1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
123C/2021 EBAZPENA, apirilaren 30ekoa, Enpresa Politikaren, Nazioarteko Proiekzioaren eta Lanaren zuzendari nagusiak emana. Horren bidez erabakitzen da Oltza Zendeako Talleres Auxiliares de Subcontratación Industria Navarra SA (Tasubinsa) enpresaren hitzarmen kolektiboari buruzko akordio partziala erregistratzea, gordailutzea eta Nafarroako Aldizkari Ofizialean argitaratzea.
Aztertu da Oltza Zendeako Talleres Auxiliares de Subcontratación Industria Navarra SA (Tasubinsa) enpresaren hitzarmen kolektiboari buruzko akordio partzialaren testua (kode zenbakia: 31007282011995), erregistro honetan 2021eko apirilaren 12an sartu zena, enpresaren ordezkariek eta sindikatuen ordezkariek 2020ko abenduaren 10ean izenpetua, jarraikiz Langileen Estatutuaren Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Laneko hitzarmen eta akordio kolektiboen erregistro eta gordailuari buruzko maiatzaren 28ko 713/2010 Errege Dekretuan ezarritakoari. Horrenbestez,
EBAZTEN DUT:
1. Nafarroako Hitzarmen Kolektiboen, Akordio Kolektiboen eta Berdintasun Planen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2021eko apirilaren 30ean.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Oltza Zendeako Talleres Auxiliares de Subcontratación Industria Navarra SA (Tasubinsa) enpresako hitzarmen kolektiboari buruzko akordio partziala (PDFa).
Iragarkiaren kodea: F2107124
