina maiatzaren 31ko 15/2002 Foru Legeak aldatu baitzuen, eta jendaurrean egoteko epea inork alegaziorik aurkeztu gabe iragan denez, ordenantza hori behin betikoz onetsi eta osorik argitaratzeko agindu da, behar diren ondorioak izan ditzan.
Argitara ematen da, eta ohartarazten, erabaki honen aurka honako errekurtso hauek aurkezten ahal direla:
–Administrazioarekiko auzi-errekurtsoa, Nafarroako Auzitegi Nagusiko Administrazioarekiko Auzien Epaitegiari zuzendua, Administrazioarekiko Auzien Jurisdikzioa arautzen duen uztailaren 13ko 29/1998 Legearen 10.1.b) artikuluari jarraikiz, bi hilabeteko epean, iragarki hau Nafarroako Aldizkari Ofizialean argitaratu eta biharamunetik hasita.
–Gora jotzeko errekurtsoa, Nafarroako Administrazio Auzitegiari zuzendua, hilabeteko epean, erabaki hau Nafarroako Aldizkari Ofizialean argitaratzen denetik hasita.
Oltza Zendean, 2021eko maiatzaren 13an.–Alkatea, Moisés Garjón Villanueva.
DIRULAGUNTZAK ARAUTZEN DITUEN ORDENANTZA ALDAKETA
7. artikulua. Xedea. (Idazketa berria).
Diruz laguntzen ahal dira jarduera programatuak, baldin eta jarraian aipatzen diren arloren batekoak badira, Udalaren eskumeneko zerbitzuetan lagundu edo horiek ordezten badituzte edo tokiko intereseko jarduerak badira; eta dirulaguntzen deialdiari dagokion aldian gauzatzen badira:
–Kultura.
–Musika.
–Kirola.
–Hezkuntza.
–Euskararen sustapena.
–Gazteria.
–Berdintasuna eta emakumea.
–Hirugarren adina.
–Osasuna eta gizarte-laguntza.
–Giza eskubideak, laguntza humanitarioa eta garapenerako lankidetza.
–Enplegua eta prestakuntza.
–Memoria historikoaren berreskurapena.
–Turismoa.
–Jasangarritasuna eta ingurumena.
–Herritarren partaidetza.
–Azpiegiturak.
–Telekomunikazioak.
–Onuradun izan daitezkeenek egiten dituzten gainerako jarduera edo zerbitzu guztiak, Udalaren eskumenekoen osagarri edo ordezko.
Iragarkiaren kodea: L2107954
