1. NAFARROAKO FORU KOMUNITATEA
1.7. BESTELAKOAK
30/2021 FORU AGINDUA, apirilaren 19koa, Lurralde Kohesiorako kontseilariak emana, honako proiektu hau behin betiko onesten duena: “Biribilgune erako bidegurutze bat eraikitzeko proiektua, NA-6001 errepideak Cordovillako goi-lautadako urbanizaziorako (Nafarroa) daukan sarreran”.
Lurralde Kohesiorako kontseilariak abenduaren 16an emandako 92/2020 Foru Aginduaren bidez, behin-behinekoz onetsi zen “Biribilgune erako bidegurutze bat eraikitzeko proiektua, NA-6001 errepideak Cordovillako goi-lautadako urbanizaziorako (Nafarroa) daukan sarreran” izeneko proiektua eta jendaurrean jarri zen proiektuak ukitutako ondasun eta eskubideen zerrenda.
Jendaurrean egoteko epea alegaziorik aurkeztu gabe bukatu da. Iruñerriko Mankomunitatearen txosten bat baino ez da jaso, non adierazten baita proiektuan ez dela identifikatu NA-6001 errepidearen mendebaldeko bazterretik doan goi-horniduraren kanalizazioari eragiten zaion ukipena (400 mm-ko sekzioa duen kanalizazioa da).
Horretan oinarriturik, proiektuan jaso da ukitutako zerbitzu hori ordeztea, Iruñerriko Mankomunitateak emandako jarraibideen arabera.
Nafarroako Errepideei buruzko martxoaren 23ko 5/2007 Foru Legearen 20.4 artikuluan ezarritakoarekin bat, bidezkoa da proiektua behin betiko onestea.
Hori horrela, Nahitaezko Desjabetzeari buruzko Legearen 52.2 artikuluari jarraikiz, eta Lurralde Kohesiorako Departamentuaren egitura organikoa ezartzen duen urriaren 30eko 263/2019 Foru Dekretuaren 26. artikuluaren g) letraren bidez eskuratu ditudan ahalmenak erabiliz,
AGINTZEN DUT:
1. Proiektu hau behin betiko onestea: “Biribilgune erako bidegurutze bat eraikitzeko proiektua, NA-6001 errepideak Cordovillako goi-lautadako urbanizaziorako (Nafarroa) daukan sarreran”. Proiektuak 268.976,14 euroko aurrekontua du, BEZa kanpo.
2. Behin betiko onestea ukitutako ondasun eta eskubideen zerrenda. Eranskinean ageri da.
3. Foru agindu hau Nafarroako Aldizkari Ofizialean eta departamentuaren web orrian argitaratzea, eta dagokion iragarkia bidaltzea Foru Komunitatean hedapen handiena duten egunkarietako bitara.
4. Foru agindu hau jakinaraztea Azterlan eta Proiektuen Zerbitzuari, Azpiegitura Berrien Zerbitzuari eta Galar Zendeako eta Iruñeko udalei, eta premiatzea iragarki-taulan argitara dezaten.
5. Adieraztea foru agindu honek ez duela administrazio bidea amaitzen, eta partikularrek gora jotzeko errekurtsoa aurkezten ahal dutela haren aurka, Nafarroako Gobernuari zuzenduta, hilabeteko epean, foru agindua jakinarazi edo Nafarroako Aldizkari Ofizialean argitaratu eta biharamunetik aitzina.
Aurreko paragrafoan xedatutakoa ezertan galarazi gabe, foru agindu honek amaitzen du administrazio publikoentzako administrazio bidea. Dena dela, administrazio publikoek administrazioarekiko auzi-errekurtsoa jar dezakete, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, hau jakinarazi edo Nafarroako Aldizkari Ofizialean argitaratu eta biharamunetik aitzina. Horrek ez du galarazten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Iruñean, 2021eko apirilaren 19an.–Lurralde Kohesiorako kontseilaria, Bernardo Ciriza Pérez.
ERANSKINA BIRIBILGUNE ERAKO BIDEGURUTZE BAT ERAIKITZEKO PROIEKTUA, NA-6001 ERREPIDEAK CORDOVILLAKO (NAFARROA) GOI-LAUTADAKO URBANIZAZIORAKO DAUKAN SARRERAN Ukitutako ondasun eta eskubideen banakako zerrenda zehatza |
FINKA ZENBAKIA | JABEA ETA HELBIDEA | DESJ. AZALERA m² | KATASTROKO DATUAK |
Pol. | Lurz. | Alorra |
GALARKO UDAL-MUGARTEA |
GA-01 | Galar zendeako Udala | 104 | 2 | 215A | Lurzorua |
GA-02 | Nafarroako Foru Komunitatea (altxonbideak) | 49 | 2 | 238A | Lurzorua |
GA-03 | Nafarroako Foru Komunitatea (Errepideak) | 125 | 2 | 314A | Elkorra |
GA-04 | Galar zendeako Udala | 124 | 1 | 735A | Lurzorua |
GA-05 | Nafarroako Foru Komunitatea (altxonbideak) | 32 | 1 | 755A | Lurzorua |
GA-06 | Nafarroako Foru Komunitatea (Errepideak) | 453 | 1 | 756A | Elkorra |
GA-07 | Nafarroako Foru Komunitatea (Errepideak) | 121 | 1 | 757A | Elkorra |
IRUÑEKO UDAL MUGARTEA |
PA-01 | Iruñeko Udalaren herri-lurrak | 43 | 4 | 2529A | Larreak |
PA-02 | Inmobiliaria de la Universidad de Navarra SA | 209 | 4 | 2531B | Lehorreko alorra |
PA-03 | Inmobiliaria de la Universidad de Navarra SA | 24 | 4 | 2531D | Bidea |
PA-04 | Inmobiliaria de la Universidad de Navarra SA | 346 | 4 | 2531E | Lehorreko alorra |
PA-05 | Santafé Yetano, José Luis | 217 | 4 | 2533A | Lehorreko alorra |
PA-06 | IRU BIDE SA | 480 | 4 | 2711A | Lehorreko alorra |
PA-07 | Nafarroako Foru Komunitatea (Errepideak) | 27 | 4 | 2852A | Elkorra |
PA-08 | Nafarroako Foru Komunitatea (Errepideak) | 330 | 4 | 2870A | Elkorra |
PA-09 | Nafarroako Foru Komunitatea (Errepideak) | 1.348 | 4 | 2880A | Elkorra |
PA-10 | Nafarroako Foru Komunitatea (Errepideak) | 1.534 | 4 | 2881A | Elkorra |
PA-11 | Nafarroako Foru Komunitatea (Errepideak) | 105 | 4 | 2882A | Elkorra |
Ukitutako zerbitzuak berrezartzea Hornidura. |
FINKA ZENBAKIA | TITULARRA ETA HELBIDEA | ZORTASUN EZARPENA ml-m² | DESJ. m² KUTX. | ALDI BAT. OKUPAZIOA m² | ZERBITZU MOTA | KATASTROKO DATUAK |
Pol. | Lurz. | Alorra |
IRUÑEKO UDAL MUGARTEA |
PA-06 | IRU BIDE SA | 100 | 291 | - | 1.413 | AB | 4 | 2711A | Leh. alorra |
Iragarkiaren kodea: F2106345