1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
27C/2020 EBAZPENA, otsailaren 26koa, Enpresa Politikaren, Nazioarteko Proiekzioaren eta Lanaren zuzendari nagusiak emana, erabakitzen duena Grupo Fromageries Bel España SL enpresaren hitzarmen kolektiboko soldatak 2019rako berrikusteari buruzko akordioa erregistratzea, gordailutzea eta Nafarroako Aldizkari Ofizialean argitaratzea.
Grupo Fromageries Bel España SL enpresaren hitzarmen kolektiboko 2019ko urteko soldaten berrikuspenari buruzko akordioaren testua aztertu da (kode zenbakia: 31007952012000), erregistro honetan 2020ko otsailaren 3an sartu zena, enpresaren ordezkariek eta sindikatuen ordezkariek 2020ko urtarrilaren 29an izenpetua, Langileen Estatutuaren Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluko 2. eta 3. apartatuetan eta Laneko hitzarmen eta akordio kolektiboen erregistro eta gordailuari buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBAZTEN DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2020ko otsailaren 26an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Grupo Fromageries Bel España SL enpresaren hitzarmen kolektiboko soldatak 2019an berrikusteko akordioa (PDFa).
Iragarkiaren kodea: F2003024
