4. PROZEDURA JUDIZIALAK
NAFARROAKO JUSTIZIA AUZITEGI NAGUSIA
ADMINISTRAZIOAREKIKO AUZIEN SALA
Oinarrizko Eskubideen gaineko 134/2021 Prozedura
Aditzera ematen dut: sala honetan bideratu den oinarrizko eskubideen gaineko 0000134/2021 prozeduran, 48/2021 Autoa eman da 2021eko martxoaren 30ean, eta irmo geratu da. Hona hemen haren aurrekariak eta xedapen zatia, hitzez hitz:
“48/2021 Autoa.
Lehendakaria: Francisco Javier Pueyo Calleja jauna. Magistratuak: María Jesús Azcona Labiano andrea eta Antonio Sánchez Ibáñez.
Iruñean, 2021eko martxoaren 30ean.
Aurrekariak
Lehena.–2021eko martxoaren 20an, Nafarroako Foru Komunitateko aholkulari juridiko eta legelariak eskatu zuen judizialki baimentzea Nafarroako Gobernuko Osasuneko kontseilariaren martxoaren 29ko 10/2021 Foru Aginduaren bidez hartutako neurriak (nahiz eta, akats material bat dela kausa, berrestea esaten zen). Foru agindu horren bidez zati batean aldatu zen otsailaren 23ko 5/2021 Foru Agindua, berariazko prebentzio neurri apartekoak hartu zituena Nafarroako Foru Komunitaterako, COVID-19ak eragindako egoera epidemiologikoak izandako bilakaeraren ondorioz.
Bigarrena.–Fiskaltzari igorri zitzaion, txostena egin zezan berehala; 2021eko martxoaren 29an berean egin zuen, prozeduran ageri den emaitzarekin, eta ebazteko zain dago.
Xedapen zatia
Salak erabakitzen du:
1. Baimentzea Osasuneko kontseilariaren 2021eko martxoaren 29ko 10/2021 Foru Aginduan jasotako osasun neurriak. Foru agindu horren bidez zati batean aldatu zen martxoaren 11ko 5/2021 Foru Agindua, berariazko prebentzio neurri apartekoak hartu zituena Nafarroako Foru Komunitaterako, COVID-19ak eragindako egoera epidemiologikoak izandako bilakaeraren ondorioz.
2. Administrazioak jakinarazi beharko dio Administrazioarekiko Auzien Sala honi berretsitako neurrien betearazpenean eragina duen edozein gorabehera, edo, kasua bada, neurri horiek kentzea eragiten duen beste edozein. Halaber, neurrien luzapena baimentzeko eskaera egin beharko du, osasun arloko administrazioak halakorik erabakitzen badu.
3. Administrazioak txosten bat igorri beharko dio auzitegi honi, zazpi egun naturaleko epean, bilakaera epidemiologikoari eta hartutako neurrien eraginkortasunari buruzkoa.
4. Eragindako prozesuko kostuak ez zaizkio inori ezartzen berariaz.
Ebazpen hau jakinaraz bekie alderdi guztiei, eta ohartaraz bekie ez dela irmoa eta haren kontra berraztertzeko errekurtsoa jar daitekeela bost eguneko epean.
Hori erabaki, agindu eta sinatzen dute idazpuruan adierazitako magistratuek.
Eta Nafarroako Aldizkari Ofizialean argitara dadin, honako hau egin eta sinatzen dut.
Iruñean, 2021eko apirilaren 13an.–Justizia Administrazioaren Salako letradua, Virginia Arias López de Lacalle.
Iragarkiaren kodea: J2106208
