2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
NOAIN ELORTZIBAR
Xehetasun-azterketa, 5. eremuko SB.1 azpieremuan. Hasierako onespena
Noain Elortzibarko Udaleko alkate udalburuak, 2021eko apirilaren 14ko 2021-4018 Ebazpenaren bidez,
ERABAKI ZUEN:
1. Hasiera batez onestea Noaingo 5. eremuko SB.1 azpieremuaren xehetasun-azterketa, Sociedad Cooperativa Farmacéutica Navarra Nafarco Sociedad Cooperativak sustatua.
2. Lurzatiari esleitutako eraikigarritasuna zehaztu beharko da arauen fitxan (4.1.2 artikulua), erantsitako txostenaren 2. puntuan zehaztutakoaren arabera.
3. Txostena eskatzea Iruñerriko Zerbitzuen Mankomunitateari (Uren Mankomunitatea).
4. Ingurumen ukipenen gaineko txostena eskatzea, Nafarroako Gobernuko Ingurumen Departamentuari.
5. Dokumentua egokitzea Lurraldearen Antolamenduari eta Hirigintzari buruzko Foru Legearen testu bategina onesten duen uztailaren 26ko 1/2017 Legegintzako Foru Dekretura eta ezarritako formatura, Planeamenduko Erregistroan sartu ahal izateko; hortaz, ondorengo izapideetan dokumentua aurkeztuko da 253/2019 Foru Dekretuaren baldintzak betetzeko moduan.
6. Espedientea jendaurrean egonen da hogei egunean, iragarki hau Nafarroako Aldizkari Ofizialean, udaletxeko iragarki-taulan eta Foru Komunitatean editatzen diren egunkarietan argitaratzen denetik hasita, azter dadin eta bidezko alegazioak aurkez daitezen. Hori guztia, Lurraldearen Antolamenduari eta Hirigintzari buruzko Foru Legearen testu bategina onesten duen uztailaren 26ko 1/2017 Legegintzako Foru Dekretuaren 74. artikuluan ezarritakoari jarraituz.
7. Jendaurreko epean inork ez badu alegaziorik aurkezten, agiria behin betiko onetsiko da, bidezkoa bada, 253/2019 Foru Dekretura egokitzen denean.
8. Hasierako onespena jakinaraztea Sociedad Cooperativa Farmacéutica Navarra Nafarco Sociedad Cooperativa enpresa sustatzaileari eta lurzati mugakideen titularrei.
Noain Elortzibarren, 2021eko apirilaren 16an.–Alkate udalburua, Sebastián Marco Zaratiegui.
Iragarkiaren kodea: L2106290
