1. NAFARROAKO FORU KOMUNITATEA
1.7. BESTELAKOAK
JENDAURREAN JARTZEA. Oharra, Ingurumen Zuzendaritza Nagusiarena, zeinaren bidez jendaurrean jartzen baita honako hauek hizpide dituen proposamena: Torralba del Rioko eta Mirafuentesko abelbideetako mugarriak sailkatzea eta berritzea eta haien inbentarioa egitea; mugarriak berritzea eta inbentarioa egitea 20. iraganbide tartean, 8. adarrean eta 11. adarrean Lodosan, Imas-Iratxe altxonbidean, Los Arcosen, eta 13. iraganbidean Sesman; eta altxonbidea sailkatzea Muesen (Cabrega) eta Mendazan (Ubago).
Aditzera ematen zaie arestian aipatu udal-mugarteetako abelbideetako mugarriak sailkatzeko eta berritzeko eta haien inbentarioa egiteko lanetan interesa dutenei.
Lehena.–Ingurumeneko zuzendari nagusiak ekainaren 25ean emandako 110/2020 Ebazpenaren bidez, hasiera eman zitzaion espediente honi: Torralba del Rioko eta Mirafuentesko abelbideetako mugarriak sailkatzea eta berritzea eta haien inbentarioa egitea; mugarriak berritzea eta inbentarioa egitea 20. iraganbide tartean, 8. adarrean eta 11. adarrean Lodosan, Imas-Iratxe altxonbidean, Los Arcosen, eta 13. iraganbidean Sesman; eta altxonbidea sailkatzea Muesen (Cabrega) eta Mendazan (Ubago). Ebazpen hori 2020ko 169. Nafarroako Aldizkari Ofizialean argitaratu zen, uztailaren 31koan. Gero, dokumentu-funts bat bildu zen, baita udal-mugarte bakoitzean egindako landa-lana ere.
Bigarrena.–Aipatutako proposamena hilabetez egonen da jendaurrean, ohar hau Nafarroako Aldizkari Ofizialean argitaratu eta biharamunetik hasita. Proposamen horrek hizpide ditu Torralba del Rioko eta Mirafuentesko abelbideetako mugarriak sailkatzea eta berritzea eta haien inbentarioa egitea; mugarriak berritzea eta inbentarioa egitea 20. iraganbide tartean, 8. adarrean eta 11. adarrean Lodosan, Imas-Iratxe altxonbidean, Los Arcosen, eta 13. iraganbidean, Sesman; eta altxonbidea sailkatzea Muesen (Cabrega) eta Mendazan (Ubago).
Proposamen horren laburpena ikusgai dago udalerri bakoitzeko proiektua bukatzeko ekintza publikoa jaso zuten aktetan (ekintza publiko horren bidez jendaurreko epea hasi zen). Gobernu Irekiaren Atarian kontsultatzen ahal dira (https://gobiernoabierto.navarra.es/eu/partaidetza/prozesuak/torralba-del-rioko-abelbideetako-mugarriak-sailkatzea-eta-berritzea-eta-haien-inbentarioa-egitea) aktak eta hemen, a), b), c), d) eta e) letretan, zerrendatutako proiektuak:
a) Torralba del Rio: akta eta proiektua.
b) Mirafuentes: akta eta proiektua.
c) Lodosa: akta eta proiektua.
d) Los Arcos: akta eta proiektua.
e) Sesma: akta eta proiektua.
f) Cabregako (Mues) akta.
g) Ubagoko (Mendaza) akta.
Hirugarrena.–Epe horretan, aipatutako udaletxe bakoitzean kontsultatzen ahalko da proposamena, eta bidezkotzat jotzen diren alegazio edo erreklamazioak aurkezten ahalko dira.
Iruñean, 2021eko martxoaren 29an.–Ingurumeneko zuzendari nagusia, Pablo Muñoz Trigo.
Iragarkiaren kodea: F2105200
